HAR'OHUUSE 7:2 - Biblía Axweesantá Hhohho' ar Mungú 2004

² AAKOÓ MUNGÚ Gideoni guri báy, «Múk kuúng ta koon ku ló'wa úr dir'eene baali ngiwa haniis dír múk Midianiwo. Aluuwo baraá múk Israeliwo hee miwa kilós oó', ‹Aníng tina tuú/ ar dakw'eé',› nee aníng iri gaárií xuiaaká.

HAR'OHUUSE 7:2 Iomraidhean Croise

IIMU/UUNGW 46:2

Mungú iri axweés nee Israeli ar baraá iigu'utu qoomár xweera, guri báy, «Yakóbo, Yakóbo.» Inós iri oó', «Aníng a diirí.»

2 QOM'I 14:11

Asa iri /aá/ dír AAKOÓ MUNGÚ, Munguúwós, iri oó', «Aá AAKOÓ MUNGÚ, diroge dimbé i káhh gár ta alee/iimis bar slaqwaruusér /uuruú koom laqaá ar daqatlakw. AAKOÓ MUNGÚ, Munguúrén, atén kuúng ti alee/is, asma atén kuúng ugwa harahhifaán, ar baraá umuuwoge atén naa slaqwarár awaán dír slaqwaruuseérí yaariir. Aá AAKOÓ MUNGÚ, kuúng an Munguúrén, ala kuúng ma ya/amaar nee hee tiwa tlampa'asa'.»

ISAYA 10:13

Asma waawutmo i kaahi, «Tí ana tleéhh ar /uuruú dabaaeé', nee ar sagalooar'eé', asma aníng tsaahha a koóm. Digeemaá muu iga hingeés, nee slaasláwar'ín ngiri ar tláw, nee kudá' gawaá kiteeraá waawuti'iimár wa iwiiwitá', ina diíf adór awu, ngiri /aytamiís.

ISAYA 2:11

Heé daara/ángwár xumiís ku baráy /aytiis, nee múk daara/aám ku baráy ki/is. Baalaadae AAKOÓ MUNGÚ kilós kun xirfayemiis.

ISAYA 2:17

Nee daara/ángw hee ku baráy ki/is, nee saga gawduú muu ku /aytiis. AAKOÓ MUNGÚ kilós baalaadae kun xirfayemiis.

YEREMIA 9:23

AAKOÓ MUNGÚ i kaahi, «Heé sagaloó' mitiwa xirfayeemiís as sagalooarós, heé /uuruú koóm mitiwa xirfayeemiís as /uuruuwós, heé daqaarmo mitiwa xirfayeés as daqaari'iimarós.

ESEKIELI 28:17

Ana daara/út asma tuwa hhoohhoó', sagalooarók ana hhitiín ar xirfuuwók, aníng kuúng una yaamií kwaáhh, uri murekeés dír ilaá waawitá wa ale.

ESEKIELI 28:2

«Heewí, waawutmoó Tiro baweek anuú AAKOÓ MUNGÚ a kah, Kuúng aga ló'wa pooraa/amút sagabi/uuwo, sleeme tari ó', ‹Aníng a mungú, aga iwiít gawaá kitángw waawuti'iima oo munguaá hatlá', aga iwiít baraá tláwtí alé.› Ala kuúng a heé tawo, kuúng a munguheeká. Tam sagalooarók kilók a ara'aanda tawa adór taqár mungú.

DANIELI 4:30

Waawutmo iri oó', «Ga/aawak áx adór gixsár Babuloni i diri' uraywo, tidá' aníng naa tleéhh ar aleesleemueé', as tawa gixsár ur ar waawutmo i hooti nee ar xiríf baraá waawuti'iimar'eene.»

HABAKUKI 1:16

Gaarí an gár baratsufay'ín ngus ilahhooár muruú ta tsú/í hanmiisiya', nee an gár baratsufay'ín ngus ilahhooár da/a/ángwí hanmamisiya'. Asma baratsufay'ín kudá' gaa diihhooár ar áy nee muruú /aymár yaariire.»

SEKARIA 12:7

«Anuú AAKOÓ MUNGÚ múk Yuda un geerií ba/amis, as kahhó' múk doó Daudi nee yaamuloouusér Yerusalemu mitiwa xirfayeemisiyé' ta múk hatlá' oo Yudawo.

SEKARIA 4:6

Aníng iri báy, «Gaarí an axweesantá AAKOÓ MUNGÚ ar aa oó' dír Serubabeli iwa kaahi, ‹Arba/ati a sleeraaká ar /uuruuwók, laqaá ar aleesleemuuwók kilós, ala an sleér ar /uuruú qeeruueé'.› Anuú AAKOÓ MUNGÚ Aleesleemusmo tí an káh.

FAARO 31:4

Umuúqo tlahhoó Israeliwo, múk baraá slaqwararií daqáw a kumuú wák.»

Rumi 11:18

Ala kuúng birti xirfayeemís dír haleemiidá' hatlae, inslaweek kuúng dee/aruú xa'ano u gagariindaaká, ala a kuúng dee/aruú xa'ano un gagarín.

Rumi 3:27

Gár tas daara/aamaan a milá ala? Gár tas daara/aamaan i káhh. Asma milá? Gár adoorí ga laqaaqaam a hara'aya gaalá? A hara'ayár tlehhmi'iíwo? Aasla'áy, gár adoorí ga laqaaqaam a hara'ayár haratlintaao.

2 korinto 4:7

Ala ateéká' daqaari'iimarí koomá', atén a adór xooslaadár tleei. Mungú adoorí gana tleéhh, as kaangwí iwa geehhouy adór /uuruuwí úr amór i dahhi tar amooreneeká, ala a amór Mungú.

Efeso 2:9

Gawaá adoorihe hee mitiwa tawó xirfeemiís asma a tlehhmuú gadiyeéroseeká.

DABE 32:27

Ala aníng axweesantá wakuuser'ín ana da'ayuút, as wakuuser'ín mingiwa adór hatlár tsáhh tari ooi, ‹Atén aga baalimaán, nee AAKOÓ MUNGÚ inooín gaa alee/isiiká.› »

DABE 8:17

Gawaá adoorihe ti harmagahhe' ma baraá munerhúngí ooara', ‹Atén taa kiloorén daqaari'iitisaan ar /uureemoorén, nee aleesleemurén oo kilá'.›

DABE 8:18

Inslawaak AAKOÓ MUNGÚ, Munguúhúng an kudá' kuungá' naa daqaari'iimár i haniis. Adoorí gana tleéhh as alqadoorós tidá' ngiwa gawdeesi, tidá' aáng aa tleéhh nee baabi'iihúng tam ay laarí.

Yakobo 4:6

Ala tam adoorihe gurtleemuudá' ni atén i hanmiisi ku ak ló'wa ur. Gawaá adoorihe Gooi i malé kat, «Mungú múk daara/aám gu sii', ala mukdá' ti niinaweemiís gu gurtláy.»

1 SAMUELI 14:6

Naagáy Yonatan garmaadá' xooslaarós koóm guri báy, «Gimáy qwaláng mukwí taa al/utlinká u harawarahhaán baraá koo/ir'ínií ale, dooqa AAKOÓ MUNGÚ atén ti alee/iis, asma muu bar ku yaariír laqaá bar ku niiná, AAKOÓ MUNGÚ gu baqiiká mukós ba/amisaro.»