HAR'OHUUSE 6:34 - Biblía Axweesantá Hhohho' ar Mungú 2004

³⁴ Ala Qeeruú AAKOÓ MUNGÚ Gideoni guri i hardáh, Gideoni tarumbeéta gari ufaáhh as múk Abieseri nguwa ateetin as nguwa eehariya'.

HAR'OHUUSE 6:34 Iomraidhean Croise

1 QOM'I 12:18

Naagáy Qeeruú Mungú Amasai gway hatsiís, kuduú geeraharusmoó úr oo kudaá mibeeraá tám, iri oó', «Aá, Daudi garmoó Yese, atén a kók, atén a bartók, aá garmoó Yese! Wayda, eeít wayda ta amoorók, nee wayda dír kudá' kuúng u alee/imiisá'. Asma Munguúwók an kudá' kuúng u ale/iimiís.» Aluuwo Daudi giri ilaaóh. Giri qaás geeraharuusér slaqwaruusér wa ale.

1 QOM'I 12:19

Askaárír hatlá' ar tlahhoó Manase tana haragwaá' amór Daudi qoomár Daudi nee múk Filisti tiwa alkona' as tawa slaqwi nee waawutmo Saulo. Ala Daudi múk Filisti gwaa alee/isiiká, asma geeraharuusér múk Filisti ta xurumiit, Daudi ngiwa geewaqaati dír Saulo, gawaá adoorihe Daudi kway alií ki/ís.

2 QOM'I 24:20

Qeeruú Mungú Sekaria garmoó kaahamusmoó Mungú Yehoyada guri i hardáh. Sekaria iri sihhiít geeraá múkwí ale, giri báy, «Ahaá waáy, gár hara'ayár AAKOÓ MUNGÚ kasa sié' a milá? An gár hamí kuungá' gár ta slasleera' is kahh, asma inós kuungá' una sié', nee inós kuungá' naa máy sleeme.»

WARA'AMI 51:11

Mi kwaahhaar dír geeraawoge, qeeruuwók oo Hhoohhoó' mu hingeesaar dir'eene.

FAARO 10:3

Tarumbeéta tsaraawo barka al'ufaáhh dinkwaárí ale, muu sleémeero i burumburiiti dír geeraawók, bihhaá heémár Mungú.

Rumi 13:14

Ala kuungá' Aako Yesu Kristo na oohaak tawa baqamorhúng, nee slám ma kumiitara' ilatleerír slaqoohúng kawa tleemisa'.

Galatia 3:27

Asma kuungaásingá' sleémeero awa taa haragaás nee Kristo ar loohír baatiísmo, kuungá' Kristo ugwa tsité' adór inqwaarír wa ale.

YOSHUA 17:2

Baraakár hatlá' aa met baraá tlahhoó Manasewo kina yaamuuíní ka'amiís ar tsawdo umuúqo guruú do'o nee dirós. Gur'eedár mari a tí: Hhay Abieseri, nee hhay Heleki, nee hhay Asrieli, nee hhay Shekemu, nee hhay Heferi, nee hhay Shemida, sleémeero kuká' a daaqoó Manase garmoó Yosefu.

HAR'OHUUSE 13:25

Qeeruú AAKOÓ MUNGÚ guri /uurií haniís iwa baraá Mahanedanír i dirii'i, tla/ángw Sora nee Eshtaoli.

HAR'OHUUSE 14:19

Qeeruú AAKOÓ MUNGÚ Samson guri hatsiís, Samson iri /eét ay Ashkeloni. Múk mibeeri tám guri tsuú/, tlabaaín giri hayóh giri haniís dír mukdaádá' siníkarós gaa slay. Inós iri waátl ar mune ay amór doó baabuúwós.

HAR'OHUUSE 15:14

Qoomár iwa hardáh Lehi, múk Filisti ina amór Samson i haraatláy ar tseeo. Samson Qeeruú AAKOÓ MUNGÚ guri hatsiís him'eedá' kura daba' tseék iri tsatít adór neewór taa daá/ ar asla, iri yaamií hú'.

HAR'OHUUSE 3:10

Qeeruú AAKOÓ MUNGÚ Otnieli guri hatsiís, inós tari har'ohusmoó múk Israeli, iri slaqwarár áy. AAKOÓ MUNGÚ Kushan-rishataimu waawutmoó Mesapotamia guri gawaá dabaawós i qaás, inós Kushan-rishataimu guri baál.

HAR'OHUUSE 3:27

Iwa hardáh baraá yaamaá tlom'aá Efraimuwo, tarumbeéta gari ufaáhh. Ehudi xoorór Israeli gari geerahaár, niri al'aweeriyé' gawaá tloomár wa ale.

HAR'OHUUSE 6:11

Malaykamoó AAKOÓ MUNGÚ iri tláy, iri iwiít dír gamuú ta/eewi ar baraá Ofra, tidár Yoashi, heé tlahhoó Abieseri. Gideoni garmoó Yoashi i angaánoó muux baraá bohóngw sabiíbu kuwa tsoo/a/iti as mukuwa ár nee múk Midiani.

HAR'OHUUSE 8:2

Ala Gideoni gina báy, «Muruú aníng naa tleéhh a ak gaarooká burkwa alqoomeés nee kudá' kuungá' taa tlehhé'. Muruú múk Efraimu aa sleemiís alaá bu'uungo ku ló'wa hhó', slám ku hhohhó' ta bu'úngw Abieseri kuduú tlahhay'eene.

1 SAMUELI 10:6

Nee Qeeruú AAKOÓ MUNGÚ un hatsiis, kuúng tari aaririín dinkwa nee inooín, kuúng turi warqees tari heé dimbé.

1 SAMUELI 11:6

Qoomár Saulo axweesanaydá' nguwa axmiís, iri buúhh, /uuruú Qeeruú Mungú Saulí guri hatsiís.

1 SAMUELI 13:3

Yonatan koo/ír gawit ar slaqwaruusér múk Filisti gana daáhh, baraá Gebaro, múk Filisti kaangwí guri axaás, adór Saulo tarumbeéta ngira ufaáhh baraá yaamuudá' sleémeero iwa kaahi, «Gimsé' múk Ebrania i axaasi.»

1 SAMUELI 16:14

Naagáy Qeeruú AAKOÓ MUNGÚ Saulo guri geexáy, qeeruú tlaákw kuri ya/aamár i haniís nee AAKOÓ MUNGÚ, Saulo nguwa i dahi, guri amoqwaareemiís.