HAR'OHUUSE 6:5 - Biblía Axweesantá Hhohho' ar Mungú 2004

⁵ Mukwí ina intsahhán daqaaqango, inooín ki ló'wa yaariir adór ingigi nee hikwaaine, nee angamíaro nee heemaduwo, niri hotaá ayé' yaamaá múk Israeli, yaamaá múk Israeli ngiri hhitaatiné'.

HAR'OHUUSE 6:5 Iomraidhean Croise

DAA'AANGW 1:5

Aá /ameenár Yerusalemu, aníng ti ló'wa boó/ ala ti hhoohhoó'. Ti hhoohhoó' adór heemadaá Kedari, adór inqwaruú Solomon.

ISAYA 13:20

Múk baraadí hotaá áw kureeriwo i kaahh, tam baraá qari sleémeero heé baraadá' wa hoót i kaahh. Ma/arabumoó heémaarós ga baraadií siíhh i kaahh, tam de'eemuusér bee/angw'ín gu baraadií deeliis i káhh.

ISAYA 60:6

Yaamuuwók ki tuuntuuk nee daqtá angamía. Eeít damaá angamía awa múk Midiani nee Efa, nee sleémeero awa Sheba nin hardihiyá'. Inooín sahaábu nee mooyángw tsuú' ngun huwiyá', nee inooín xirfuú AAKOÓ MUNGÚ ngun alki/iitiyá'.

YEREMIA 46:23

AAKOÓ MUNGÚ i kaahi, «Darmuuín aqo kun hhaamiis tam i dahamaawo ku gawde, asma inooín kin ló'wa ur ingiigi ba/a, faarooro ki aleeslayká.

YEREMIA 49:29

Heemaaduín nee bee/angw'ín ki ar tláy, dinkwa nee inqwaruín nee daqaari'iimar'ine, angaamíar'ín ka hayoh, muu iri amor'ín i tseeamín tawa kaahi, ‹Dae tlaqa i umuú bihhi.›

YEREMIA 49:32

Angamíar'ín ka haasaáng wa ar tláy, hikwaaín kiri haasaáng wa ar tláy. Mukdaádá' suseemaá tlaqaaqatá' gun diyaa/ umuú bihheero. Slahh'amu un huúw umuú bihheero. Anuú AAKOÓ MUNGÚ tí ngina oó'.

YEREMIA 51:14

AAKOÓ MUNGÚ Aleesleemusmo lo'o gaa /aáy ar slafiingós. Aníng múk yaariír adór ingigi ngu amorhúng i huúw. Inooín daa'ángw bara/ oo baali kuri daa' daanduú Babuloniro.»

DABE 28:33

Xoorór kuúng ta baloó xu'uká ni hardát, balángw yaamuuwók sleémeero nee oo hameeroge gun /ák, kuúng turi baramaanuus daqisleém.

HAR'OHUUSE 7:12

Múk Midiani, nee múk Amaleki, nee múk hatlá' sleémeero oo da/aá daáhh xatsa ngaa qaroó alqaatiyé', yaareemaawo a adór ingigi, nee inooín angamíár yaariir adór hhasángw afaá tlawi ngi koná'.

HAR'OHUUSE 8:10

Seba nee Salmuna ta baraá yaamaá Karkorírí dirii' dinkwa nee slaqwaruusér kume mibaá nee kooán ar aa met slaqwaruusér da/aawe, asma hhaeeín awa slaqwarár paangadu ngi baalá' awa kume tsiiru nee mibeeraá tsár kina qororo'oós.

HAR'OHUUSE 8:21

Aluuwo Seba nee Salmuna Gideoni nguri bayé', «Sihhiitáng, kuúnguú kilá' ti tsu/, asma gadiyeérí ar hhawaate.» Gideoni giri tsuú/ inósuú kilá', muruuduú parooti oo gawaá isér angamíar'ín guri ar tláy.

1 SAMUELI 30:17

Daudi gina harati'iít matlaatleero, gina laaláy muxtaaro ay tsiindaá bál tsár. Tam hhawaatuú aa /úy i kaahh, aqo har daaqayko tsiire tsiyáhh oo aa tsa/a/an gawaá daandemaá angamía, tari goów.