HAR'OHUUSE 6:19 - Biblía Axweesantá Hhohho' ar Mungú 2004

¹⁹ Gideoni iri tláy, iri dáh baraá do'ós, deelmoó leei guri gaás, nee puuruú deébe guri sláy, mikaátér taa sluuftisiiká gari tleéhh, fu'unaydá' giri qaás baraá lakwaanti, ma'aá fu'unaay giri qaás baraá qataai, giri dír gamuú ta/eewírií huúw, giri haniís.

HAR'OHUUSE 6:19 Iomraidhean Croise

IIMU/UUNGW 18:3

Iri oó', «Bariiser'eé', án bar gurtleemu ugwa sláw dír ilaahunge, anuú sagadiyusmoohúng, mi waarahhara'.

IIMU/UUNGW 18:5

Qoomár bar hara hungu/uumisá', aníng muruú /aymár niiná ngu amohhe'eés, ta /ayiindá', kahhó' /uuruú tar kumiita' baraá aaiiwo u sleerá', asma aníng sagadiyusmoohúng ina i hardaté'.» Inooín kuri báy, «Gimáy, tleehheek ar adoodá' kara ó'.»

TLAHHOÓ LAÁWI 2:4

«Barnaxes hee ilahhooár mikaáte ga dír Mungú i haniisár wa slaa', masók a mikaátér taa sluuftisiiká, ar puuruú natsatsaá' nee oo taa aleedoók ar di/tá seituúni, laqaá mikaátér wananaa' ar taa sluuftisiiká, ar taa sliík ar di/i.

Matayo 13:33

Yesu slaqsoó hatlá' guri dir'ín i káh, iri oó', «Waawuti'iimár doori a slaqás nee gár mikaáte ir sluufaasluf, ar /ameeni aa qás baraá puuruú, oo har afi qoomoó deebadaá tsár, tam puuruúdá' sleémeero iri sluúf.»

HAR'OHUUSE 13:20

Qoomár tsángw asla iwa gawaá doorí tlatlay dír kitángw ilahhooár wa ale, malaykamoó AAKOÓ MUNGÚ iri gawaá doorí tláy ar baraá tsangwduú asla. Manoa nee hareerós adoorí kawa ár tari tumbarara'aát giti ngiri yaamúr oohiyé'.

HAR'OHUUSE 6:18

Na'ás, aníng diirí wa daamáng ay dír qeemuú muruú /ayma ngway huuw dirók i alé.» Inós iri oó', «Ka hhoo', aníng kuúng u daám ay dír ni ki/.»

HAR'OHUUSE 6:20

Malaykamo guri báy, «Fu'unaay nee mikaátér taa sluuftisiiká qaaseek gawaá tlaa/aarí, nee ma'aá fu'unaay ki ku'ús gawaadií aleeró.» Inós adoodá' gari tleéhh.