HAR'OHUUSE 5:14 - Biblía Axweesantá Hhohho' ar Mungú 2004

¹⁴ Nina aweeriyé' iimír Efraimu wa alé ay xatstá Amaleki, hhaeeín awa múk Benyamini ngay eehariyé', iimír Makiri wa tleemu slaqwaruuse nina awét, iimír Sebuluniro a múk urén nina aweér.

HAR'OHUUSE 5:14 Iomraidhean Croise

IIMU/UUNGW 35:22

Qoomár Israeli iwa hoót baraá yaamuudá' wa alé, Reubeni nee Bilha, /ameenír hatlá' ar baabuúwós, tari alqaát. Israeli kangwdá' guri axaás. Daaqoó Yakobo a mibaá nee tsár.

IIMU/UUNGW 35:23

Daaqoó Lea an Reubeni, na/oó baris oo Yakobo, nee Simeon, nee Laáwi, nee Yuda, nee Isakari nee Sebuluni.

IIMU/UUNGW 35:24

Daaqoó Raheli an Yosefu nee Benyamini.

WARA'AMI 68:27

Benyamini a tlahhoó niiná in giirín, aluuwós geeraharuusér hhay Yuda nee muk'ín, aluudá' tari geeraharuusér Sebuluni nee ar Naftali.

HOSEA 5:8

Xareemi ufaahhaak baraá Gibearo, tarumbeéta baraá Ramaro. Uui tleereesaak baraá Beti-aweniro, múk Benyamini wakuuserhúng hanoos aluuhúng.

HAR'OHUUSE 12:15

Abdoni garmoó Hileli heé yaamaá Piratoni, iri gwaá', kuri foól Piratoni baraá yaamaá tlom'i awa múk Amaleki.

HAR'OHUUSE 3:13

Egloni xoorór Amoni nee Amaleki gana burumbuúr, tari slaáqw nee xoorór Israeli, xoorór Israeli kari baál. Inooín gixsadár slaansla ngari hayoohiyé'.

HAR'OHUUSE 3:27

Iwa hardáh baraá yaamaá tlom'aá Efraimuwo, tarumbeéta gari ufaáhh. Ehudi xoorór Israeli gari geerahaár, niri al'aweeriyé' gawaá tloomár wa ale.

HAR'OHUUSE 4:10

Baraka tlahhoó Naftali nee oo Sebuluni giri buruumbuúr baraá yaamaá Kedeshi, hhawaataá kume mibaangw nina fi'iitiyé'. Debora nee inós tiri alkoné'.

HAR'OHUUSE 4:14

Debora Baraka guna beér, «Gimáy tlawáng, asma laarí AAKOÓ MUNGÚ Sisera ngwa gawaá dabaawók i qaás, nee AAKOÓ MUNGÚ kuúng u geerahaar.» Baraka nee mukós kuduú kume mibaangw tari aweér gawaá tloomár Tabori wa ale.

HAR'OHUUSE 5:13

Kudá' pihh'uumár koomá' nina aweeriyé'. Múk AAKOÓ MUNGÚ ina tláy as nguwa aleeslaqwiya', dír múk /uuruú kooma.