HAR'OHUUSE 4:16 - Biblía Axweesantá Hhohho' ar Mungú 2004

¹⁶ Baraka slaqwaruusér Sisera gana gusaasín ay Harosheti-hagoimu nee garduuine. Daqtadár slaqwara sleémeero kay daásl ar paánga, tam panmoó taa meetiís i kaahh.

HAR'OHUUSE 4:16 Iomraidhean Croise

WARA'AMI 104:35

Tlakuuse sleémeero ka hhaamisi baraá yaamuwo. Nee tlakuuse miwa male hót. Hhiintluueé', AAKOÓ MUNGÚ diidi'iimiseek! AAKOÓ MUNGÚ xirfayeemiseek!

WARA'AMI 83:10

Kudá' naa hhané' baraá Endórír wa ale, nee tu'uuín nay naasuutiyé' yaamií alé.

WARA'AMI 83:9

Tidá' taa tléhh dír múk Midianíri alé, nee dír Sisera nee Yabini, didár yaaér Kishonír wa ale, dir'ín tii tlehh.

TI'INAANGW 14:28

Ma'aydá' niri ki/iyé', gaardu ngiri tuuntuukiyé', nee mukdá' gaardaá madiita, nee slaqwaruuse sleémeero ar Farao, tidá' múk Israeli gwaa aluú wa eehat, tlawi giri gú/, tam heé wák oo aa kotsqoot i kaahh.

ISAYA 43:17

Kudá' slaqwaruuse nee gaardu, nee faras, nee miguuse gaa yaamií daahh. Kudá' gaa yaamií hhaáf, niri baloo sihhiti'iiká, Kudá' gaa adór asltá wa slaptís i kaahi,

Rumi 2:12

Mukdá' sleémeero hara'ayár Mose ga xuaaká, ala tlakweema kay tleéhh, inooín ki sakwasleemuut, tam hara'aya ka xuiikahe. Mukdá' hara'ayár Mose ga xuú', ala tlakweema kiri tleéhh, inooín ki sakwasleemuut ar hara'ayaadá'.

Yakobo 2:13

Asma sakwasleema i gurtleemuú koondaaká dír heedaádá' gurtleemu gwa tleehhiikahe. Ala heedaádá' gurtleemu gwa tleehh, gár i da'ayumiiti i káhh dír geeraá kwasleemaro.

YOSHUA 10:10

AAKOÓ MUNGÚ múk Amori guri dae tsaát dír slaqwaruusér Israelír wa aleeró. Múk yaariír kuri tsuú/ nee múk Israeli baraá Gibeonír wa ale, kuri eehár ay Bet-horoni, kuri alkón, kuri puruúts ay Aseka nee Makeda. Amoodae múk yaariír kuri tsuú/ sleeme.

YOSHUA 11:8

AAKOÓ MUNGÚ slaqwaruusér waawutmoó Kana'ani gari haniís gawaá dabaá slaqwaruusér Israeli. Slaqwaruusér Kana'ani kari guús kay puruúts ay gixsár ur ar Sidoni nee Misrefot-maimu, bihhaá da/aawe tari puruúts ay xatstá Mispe. Slaqwaruusér Israeli muu sleémeero guri tsú/, tam heé aa meet i kaahh.

HAR'OHUUSE 4:17

Ala Sisera ina daantsamaamiít ti'iingo ar ya'a', iri dáh baraá heémár Yaeli, harér Heberi kuduú xoorór Keni, asma Yabini waawutmoó Hasori nee doó Heberi oo xoorór Keni ilaaín ki hho'.

HAR'OHUUSE 4:2

AAKOÓ MUNGÚ inooín giri máy kiwa baali nee Yabini, waawutmoó yaamaá Kana'ani, kudá' aa baraá Hasorír wa waawuti'in, nee Sisera yaamuloousmoó Harosheti-hagoimu, an geeraharusmoó slaqwaruusér Yabini.