HAR'OHUUSE 6:10 - Biblía Axweesantá Hhohho' ar Mungú 2004

¹⁰ Aníng kuungá' nuri báw aníng an AAKOÓ MUNGÚ, Munguúhúng, munguaá múk Amori, mukdá' yaamuuín kuungá' ta hota' mi haratlintatiaara', ala kuungá' afor'eé' aga iiárií qasi'iiká.› »

HAR'OHUUSE 6:10 Iomraidhean Croise

2 WAAWITÁ 17:13

Tam adoorihe AAKOÓ MUNGÚ aaruuse nee iigu'utuuse gana ya/aáw as múk Israeli kuwa nanaaqi nee oo Yudawo, iwa kaahi, «Lohduhúng kwisingá' tlakw mawaak, hara'ayar'eé' iiárií qaasaak, nee daber'eé' eeharaak, tidá' aníng aáng na hara'ayiím dír baabi'iihúng, nee tidá' na hara'iyiím ar loohír sagadiyuser'eé' ar aaruuse.»

2 WAAWITÁ 17:33

Gawaá adoorihe, inooín AAKOÓ MUNGÚ nguna sluufmiisiyé', bartaqae inooín munguiidá' naa huwiyé' baraá yaamuuín wa alé ngina malé sluufmiisiyé'.

2 WAAWITÁ 17:7

Adoorí ina tleehharút asma múk Israeli ina dee/anuút dír geeraá AAKOÓ MUNGÚ, Munguúine, kudá' gaa tuu/ baraá dabaá Faraowo, waawutmoó Misri, nee sleeme munguaá hatlá' ngina sagadiyusiyé' kitángw Munguú ló' wa ale,

NEHEMIA 9:29

Ina gurbu'uún as daberók ngiwa i ki/iya'. Ala ar sagagawduuine hara'ayarók ngaa iialooeesi'iiká, kaahirók ngina si'iyé' tidá' handá' geeraawo bar hee ngaa iialooeés in hoot, inooín sager'ín ngiri gawdeesiyé' nee da/ewer'ine, kuúng uri si'iyé' iialooeesaro.

TI'INAANGW 34:12

Kuúng ti harmagahh alqado ma tleehhara' nee yaamuloouusér yaamaá ta keera', asma kuungá' aluuwo nu gee/asliyá'.

TI'INAANGW 34:14

«Kuungá' munguaá hatlá' i sluufmisuú eera'aaká, asma AAKOÓ MUNGÚ kudá' umuuwós ta bay, ‹Oo da/tá koóm›, inós an Munguú da/tá koóm.

AXWEESANOÓ SAGALOOA 5:13

Afór mukdá' aníng iga intsaahhatimis masa iialoeesiiká, tam kudá' aníng iga iia' /utliye' isa iiárií qaasiiká.

YEREMIA 10:2

AAKOÓ MUNGÚ i kaahi, «Tlehhma'aá xoordaá hatlá' mi intsaatsahhaara', laqaá mutunduwa amoqwareemiís nee layaá gawaá doorí wa tleehharumiitá', asma layuudá' xoordaá hatlá' ngin amoqwareemisiyá'.

YEREMIA 17:23

Ala baabi'iihúng aníng iga iiárií qaasi'iiká nee iga hhasliti'iiká, ala inooín sager'ín ngina gawdeesiyé', tidá' naa oó' ngina si'iyé', nee intsaahhasar'eé' ilaooharo gina si'iyé'.› »

YEREMIA 3:13

Kuungá' tlakweésarhúng kilós na hhu'uu'umaak, tidá' anuú AAKOÓ MUNGÚ, Munguúhúng, iwa ahhé', nee munguaá hatlá' kiwa slaé' sluufmisuuwo dír umuúqo gamuú xa'anoó loo/o naa/e, nee afor'eé' kari iialooesi'iiká. Anuú AAKOÓ MUNGÚ tí ngina oó'.

YEREMIA 3:25

Gimsé' atén gár tiwa hariím an yaamií qaataán as mureerén, nee masók mureekesayrén ti tuuntuuk, asma tlakweema iga tleehhaán dír AAKOÓ MUNGÚ, Munguúrene, atén nee xwayliteérene. Iimír masoombi'iimarén wa tleemu ay laarí atén afór AAKOÓ MUNGÚ, Munguúrén, aga iialooeesaniiká.»

YEREMIA 42:21

Laarí tidá' aníng taa báy, ngaa oó', ala kuungá' afór AAKOÓ MUNGÚ, Munguúhúng baraá umuúqo gár naa aníngí ooi, aníng ngiri dirhúngí oó', kuungá' aga iialooeesi'iiká.

YEREMIA 43:4

Naagáy Yohanani garmoó Karea, nee geeraharuusér slaqwaruuse sleémeero dinkwa nee muu sleémeero afór AAKOÓ MUNGÚ ngaa iialooeesi'iiká, as tawa meeti baraá yaamaá Yuda.

YEREMIA 43:7

Kiri hardahaás baraá yaamaá Misri, ay gixsár Tahpanesi. Adoorí an adoodá' inooín afór AAKOÓ MUNGÚ ngira iialoeesi'iiká.

YEREMIA 9:13

AAKOÓ MUNGÚ iri mu/aywaáts, ‹Adoorí ina tleehharút asma muk'eé' hara'ayar'eé' tidá' ngi haniís ngina si'iyé', sleeme afor'eé' ngaa iialooeesi'iiká, slám naa hooti'iiká ar adoodá' hara'aya i diri'.

SEFANIA 3:2

Múk Yerusalemu AAKOÓ MUNGÚ gwa iiárií qaasiiká, tam gurbu'ungw'ín ngwa ya/ani'iiká. Tam Munguúín ngwa baloó haratlinti'i'iiká, slám ngu firirina'aaká.

Rumi 10:16

Ala a mukdá' sleémeerowooká oo Ya/abtoodá' gaa iialooees. Asma Isaya i kaahi, «Aáko, ya/abtoodá' inooín naa axaasiyé' dirén wa ale, heé gaa haratlintii' a heemá?»

Ebrania 5:9

Gawaá adoorihe inós kuri bu'uutiís nee Mungú. Bu'uutisaro kuwa hhe'eés, inós tari heé ba/amár alhhe'eesay wásl ngaa huuw dír mukdá' sleémeero inós ngu iialooemisa'a.

YOSHUA 24:15

Barnaxes kuungá' AAKOÓ MUNGÚ kuwa sagadiyusa' a sla'a'aaká, gimsé', tsawdimé' laarí munguaá ta sagadiyusa' slawaak. Bar awa ta sla'a' an kudá' baabi'iihúng naa sagadiyusiyé' afaá yaaér Eufrátér wa ale, laqaá bar awa ta sla'a' an kudá' múk Amori ni sagadiyusiya', mukdá' ayaaín hamí ta hota', tlawsé'. Ala aníng nee múk dooeé' sleémeero AAKOÓ MUNGÚ un sagadiyusaán.»

HAR'OHUUSE 2:2

nee kuungá' al'axweesani ma tleehhara' nee yaamuloouusér yaamuuká'. Kiteeri'ín awa ilahhooa kawa hanmiisi na fee/aak.› Ala afor'eé' kay axasi'iiká. Xáy, adoosíng gár kasa tlehhé' a milá?

HAR'OHUUSE 6:9

nuna tuú/ baraá dabaá múk Misriro, nee gawaá dabaá kudá' sleémeero kuungá' nu baramaanusá'. Muu nguri guús dír geerahúng wa ale, yaamuuín ngiri kuungá' i haniís.