HAR'OHUUSE 6:30 - Biblía Axweesantá Hhohho' ar Mungú 2004

³⁰ Naagáy Yoashi nguri bayé', «Garmaawók dír tsee/ií duuxang, u gaasaán. Inós kitangwdá' ta ilahhooár Ba'ali hanmaamisaan guna feé/, nee slaqwsayduú Ashera ta bihhiidií tleéhh guna daáhh.»

HAR'OHUUSE 6:30 Iomraidhean Croise

YEREMIA 26:11

Qoomaarihe kaahamuusér Mungú, nee aaruuse, niri axweesiyé' dír geeraharuuse nee muu sleémeero kiri báy, «Heewí gár kuwa hariím a gaasa, asma muruudá' aa aarín daanduú gixsarihe, adoodá' kuungá' kilá' iaahunge kura axasé'.»

YEREMIA 50:38

Ma'ay'ín ni kahiye', as kahhó' niwa kahiya', asma Babuloni a yaamaá murslaaqatuú mungui. Muu a slarhhamumuút daanduú slaqsa'aá munguaá hatláe.

Yohana 16:2

Kuungá' tundu baynitis dír maraá saalingo. Slám qooma i hardát ar umuúqo heewo oo kuungá' nu tsuú/, ngiwa xui i Munguú sagadiyuus.

Tlehhema'aá ya/Abuuse 26:9

«Anuú kilá' geera ana haraxuú' adór tar gár aníng wa hariim mura' sleémeero nguwa tleehh, kudaádá' Yesu Kristoó Nasareti gu baáq.

Filipi 3:6

Ilakaaharu una ló'wa tleéhh gawaá daanduú hara'aya ooharo, tam múk kríshaanáy nguri slahh'eemiís. Geera barnaxes hotaá ganaa'á' kin slaslaya ar hara'aya boo/eesa, geera alók aníng ti xaslxaansli wásl.

HAR'OHUUSE 6:29

Tari kilooín yaahamiisiyé', «Heé adoorí gaa tleehh a heemá?» Tari kumiít yaahamisuuwo, kari tsaáhh adór hee tar Gideoni, garmoó Yoashi tawa heé adoodá' gaa tleehh.

HAR'OHUUSE 6:31

Ala Yoashi mukdá' sleémeero nee inós ti tlaampa'amisá' guri báy, «Xáy, kuungá' Ba'ali un aleekal/aandaá'a? Laqaá un alee/imisá'a? Heé Ba'ali gu aleekal/aám ku gaasi matlaatleerír kilae, barnaxés inós a Mungú, ti aleekalaa/i, asma gár taa feé/ a kitángw inós kuwa ilahhooárí hanmaamisi.»