HAR'OHUUSE 4:12 - Biblía Axweesantá Hhohho' ar Mungú 2004

¹² Sisera ngiwa axaás adór Baraka garmoó Abinoamu ira tsa/án gawaá tloomár Tabori,

HAR'OHUUSE 4:12 Iomraidhean Croise

WARA'AMI 89:12

Kuúng /iya nee basko ina tléhh, tlom'aá Tabori nee Hermoni u sa baraa/iyá'!

WARA'AMI 89:13

Dakók i aleesleemuú kón, dakók oo doó /iyáy i /uuruú kón nee arba/ati.

YEREMIA 46:18

Anuú waawutmo kudá' ta bay AAKOÓ MUNGÚ Aleesleemusmo, aníng lo'o aga /aáy ar umuueé', gídaabá oo wák ni hardah. Inós a adór tloomár Tabori baraá tla/ángw tlom'iiwo, nee a adór tloomár Karmeli bihhaá tlawto.

HOSEA 5:1

Tí iiárií qaasaak, kuungá' kaahamuusér Mungú! Iia qaasaak, kuungá' múk Israeli! Iia qaasaak, múk doó waawutmo, asma kwasleemarí i kuungá' wa hariín. Asma kuungá' aga tsaaxweeli tleehhité' baraá Misparo, nee xotloompír taa qaás daanduú tloomár Tabori.

YOSHUA 19:12

Didár Saridi digma da/aáw gana xuú' iri ti'iít ay Kislot-tabori. Iwa didá' wa tláy iri waaraáhh ar Daberati. Iri ti'iít ay Yafia.

YOSHUA 19:22

Digmuuín sleeme ina hardáh ay Tabori ay Shahasuma ay Bet-shemeshi, iri alhhe'eesuút baraá yaaér Yordani. Gixsadaá taa dir'íní haniís nee ayeemooine dinkwaaro a mibaá nee lahhoó'.

YOSHUA 19:34

Diirihe digma iri /uwaá xuú' ay Asnot-tabori, iri hardáh ay Hukoki, bihhaá basko. Digmuuín tiri doogiyé' nee digmuú yaamaá Sebuluni. /Uwaawo tiri doogiyé' nee digmuú yaamaá Asheri nee digmuú yaamaá Yuda sleeme. Da/aawe digma iri alhhe'eesuút baraá yaaér Yordani.

HAR'OHUUSE 4:11

Qoomaadae Heberi, heé xoorór Keni, tina paraátl dír múk Keniro, mukwí oo Keni, xwaylár Hobabu taatoó harér Mose. Heewí ta bay Heberi heémaarós gana siíhh baraá Sa'ananimu, ar iisaapoó Kedeshi.

HAR'OHUUSE 4:13

garduuwós sleémeero, kudaá muqsla awa tsiire gwaleél, nee mukós sleémeero kuduú dinkwa nee inós baraá Harosheti-hagoimuro guri burumbuúr dír yaaér Kishoni.

HAR'OHUUSE 4:6

Inós iri ya/abiín amór Baraka, garmoó Abinoamu, yaamuloousmoó Kedeshi, baraá yaamaá Naftali, guri beér, «AAKOÓ MUNGÚ, Munguú xoorór Israeli, kuúng un babay, ‹Tláw, mukók sleémeero burumbureek gawaá tloomár Tabori, múk kume mibaangw oo xoorór Naftali nee oo xoorór Sebuluni.

HAR'OHUUSE 8:18

Aluuwo Gideoni Seba nee Salmuna gina yaahaás giri báy, «Mukdá' taa tsu/é' baraá Taboriro a múk adoomá?» Inooín nguna mu/aywatsiyé' tana oó', «A slaqamís nee kuúng, asma a adór daaqoó waawutmo.»