HAR'OHUUSE 6:12 - Biblía Axweesantá Hhohho' ar Mungú 2004

¹² Malaykamoó AAKOÓ MUNGÚ Gideoni guri haraaxáy guri báy, «Aá migusámo, AAKOÓ MUNGÚ i dinkwa nee kuúng.»

HAR'OHUUSE 6:12 Iomraidhean Croise

TI'INAANGW 3:12

Mungú iri oó', «Aníng a dinkwa nee kuúng, layár ga laqaqaam adór aníng nee kuúng tar dinkwa a tí: Qoomár bar múk Israeli ngwa baraá yaamaá Misrír wa dúx, anuú Mungú iri gawaá tloomarí wa sluufmisá'.»

Matayo 1:23

«Ga/aaweek, /amaatliito'o i tsít, na/oó garma gu xwayluúr, umuuwós kuri bay Imanueli.» gídaabárós, «Mungú i dinkwa nee atén.»

Matayo 28:20

Muruudá' sleémeero naa kuungií intsaahhatimís, dir'ínií intsaahhatisak ku oohi. Ga/aawaak aníng a dinkwa nee kuungá' deelo sleémeero ay alhhe'eesoó yaamu.»

Luka 1:11

Malaykamoó Aako guri harati'iít, aa sihhiít bihhaá doó /iyáy awa kitangwdá' mooyángw tsuú' kuwa da/a/an.

Luka 1:28

Malaykamo iri baraá do'ós i dáh iri oó', «Laawaay, kír tsuuqa iga sleer. Aako nee kiíng a dinkwa.»

DABE 20:1

«Kuungá' barnaxes aga slaqwarár eeré' amór wakuuserhúng, naxés farsuuín nee gardaá slaqwarar'ín, nee slaqwaruuser'ine bira aandé' toohúng ka baa/ uraywo, kuungá' inooín mi da'ayutara'. Asma AAKOÓ MUNGÚ, Munguúhúng kudá' kuungá' naa baraá yaamaá Misrír wa duux i dinkwa nee kuungá'.

YOSHUA 1:5

Hee tumu wák i kaahh oo kuúng u tlampa'aás baraá deelór hotaawók sleémeero. Aníng nee kuúng a dinkwa, adoodá' aníng nee Mose tara dinku'uusaán daqisleém, kuúng gár uwa /aaruw i káhh, nee u geexawaaká.

YOSHUA 1:9

Inslawiím adór aníng kuúng ura báw, gimáy piíhh nee ilakaahareés ló' wa ale. Ma da'ayumiitaar laqaá ma amoqwaqwadimaar, asma anuú AAKOÓ MUNGÚ Munguúwók a dinkwa nee kuúng amór taqo keera.»

HAR'OHUUSE 11:1

Baraá Gileadiro heeko wák i deer, inós a migusmo, umuuwós a Yefta, ala aayoorós a tsaatuso'o, umuú baabuúwós a Gileadi.

HAR'OHUUSE 13:3

Looarka wake malaykamoó AAKOÓ MUNGÚ gana i hardáh gari báy, «Ga/aaweek kiíng aáng a kampeeri, na/ii i koondaaká, ala hamí daxta a tsít na/oó garma u sleér.

HAR'OHUUSE 2:18

Nee umuúqo qoomár AAKOÓ MUNGÚ har'ohusmo nguwa ya/aawi, AAKOÓ MUNGÚ a dinkwa nee har'ohusmoodá', AAKOÓ MUNGÚ múk Israeli guna ba/amís baraá dabér wakuuser'ín wa alé, deelo sleémeero ar har'ohusmoodá' iwa slafi. Asma AAKOÓ MUNGÚ kuna gurtleés nee /aa/eeín, as adoodá' kiwa slahh'eemiís nee kiwa baramaanuús nee wakuuser'ín.

HAR'OHUUSE 6:11

Malaykamoó AAKOÓ MUNGÚ iri tláy, iri iwiít dír gamuú ta/eewi ar baraá Ofra, tidár Yoashi, heé tlahhoó Abieseri. Gideoni garmoó Yoashi i angaánoó muux baraá bohóngw sabiíbu kuwa tsoo/a/iti as mukuwa ár nee múk Midiani.

HAR'OHUUSE 6:13

Gideoni iri oó', «Aáko, AAKOÓ MUNGÚ barnaxés i dinkwa nee atén, ahaá waáy adoorí atén mista sleér? Ahaá tlehhmi'iiwós kudaá waa/oo/amo aa tleéhh tindi alki/a/iti nee bariise i amoomá, tawa aain Aakoó Mungú ngina duúx baraá yaamaá Misrir wa ale? Ala hamí taa máy, taa haniís gawaá dabaá múk Midiani.»

RUTI 2:4

Naxés Boasi nina hardáh i Betilehemúr daahh. Múk bu'uúm guri laaw'eés iri oó', «AAKOÓ MUNGÚ masók ta dinkwa nee kuungá'.» Inooín tari oó', «AAKOÓ MUNGÚ u tsuuqi.»

1 SAMUELI 10:7

Qoomár slaqsi'iiká' bira aán, adór ta aleesleer ka tléhh ar ta sla', asma Mungú i dinkwa nee kuúng.