HAR'OHUUSE 5:23 - Biblía Axweesantá Hhohho' ar Mungú 2004

²³ «Malaykamoó AAKOÓ MUNGÚ i kaahi, ‹Merosi lu'usaak, yaamuloouuseerós, lu'usaak sleeme, asma AAKOÓ MUNGÚ ngwaa alee/isár ay'iiká, qoomár iwa slaqwi nee slaqwaruusér /uureemaá koom.›

HAR'OHUUSE 5:23 Iomraidhean Croise

NEHEMIA 3:5

Bihhikariya' kina tleéhh nee múk Tekoár daáhh ala geeraharuusér gixsa gadiyér daba' tlehhtuuwo ina sí', tidá' taa oó' nee sagesihhtuuser'ín.

WARA'AMI 94:16

Xáy, heé bartaeé' ngi áw a heemá qoomár múk tlákw bura siaán? A heemá heé gayuueé' dír múk tlakweemaá tlehhiita?

YEREMIA 48:10

Heé gadiyér AAKOÓ MUNGÚ ga tleéhh ar sangareei i tsarere'eeti, heé paángarós ga ila/aám tseere ku'uusaro i tsarere'eeti.

Matayo 25:41

«Aluuwo mukdá' bartá dákw doó basáy i dirií' guri bay, ‹Quutlé' dir'eene, kuungaásingá' taa lu'ús, tlawsé' baraá asltá baloó gwaa'aaká, tidá' taa amohhe'eés as Neetlaangw nee malaykeerós.

Rumi 15:18

Ala aníng gár ooaro ni qiitl i káhh daanduú gár hatlae, ala aqo har tidá' Kristo aa tleéhh kilós, ar loohír aníng, as múk xoordaá hatlá' nguwa amór Mungú i huwi, as inooín Mungú kuwa iialooeemisi. Gadiyeérí aníng ana tleéhh ar axweesani nee ar tlehhmi'i,

1 Korinto 16:22

Umuúqo heewo oo Aako gu sla'aaká, inós ku lu'usi. Maran ata, gídaabárós: Aakoorén, hardaháng.

1 Korinto 3:9

Asma atén a sagadiyuuse, tidá' gadiyuus dinkwa nee Mungú. Kuungá' a qaymór Mungú, nee a doó Mungú.

2 korinto 6:1

Atén a gadiyuusaán dinkwa nee Mungú. Gawaá adoorihe atén kuungá' nu gurbu'uumaán sleeme, kuungá' tsuuqaá Mungú kudá' taa ilaoté' mi qwaareesara'.

HAR'OHUUSE 13:3

Looarka wake malaykamoó AAKOÓ MUNGÚ gana i hardáh gari báy, «Ga/aaweek kiíng aáng a kampeeri, na/ii i koondaaká, ala hamí daxta a tsít na/oó garma u sleér.

HAR'OHUUSE 2:1

Naagáy malaykamoó AAKOÓ MUNGÚ iri iimír Gilgalír wá waatláy ay Bokimu, múk Israeli guri báy, «Aníng kuungá' nuna waatleés iimír yaamaá Misri wa alé, nuri huúw baraá yaamuudá' naa lo'ór wa /aáy ngiwa haniis dír baabi'iihúng. Aníng ana oó', ‹Alqador'eé' a baloó warqeesaaká,

HAR'OHUUSE 21:5

Naagáy tiri kilooín yaahamisiyé' tawa kaahi, «Xáy, baraá tlahh'aá Israeliwo tlahhoó aa daqayká dír geeraá AAKOÓ MUNGÚ i deéro?» Asma lo'o ngina /ayiyé' tawa kaahi, bar hee naa daqayká dír geeraá AAKOÓ MUNGÚ baraá Mispa gaasaro i harín.

HAR'OHUUSE 21:8

Ngiri slaiyé' xu'utiro, áx tlahhoó aa daqayká i deéro baraá tla/ángw tlahh'aá Israeliwo baraá dinku'uumár Misparo. Ngiri tsaahhiyé' naxés baraá dinku'uumadae heé Yabesh-gileadi tumu wák oo naa daqay i kaahh.

