HAR'OHUUSE 6:23 - Biblía Axweesantá Hhohho' ar Mungú 2004

²³ Ala AAKOÓ MUNGÚ guri báy, «Wayda koomeek, ma da'ayumiitaar, kuúng a gwa'aká.»

HAR'OHUUSE 6:23 Iomraidhean Croise

IIMU/UUNGW 32:30

Yakobo umuú didá' guri báy Penieli, i kaahi, «Nee Mungú taa araán ila nee tí, ala aníng a slaáf.»

IIMU/UUNGW 32:31

Yakobo Penieliro iwa waraahhi looa naa qaroó tsiiríhh, inós i soopín asma kutl/umoodá'.

IIMU/UUNGW 43:23

Giri báy, «Wayda amorhúng, ma da'ayumiitaara'. Munguúhúng, Munguú baabuúhúng, inós peésarhúng ngina qaás baraá afér mayshuuhúng. Peésarhúng naa qaro amor'eé' hardát.» Aluuwo Simeon guri amor'ínií duúx.

WARA'AMI 85:8

Aníng masók a axaás adór AAKOÓ MUNGÚ i ooi. Asma wayda gu oo' dír mukós i ale, dír mukós kudá' hhohhó', kudá' naa warqaye' amoorós.

DANIELI 10:19

Iri báy, ‹Aá heé ta ló'wa sla'aa'an nee Mungú, ma da'ayumiitaar, waydar iwiwiteek, migís nee muunahhe'eés!› Qoomár iwa amor'eénií axweesi, aníng /uuru nguri sláw, aníng nguri báw, ‹Aá Aáko, aníng iga /uurií qás, tidá' ta ooár wa sla' ooang.›

Yohana 14:27

«Wayda ngu kuungá' i geexáw, wayduueé' ngun haniís. Wayduudá' aníng ni hanmiis, a adór wayduuduú mukwí oo baraaká' yaamu ni hanmiisiiká. Ma amoqwaqwadiimara' baraá munerhunge, slám ma da'ayumitaara'.

Yohana 20:19

Bál deelór Jumapiíliro, looa iwa dát, eeharuuse i dinkwár i dirí'. Afkú do' kwaa tseék, asma múk Yahudi kuwa da'ayumiti. Yesu iri dir'íní hardáh, iri tla/angw'ín i sihhiít, giri báy, «Wayda masók i dirhúng.»

Yohana 20:26

Alaá deelo dakaát iwa waaráhh, eeharuuse i malé dinkwár i dirí' baraá do', nee Tomas i dinkwa nee inooín. Tam afkú do' kwa tseegi. Ala Yesu nay dir'íní hardáh, iri tla/angw'ín i sihhiít, giri báy, «Wayda masók i dirhúng.»

Rumi 1:7

Barwaárí ngina gooiím amorhúng i alé, kuungaásingá' baraá gixsár Roma, kuungaásingá' sleémeero awa taa slaá' nee Mungú, nee tunduri ateét tawa múk hhohhó' oo Mungú. Mungú Baabuúrén nee Aakoorén Yesu Kristo kuungá' nu tsuuqi nee nu waydií haniisi.

HAR'OHUUSE 19:20

Aakoodá' iri oó', «Wayda masók i dirhúng umuú gár ta sla'a a daanduueé', ala ma dír tlahhaywí deelaar.»

HAR'OHUUSE 6:22

Gideoni gari tsaáhh adór inós nee malaykamoó AAKOÓ MUNGÚ nira axweesiyé'. Gideoni iri oó', «Laá tsaxwaeé', AAKOÓ MUNGÚ, asma nee malaykamoowók taa araán ila nee tí.»

HAR'OHUUSE 6:24

Naagáy Gideoni kitangwduú ilahhooár AAKOÓ MUNGÚ guri didií tleéhh, didá' gari umií tsaát iwa kaahi, «AAKOÓ MUNGÚ a wayda.» Tam ay laarí kitangwduú ilahhooa i daadeer didár Ofraro, tidár tlahhoó Abieseri.