HAR'OHUUSE 6:36 - Biblía Axweesantá Hhohho' ar Mungú 2004

³⁶ Gideoni Mungú guri báy, «Barnaxés kuúng múk Israeli u tú/ ar dakw'eé' adoodá' kara ó',

HAR'OHUUSE 6:36 Iomraidhean Croise

IIMU/UUNGW 15:8

Abramu iri oó', «Aá Aakoó MUNGÚ, adór án ngir tsaahh a adoomá adór yaamuuká' ngir aál?»

2 WAAWITÁ 20:9

Isaya iri oó', «Gaarí an layár kuúng ta aan ar amór AAKOÓ MUNGÚ daahh, adór al'axweesantós ngir boo/eés. Xáy ka sla' geehhaantamo har afiqoomár digiruú mibaangw in geerií kumiíti, laqaá in alií kii/?»

ISAYA 7:11

«AAKOÓ MUNGÚ, Munguúwók firimeek, laya ngiwa laqan ar baraá giaá daahh laqaá ar doori.»

ISAYA 7:14

Gawaá adoorihe, Aako laya ngi kuungá' i haniis, /amaatliito'o i tsít, na/oó garma gu xwayluúr, nee gu umií tsát gu beer Imanueli.

Matayo 16:1

Múk Farisayo nee múk Sadukayo Yesu kuri i daqáy as kuwa iiari, kuri firín layár gawaá dooraá daahh ngiwa laqan.

HAR'OHUUSE 6:14

AAKOÓ MUNGÚ iri warqáy amór Gideoni guri báy, «Tláw ar /uuruuwók kwí úr, múk Israeli tu/ang gawaá dabaá múk Midianiwo. Ahaá heé kuúng u ya/abiít a aningeekáhe?»

HAR'OHUUSE 6:16

AAKOÓ MUNGÚ guri báy, «Adoorí tleehharo a aleesleér, asma aníng a dinkwa nee kuúng, kuúng múk Midiani sleémeero un múx adór heé wákár alé.»

HAR'OHUUSE 6:37

aníng daxta se'éngw bee/i u qaás diirí angaáno kuwa muxaaxin. Barnaxes hara' i gawaá se'eengwí kilós nee yaamu ki kaahaar, daqaní aníng aga tsaáhh adór múk Israeli kur tú/ ar dakw'eé' ar adoodá' kuúng ngira ó'.»

1 SAMUELI 14:10

Ala barnaxes taa oó', ‹Gimsé'! Kuungá' atén ti haratsa/aande',› daqaní atén tari amor'íní tsa/amán, asma daqaní AAKOÓ MUNGÚ inooín ngaa dabaaréní qaás, nee tí iri laya tleehhít direne.»