HAR'OHUUSE 4:6

Inós iri ya/abiín amór Baraka, garmoó Abinoamu, yaamuloousmoó Kedeshi, baraá yaamaá Naftali, guri beér, «AAKOÓ MUNGÚ, Munguú xoorór Israeli, kuúng un babay, ‹Tláw, mukók sleémeero burumbureek gawaá tloomár Tabori, múk kume mibaangw oo xoorór Naftali nee oo xoorór Sebuluni.

HAR'OHUUSE 5:13

Kudá' pihh'uumár koomá' nina aweeriyé'. Múk AAKOÓ MUNGÚ ina tláy as nguwa aleeslaqwiya', dír múk /uuruú kooma.

HAR'OHUUSE 6:11

Malaykamoó AAKOÓ MUNGÚ iri tláy, iri iwiít dír gamuú ta/eewi ar baraá Ofra, tidár Yoashi, heé tlahhoó Abieseri. Gideoni garmoó Yoashi i angaánoó muux baraá bohóngw sabiíbu kuwa tsoo/a/iti as mukuwa ár nee múk Midiani.

HAR'OHUUSE 8:5

Naagáy qoomár tawa hardáh Sukoti, Gideoni múk Sukoti guna báy, «Na'asé', hhaee'eé' kuká' mikaátérír haniisaak, asma naa ló'wa slaaqamiitiyé', ala aníng a kumiít waawituú Midiani nguwa aluú wa eehar, Seba nee Salmuna.»

HAR'OHUUSE 8:6

Ala geeraharuusér Sukoti guri yaahás, «Ahaá gár mikaátér slaqwaruuseerók ngis haniisaan barqo kuungá' Seba nee Salmuna iga ohiindi'iiká?»

HAR'OHUUSE 8:8

Ina didá' wa tláy ay amór múk Penueli, giri adoodár firín. Múk Penueli nguna mu/aywatsiyé' ar adór múk Sukoti.

1 SAMUELI 17:47

Muu sleémeero laarí oo aa burumburiit gari tsaahh adór AAKOÓ MUNGÚ muu ngur ba/amisiiká ar lawlu nee paangadu. Asma slaqwara ar AAKOÓ MUNGÚ, inós kuungá' sleémeero nun dabaarénií qaas.»

1 SAMUELI 18:17

Saulo Daudi guri báy, «Aníng kuúng u iimbalaáx ar dasir'eé' tí ur ta bay Merabu, ala daberií tsár ka xú', kuúng masók a migusmoó slaqwara ga kángw kilá' wa xuú', nee ilaiwa/ame, bartá AAKOÓ MUNGÚ an wa sláqw.» Saulo ngiwa xui ar loohirihe slaqwaruusér Filisti Daudi guqo gás, asma Saulo ina baraá muunaáwósí oó', «Tlehhmuú adór kwí muwa tleéhh dabaaeene ala i tlehharuuti ar dabaá múk Filisti.»

1 SAMUELI 25:28

Án kuúng u firiím, án gurtlawáng, aniírír sagadiyuso'oorók. Looeemaá kilae AAKOÓ MUNGÚ do'ók gu gawdees, asma kuúng aakooeé' slaqwarár AAKOÓ MUNGÚ ana sláqw. Qooma sleémeero baraá hotaangoge tam tlaákw ka baloó slayká.

1 SAMUELI 26:19

Hamí daxta, aakooeé' kuú waawutmo, axweesantá sagadiyusmoowók iiárií qaaseek. Barnaxes AAKOÓ MUNGÚ una amor'eéní tliwií/, ilahhooa ngi oohi tidá' inslawaywós gu warqees. Ala barnaxes a afér muu, múk adór kwí AAKOÓ MUNGÚ ngu lu'usi kwí aníng i gusisiím dír aalir'eé' tidá' AAKOÓ MUNGÚ naa haniís tawa kaahi, ‹Tláw slaqsi'iidaá munguaá hatlá' sagadiyuseek.›