HAR'OHUUSE 7:20 - Biblía Axweesantá Hhohho' ar Mungú 2004

²⁰ Nee daqtadár tsár sleeme adoodá' ngina tleehhiyé'. Inooín sleeme tsaa'aso ngina oohiyé' ar daber'ín ar doó basáy nee tarumbeetadu dabér doó /iyáy, nee tari tseé' ar afór ur tawa kaahi, «Lawaalarí ar AAKOÓ MUNGÚ nee ar Gideoni.»

HAR'OHUUSE 7:20 Iomraidhean Croise

ISAYA 27:13

Baalaadae tarumbeétár yangaariir kari ufaahh. Mukdá' sleémeero aa qwaar baraá yaamaá Ashuru, nee kudá' taa huwi baraá yaamaá Misri ni hardihiyá', AAKOÓ MUNGÚ nguri sluufmisiyá' gawaá tloomarós tidá' hhoohhoo' wa ale, ar Yerusalemu.

YEREMIA 47:6

Aá, paángár AAKOÓ MUNGÚ, ay xaylá ta kumaamit? Dír tara tsauuriká kií/ baraá tlakwaywók, ta hungu/ús, xasliít.

1 Korinto 15:52

ar gaanslaay adór kwisliitár ila, qoomár tarumbeétadár alhhe'eesaay bira /á/. Asma tarumbeéta iqo /á/, nee múk aa qaatl kuri waasle/atis, tari múk qatlaaká baloó ale, nee atén sleeme tiri warqees.

2 korinto 4:7

Ala ateéká' daqaari'iimarí koomá', atén a adór xooslaadár tleei. Mungú adoorí gana tleéhh, as kaangwí iwa geehhouy adór /uuruuwí úr amór i dahhi tar amooreneeká, ala a amór Mungú.

1 Tesalonike 4:16

Asma Aako inósuú kilá' i aweer gawaá doorí wa ale, afór ur ar hara'aya kari axaas, nee afór malaykamoó úr, nee afór tarumbeétár Mungú kari axaas. Mukdá' Kristo gwa haratlintii', kudá' aa qaatl kuri geerií waaslee/atis.

Ebrania 11:4

Abeli Mungú guna haratlintií', ilahhooár ak hhoo' ar gár ta gaasi ta tidár Kainiwo gari amór Mungú i haniís. Mungú ilahhooár Abeli gari ya/án, gari ilaóh. Gawaá adoorihe Mungú Abeli gway lamabu'ún as haratlintaaoorós, adór tar heé ganaá'. Abeli tim aa gwaai ala tam laarí inós i kumiit axweesanto ar haratlintaaoorós.

YOSHUA 6:16

Harweermór faanqw kawa hhe'eés, qoomár kaahamuusér Mungú tarumbeetadu ngiwa ufáhh, Yoshua mukós guri báy, «Tsee'é'! Asma AAKOÓ MUNGÚ gixsarí nga dirhúngí haniís.»

YOSHUA 6:20

Naagáy muu iri tseé', tarumbeetadu kiwa ufaáhh. Muu afór tarumbeetadu kawa axaás, tari ak tseé' ar afór ur, nee koo/i iri huhu'uún, muu iri dáh baraá gixsa umuú heewo ar didií sihhiít, inooín gixsa ngiri hayoohiyé'.

YOSHUA 6:4

Kaahamuusér Mungú ar faanqw ar tarumbeétadaá faánqw koom awa taa tleéhh ar xareemaá gwaandaawe, i geeraá sandakmoó alqadór wa hi'it. Bál faanqwe kuungá' sleémeero gixsár Yeriko hi'iitano tir harwede' sagaáwa faanqw. Kaahamuusér Mungú i geeraá sandakmoó alqadór wa hi'it, nee tarumbeéta ngi ufhhane'.

2 Petro 1:15

Gawaá adoorihe aníng ilakaaharu un tlehhiít as kahhó' kuungá' muruuwí kuwa inslasleera' umuú daqto, tam qoomár aníng bara gwaá' sleeme.

HAR'OHUUSE 7:19

Gideoni nee múk tsiiru tari bihhaaqá' i hardáh awa xafoó múk Midiani qoomár xweeraá dakingo, qoomár xuumuuse tiwa warqeská. Naagáy tarumbeetadu ngiri ufaahhiyé' nee sirwaydá' ta kon kuri yaamúr slaáhh.

HAR'OHUUSE 7:21

Umuúqo heewo ina sihhiít dirós i alé as xafaydá' kuwa harweeri. Slaqwaruusér Midiani iri góp i hara uuamiín.

1 SAMUELI 11:11

Naxés matloowose Saulo muu guna qasiís baraá daqooroó tám i ale. Looaytleér matlaatleero múk Amoni kuri gaanslár tsitsiíhh muxtaaro baraá xafay'íní ale ay qoomár /ameetleemu, aluuwo múk aa meet iri tsiyaayaxaát, tam múk afi tsár sleeme kwaa dinkwárí mayká.