HAR'OHUUSE 7:15 - Biblía Axweesantá Hhohho' ar Mungú 2004

¹⁵ Gideoni kangwduú tlataadá' nee waagweermooro ngiwa axaás, Mungú guri sluufiís, iri wayaá' amór slaqwaruusér múk Israeli, giri báy, «Tlawaaré', asma AAKOÓ MUNGÚ slaqwaruusér Midiani ngaa qaás gawaá dabaahúngí ale.»

HAR'OHUUSE 7:15 Iomraidhean Croise

IIMU/UUNGW 24:48

Ana xupuú', AAKOÓ MUNGÚ nguri sluufiís, AAKOÓ MUNGÚ nguri xirfayeemiís, Munguú aakooeé' Abrahamu, kwí aníng iga geerahaar ay dír dasír tlahhoó aakooeé' as garmaawós.

IIMU/UUNGW 40:8

Kuri báy, «Laarí xweeraawo ana tlatiitimaán, ala heé gídaabárós alki/ituwo ga aleesláw i kaahh.» Yosefu giri báy, «Gadiyér tlata waagweera ar Mungúheéke? Gimsé', tlataahúng kwisingá' alki/iitare'.»

IIMU/UUNGW 41:11

Xweerakari wake ana tlatiitimaán, aníng nee inós, umuú heewo nee tlataawós.

HAR'OHUUSE 3:28

Giri báy, «Aníng na eeharaaré' asma AAKOÓ MUNGÚ wakuuserhúng tidár Moabu ngaa gawaá dabaahúng i qaás.» Ehudi nguri eehariyé', tari /eét ay amór yaaér Yordani, didá' ta warhhaahhati ar ya'a', ngiri hayoohiyé', ngiri tseegiyé', tam heé wák aa waarahhiiká.

HAR'OHUUSE 4:14

Debora Baraka guna beér, «Gimáy tlawáng, asma laarí AAKOÓ MUNGÚ Sisera ngwa gawaá dabaawók i qaás, nee AAKOÓ MUNGÚ kuúng u geerahaar.» Baraka nee mukós kuduú kume mibaangw tari aweér gawaá tloomár Tabori wa ale.

HAR'OHUUSE 7:11

Kuúng kángw inooín ta axweesi u axás, /uuru kuri sleér as tawa slaqwarár eer.» Naagáy Gideoni nee sagadiyusmoowós Pura tari tláy ay wa/aameedá' xuumuusér múk Midiani iwa xuun ar baalaqaasi.

HAR'OHUUSE 7:14

Mulqumoowós kudá' guri mu/aywaáts iri oó', «Gaasíng hamí aqo paángár Gideoniwokáhe, garmoó Yoashi, heé Israeli. Mungú múk Midiani nee slaqwaruuser'ine sleémeero gaa haniís baraá dabaawós i ale.»

HAR'OHUUSE 7:16

Inós mukduú tsiire tám guri qasiís baraá daqooroó tám i ale, umuúqo heewo guri tarumbeétár i haniís nee sirwír niina ar kaahaar ar gura tsaa'astá koom.

HAR'OHUUSE 8:7

Gideoni giri báy, «I qoón, ala AAKOÓ MUNGÚ bar Seba nee Salmuna ngaa qaás gawaá dabaeé', daqaní aníng slaqoohúng in tu/uúm ar difiitmoó laqeelaá koóm nee muumuír baraá xaanxaay.»

1 SAMUELI 1:28

Gawaá adoorihe hamí na/aywí ngwa huúw dír AAKOÓ MUNGÚ. Baraá slafiingós sleémeero i dír AAKOÓ MUNGÚ wa hooti.» Inooín AAKOÓ MUNGÚ nguri amoodá' wa sluufmiisiyé'.

1 SAMUELI 14:12

Mukuú baraá guruú koo/idá' gawit Yonatan nee garmaadá' xooslarós kooma kiri báy, «Gimsé' qwalaas amoorén tí, daqaní atén garka ngi laqaamaán.» Yonatan garmaadá' xooslár koóm guri báy, «Gimáy án eeharáng, asma AAKOÓ MUNGÚ mukwí ngwa qaroó qaás baraá dabaá xoorór Israeli.»