HAR'OHUUSE 6:27 - Biblía Axweesantá Hhohho' ar Mungú 2004

²⁷ Gideoni nee sagadiyuuseerós ar mibaangw adoodá' AAKOÓ MUNGÚ aa oó' ngiri tleehhiyé'. Ala inós adoorí ngaa tleéhh a xweera asma tlaatla/aango múk dooín nee múk baraá gixsadá' guna da'ayuút.

HAR'OHUUSE 6:27 Iomraidhean Croise

WARA'AMI 112:5

Heé hhoó' a kudá' múk dahi'iimiís, nee muu i kirkiti, kudá' muruuwós gu qoomeemeés ar adór ganaa'.

Matayo 16:24

Qoomaadár kilae Yesu eeharuuseerós gari báy, «Umuúqo heewo oo aníng i eehartá wa slaá', gar kuwa hariím a sla'aarirós gan gunqarees, nee msalaábarós gari gagaar, aníng iri eehar.

Yohana 15:14

Kuungá' a mulqer'eé', bar tidá' án naa hara'ayiím aga tlehhé'.

Yohana 2:5

Aayór Yesu sagadiyuuseedá' gadiyuus gari beér, «Umuúqo gaaro ar naa ooi ka tlehhá'.»

Yohana 3:2

Heewí ina amór Yésú káy xweeraá ale, guri báy, «Intsaahhatusámo, a xuaán adór kuúng tar intsaahhatusmoó amór Mungú daáhh, asma heé muruuwí xuawaslén kuúng ta tlehhahhit gu aleesláw i kaahh, aqo har heé nee Mungú dinkwa.»

Galatia 1:16

Garmaawós nguna dir'eénií geehhooatís, as kahhó', aníng Ya/abtór hho' ar daanduuwós ngiwa alki/iit dír múk xoordaá hatlá', qoomaadae aníng heé naa yaahaás i kaahh.

DABE 4:1

Mose axweesanto iri kumiít iwa kaahi, «Gimsé', kaahi nee hara'ayaarí ni kuungá' í intsaahhatimis ooha hhe'eesaak, nee adoodá' i kat ka tlehhitá' as tawa slafa', nee yaamuudá' AAKOÓ MUNGÚ, Munguú baabi'iihúng naa kuungá' i haniís kiwa ala'.

1 Tesalonike 2:4

Ala Munguúdá' muneerén ga xuú', inós Ya/abtór hho' ngina atén i saayín. Atén Ya/abtoorí an alki/iitaán ar adoodá' inós i slai. Atén heé ta sla'atimisaan i kaahh, ala heé ta sla'atimisaan a Mungú kudaádá' muneerén ga xuú'.

HAR'OHUUSE 6:26

Kitángw ilahhooa oo AAKOÓ MUNGÚ, Munguúwók ku tlaa/ér tléhh gawaá koo/ír gawit. Daqaní awuduú tsár ku dá/ as tawa ilahhooár da/a, slaqsayduú Ashera taa fé/ migír tiwa hamis.»

HAR'OHUUSE 6:28

Qoomár matlaatleero múk gixsadá' tawa tseewa tláy qatuwo, naxés kitangwduú Ba'ali kuwa ilahhooárí hanmaamisi kwa feé/, nee slaqsayduú Ashera bihhaadií dirií' kwa yaamií daáhh, nee awuuduú tsár kwa ilahhooár wa haniís gawaá daanduú kitangwdá' taa tleéhh.