HAR'OHUUSE 6:32 - Biblía Axweesantá Hhohho' ar Mungú 2004

³² Naagáy iimír baalaadae Gideoni kuri umuú i tsaát kuri báy, Yeruba'ali, asma gídaabarós a, «Ba'ali ti kilós aleekalaa/i.» Asma gár taa feé/ a kitaangós oo ilahhooa.

HAR'OHUUSE 6:32 Iomraidhean Croise

2 SAMUELI 11:21

Ahaá, heé Abimeleki garmoó Yerubesheti gwaa gaas a heemá? A /ameenír wák ar baraá gixsároóke, tidá' ta bay Tebesi, tlaa/ár xoosliingw ngiwa gawaá koo/ír wa kwáhh, tlaa/adá' Abimeleki guri gás? Asma milá masa tseewuuré' dír bihhaá koo/i?› Daqaní kuúng ku beer, ‹Tam sagadiyusmoowók Uria kuduú xoorór Hiti, inós sleeme aa gwaá'.› »

YEREMIA 11:13

Múk Yuda, munguiihúng ki yaariir adór gixsaduhúng. Nee kiteeraá ilahhooarhúng ki yaariir adór lohdaá Yerusalemu, kudá' taa tlehhé' as mureekesayduú Ba'ali kuwa ilahhooár mooyángw tsuúií da/a/aanda'.

HOSEA 9:10

Aníng múk Israeli nguwa sláw, a adór sabiíbuú darma. Taati'iihúng ngiwa ár ki afhhamít adór mamaá /aantsí awa har geera. Ala tawa hardáh Ba'al-peori, tiri paraatliyé' dir'eene as Ba'ali nguwa sluufmisiya'. Aníng inooín ina aáhh adór Ba'alír ale, kudá' i slaiya'.

HAR'OHUUSE 6:31

Ala Yoashi mukdá' sleémeero nee inós ti tlaampa'amisá' guri báy, «Xáy, kuungá' Ba'ali un aleekal/aandaá'a? Laqaá un alee/imisá'a? Heé Ba'ali gu aleekal/aám ku gaasi matlaatleerír kilae, barnaxés inós a Mungú, ti aleekalaa/i, asma gár taa feé/ a kitángw inós kuwa ilahhooárí hanmaamisi.»

HAR'OHUUSE 7:1

Gideoni kudá' ta bay Yeruba'ali nee mukós sleémeero matlaatleero nina tseewa tlayé', xafay'ín nguri tleehhiyé' bihhaá kutltá Harodi. Múk Midiani xafay'ín ngua tleehhiyé' bihhaá /iya, baraá xatsa didár geetuú More.

HAR'OHUUSE 8:35

Slám inooín múk doó Gideoni ngwa hhooeemáy tleehhi'iiká ar adoodá' Gideoni hhooeema ngira tleéhh baraá Israeliwo.

1 SAMUELI 12:11

AAKOÓ MUNGÚ Yeruba'ali, nee Baraka nee Yefta, nee Samueli gina ya/aáw, kuungá' nuri tu/iyé' baraá dabaá wakuuserhúng wa ale bihhe sleémeero, kuungá' tari hoté' ar amohhooa.