HAR'OHUUSE 6:31 - Biblía Axweesantá Hhohho' ar Mungú 2004

³¹ Ala Yoashi mukdá' sleémeero nee inós ti tlaampa'amisá' guri báy, «Xáy, kuungá' Ba'ali un aleekal/aandaá'a? Laqaá un alee/imisá'a? Heé Ba'ali gu aleekal/aám ku gaasi matlaatleerír kilae, barnaxés inós a Mungú, ti aleekalaa/i, asma gár taa feé/ a kitángw inós kuwa ilahhooárí hanmaamisi.»

HAR'OHUUSE 6:31 Iomraidhean Croise

1 WAAWITÁ 18:27

Qoomár /ameetleemuuwo Eliya giri i tlatláy niqimisuuwo, ngiwa babay, «Firiimé' ar afór ur ló' wa alé. Inós a mungú! Hám siiwarkaaro gár i aldakuuti i deer, laqaá aa /o/ór áy, laqaá i baraá aai, laqaá siiwarkaaro aa guú', kár ala i hariín kuwa tlesa'.»

1 WAAWITÁ 18:29

Tana ló'wa kumiít tsimaahhiro, tari ti'ii'ín adór slarhhamaaye ay looár aa /uwaá xu', qoomár ilahhooa haniisa, kár ala heé gaa iiárií qaas i kaahh, laqaá oo gaa gaáriíi xuu' i kaahh.

1 WAAWITÁ 18:40

Eliya muu guri báy, «Aaruusér Ba'ali sleémeero ohiimare', tam oo wák miwa kotsqoót.» Naagáy sleémeero kiri ohín. Eliya giri huúw baraá yaaér Kishoni, giri tsuú/ baraadií ale.

TI'INAANGW 23:2

Boo/oó muu oo tlakweemaá tlehhtuú áw mu eeharaharaar, sleeme miti alkoomara' nee boo/aydá' lamabu'úngw lama gu duuxár áw baraá kwasleema as gan'amuú hee nguwa qwaareesiya'.

ISAYA 41:23

Gimsé' gár aluú wa hardah ooare', as kahhó' atén kuungá' nu tsaahhaán adór tar mungui, gár hhoo' laqaá ar slahh'eemiis tleehhaak, daqaní doóqa atén a amoqwaraán nee tari da'ayutaán.

ISAYA 46:1

«Munguúdá' ta bay Beli aa yaamií huú' munguú ta bay Nebo aa huú' munguiihúng kudaá slaqsi'i ki loohiis nee makaay nee hikwa qoomarkaaro muruuwí kuungá' una loohisé', hám daxta ina tsa/asé' gawaá daandemaá makaá naa slaqaamitiyé'.

ISAYA 46:7

Inooín slaqsi'iidá' ngin sum'ii'ín ar loohisiyá', ngiri gagaariyá', ngiri qaasiyá' didá' inooín ta slai, niri didá' wa iwiwitiyá'. Didaádá' kay qaasi i baloó surukiaaká. Barnaxes hee ga i /aa/aá ay gu mu/aywatsiiká, laqaá hee gu ba/amisiiká baraá slahh'amuuwose.

YEREMIA 10:11

Naagáy ki beera', «Munguaá doori nee yaamu nga tlehhi'iiká i hhaná'. Inooín kin hhaamiis baraá yaamuwo.»

YEREMIA 10:5

Slaqsi'ii'ín a adór inqwaarír xooyaangw gusisiingw baraá qaymooro, i axweesiaaká, aqo kin loohiis asma i hi'iimitiaaká. Slaqsi'iiká' mi da'ayumitaara'. Inooín hee gár tlaakw ngway tleehhiya' i káhh, tam ar hhoo' ngway tleehhiya' i káhh.

FAARO 14:6

Yoshua garmoó Nuni, nee Kalebu garmoó Yefune, kudá' dawá' baraá tla/ángw mukdá' yaamu gaa tsawtsawuusár ayi, tlabaaín ngiri feehhamisiyé',

1 Korinto 8:4

Ala gawaá daanduú /aymár fu'unaydá' taa ilahhooár wa hanmiisi dír munguaá hatlá' gár ni oo' a tí, atén a xuaán adór munguaá hatlá' tar gaarooká baraá yaamuwo, ala Mungú a wak.

Efeso 5:11

Ma aldinku'uumisaara' nee mukdá' tlehhema'aá giwtír tlehhiít. Ala tlehhemi'iidá' na geehhooeesaak.

HAR'OHUUSE 6:30

Naagáy Yoashi nguri bayé', «Garmaawók dír tsee/ií duuxang, u gaasaán. Inós kitangwdá' ta ilahhooár Ba'ali hanmaamisaan guna feé/, nee slaqwsayduú Ashera ta bihhiidií tleéhh guna daáhh.»

HAR'OHUUSE 6:32

Naagáy iimír baalaadae Gideoni kuri umuú i tsaát kuri báy, Yeruba'ali, asma gídaabarós a, «Ba'ali ti kilós aleekalaa/i.» Asma gár taa feé/ a kitaangós oo ilahhooa.

1 SAMUELI 12:11

AAKOÓ MUNGÚ Yeruba'ali, nee Baraka nee Yefta, nee Samueli gina ya/aáw, kuungá' nuri tu/iyé' baraá dabaá wakuuserhúng wa ale bihhe sleémeero, kuungá' tari hoté' ar amohhooa.