HAR'OHUUSE 6:24 - Biblía Axweesantá Hhohho' ar Mungú 2004

²⁴ Naagáy Gideoni kitangwduú ilahhooár AAKOÓ MUNGÚ guri didií tleéhh, didá' gari umií tsaát iwa kaahi, «AAKOÓ MUNGÚ a wayda.» Tam ay laarí kitangwduú ilahhooa i daadeer didár Ofraro, tidár tlahhoó Abieseri.

HAR'OHUUSE 6:24 Iomraidhean Croise

IIMU/UUNGW 12:7

Amoodaádae AAKOÓ MUNGÚ Abramu guri i ti'iít, guri báy, «Yaamukaáká' ngin kuúng i haniís nee xwaylarók.» Didaádae Abramu kitángw ilahhooa guri tleéhh as AAKOÓ MUNGÚ nguwa ilahhooárí haniisi, kudá' gwaa i ti'iit didae.

IIMU/UUNGW 12:8

Abramu iri didá' wa tláy, iri hardáh ay yaamaá goongoama bihhaá da/aáw awa gixsár Beteli. Heémarós gari didií kikií', gixsár Beteli i bihhaá /uwa, nee gixsár ta bay Ai i bihhaá da/aáw. Kitángw ilahhooa guri tleéhh, umuú AAKOÓ MUNGÚ guri ateetín baraá firoorose.

IIMU/UUNGW 22:14

Abrahamu yaamuudá' giri báy, «AAKOÓ MUNGÚ ngi haniis.» Adoodá' kar ateetin tam de'emuuká', «Gawaá tloomár AAKOÓ MUNGUHE kingi haniis.

IIMU/UUNGW 33:20

Kitángw ilahhooa guri tleéhh amoodaádá' i ale. Kitangwdá' guri umií tsaát guri báy El-Elohe-Israeli.

2 SAMUELI 24:25

Daudi AAKOÓ MUNGÚ guri kitángw ilahhooárií tleéhh didár afeenidár balaangw muxta. Ilahhooár da/a gari haniís, nee ilahhooár wayduwo. Naagáy AAKOÓ MUNGÚ firoorí gari ya/án as yaamu, nee oohaseeyidár tiqtír pu/i ar múk Israeli gwa ot, gari har'óh.

1 WAAWITÁ 18:32

Tlaa/eeká' Eliya giri kitángw ilahhooár AAKOÓ MUNGÚR tleéhh, mapari gari foól ar kitangwdá' gwaa harwet, maparidá' uraywo a ma'aá deébér wák gi faak.

ESRA 3:2

Aluuwo Yeshua garmoó Yosadaki, ina sihhiít, nee kaahamuuseedár hatlá' nee Serubabeli garmoó Shealtieli, nee hhaeewós, inooín kitángw ilahhooár Munguú Israeli kuna tleéhh, as ilahhooár da/a kawa haniisi, adór kara gooín baraá hara'ayár Mose, heé Mungú.

TI'INAANGW 17:15

Mose kitángw Mungú nguwa ilahhooárí haniisi guri tleéhh. Kitangwdá' guri umií tsaát, guri báy, «AAKOÓ MUNGÚ an Bendeérar'eé'.»

YEREMIA 23:6

Qoomár waawuti'iimarose múk Yuda ku ba/amis, nee múk Israeli i saxareemár hoot. Inós umuuwós ku bay, ‹AAKOÓ MUNGÚ an gan'amuurén.›

YEREMIA 33:16

Deeloodae yaamaá Yuda ki ba/amis, nee awa Yerusalemu i hootiyá' ar saxareema. Gixsarí umuuwós kuri bay, ‹AAKOÓ MUNGÚ an gan'amuurén.›

ESEKIELI 48:35

Tlenángw koo/irí sleémeero bihhe tsiyahhaawo a miíta kume gweleél. Umuú gixsa iimír hamí ku báy, ‹AAKOÓ MUNGÚ i diirí dirii'.› »

FAARO 26:30

Múk tlahhoó Gileadi a kwí: Múk guruú doó Yeseri nee oo doó Heleki,

YOSHUA 22:10

Niwa hardihiyé' afaá yaaér Yordani awa /uwa, kitángw yangaariír oo ilahhooa kawa da/aa/an nguri tleehhiyé' afaá yaaeérií ale.

HAR'OHUUSE 21:4

Matlaatlér boo/e muu ina tseewa tláy, kitángw ilahhooa kuri tleéhh, ilahhooár da/a nee ar wayda ngiri haniisiyé'.

HAR'OHUUSE 6:23

Ala AAKOÓ MUNGÚ guri báy, «Wayda koomeek, ma da'ayumiitaar, kuúng a gwa'aká.»

HAR'OHUUSE 8:27

Gideoni sahaábuudá' guri naifeérár kaahamusmór tleéhh, gari qaás baraá gixsarós ar ta bay Ofra. Múk Israeli sleémeero iri amoodá' i tláy as kuwa sluufmiisi. Naifeéradá' iri tsaaxweeli tleehhít dír Gideoni nee múk do'ose.

HAR'OHUUSE 8:32

Gideoni garmoó Yoashi iri dín iri gwaá', kuri foól baraá /aantár baabuúwós Yoashi, baraá gixsár Ofra ar múk Abieseri.

1 SAMUELI 14:35

Saulo kitángw ilahhooár AAKOÓ MUNGÚ ngiwa haniisi guna tleéhh ar tlaa/e, kitaangwí oo geera, oo aa tleéhh as AAKOÓ MUNGÚ.

1 SAMUELI 7:17

Nee in waawaatl ay Rama, asma do'ós i baraadá', nee didá' an kitángw gadiyeérós ar kwasleemadaá múk Israeli ngiwa tlaaqi. Kitángw ilahhooa oo AAKOÓ MUNGÚ guri tleéhh baraadií ale.