HAR'OHUUSE 4:11 - Biblía Axweesantá Hhohho' ar Mungú 2004

¹¹ Qoomaadae Heberi, heé xoorór Keni, tina paraátl dír múk Keniro, mukwí oo Keni, xwaylár Hobabu taatoó harér Mose. Heewí ta bay Heberi heémaarós gana siíhh baraá Sa'ananimu, ar iisaapoó Kedeshi.

HAR'OHUUSE 4:11 Iomraidhean Croise

TI'INAANGW 18:1

Kaahamusmoó yaamaá Midiani oo ta bay Yetro, inós a taatoó harér Mose, kángw muruudá' Mungú aa tlehhaahhiít dír Mose nee xoorór Israeli, nee adór kingira duúx baraá Misrír wa ale, ngiwa axaás,

TI'INAANGW 2:18

Qoomár inooín niwa watliyé' baabuuín Reueli giri báy, «Ahaá laarí baré naa muutlité'?»

TI'INAANGW 3:1

Looarka wake Mose iwa daqtá bee/ángw de'en oo Yetro, taatoó hareerós, kaahamusmoó Midiani, daqtí gana de'éngw áy gayuú darma bihhaá /uwa, iri hardáh ay Horebu tloomár Mungú.

FAARO 10:29

Mose kumbu'uuwós, kudá' ta bay Hobabu garmoó taatoó hareerós Reueli, heé Midianír daáhh guna báy, «Atén a aa'aá kawaán amoodá' AAKOÓ MUNGÚ atén tiwa báy, ‹Yaamuudá' ngi kuungá' i haniís.› Gimáy góh ti alkoomaán, atén kuúng u adór hhoó' i tleehhaán, asma AAKOÓ MUNGÚ diihhooa gaa al'axweés dír múk Israeli.»

FAARO 10:32

Slamí atén birta alkoomaán nee kuúng tidá' hhoo' AAKOÓ MUNGÚ ni atén i tleehhi an tidá' atén ni dirók i tleehhaan.»

FAARO 24:21

Aluuwo Bala'amu iri qaytsiít amór múk Keni, aarirós tí gari oó', «Kuungaá múk Keni hotangwhúng ku amohhoó' adór doó tsir/i oo gawaá ságw tlaa/a.

YOSHUA 19:33

Digmuuín dír iwa iimu/ún a Helefu ay ti'ituú Sa'ananimu iri waaraáhh ar Adami-nekebu ay Yabne'eli, iri ti'iít ay Lakumu, iri alhhe'eesuút baraá yaaér Yordani.

YOSHUA 19:37

nee Kedeshi, nee Edrei, nee En-hasori,

HAR'OHUUSE 1:16

Xwaylár Keni, taatoó harér Mose, nina gáwtí tsa/ané' iimír baraá gixsadár slaansla, dinkwa nee múk Yuda, tay dáh baraá xaanxoó Yuda, kuduú baraá Negebu bihhaá yaamaá Aradi, inooín nay tlayé', niri alhootiyé' nee múk yaamuudá'.

HAR'OHUUSE 4:12

Sisera ngiwa axaás adór Baraka garmoó Abinoamu ira tsa/án gawaá tloomár Tabori,

HAR'OHUUSE 4:6

Inós iri ya/abiín amór Baraka, garmoó Abinoamu, yaamuloousmoó Kedeshi, baraá yaamaá Naftali, guri beér, «AAKOÓ MUNGÚ, Munguú xoorór Israeli, kuúng un babay, ‹Tláw, mukók sleémeero burumbureek gawaá tloomár Tabori, múk kume mibaangw oo xoorór Naftali nee oo xoorór Sebuluni.

1 SAMUELI 15:6

Saulo múk Keni guri báy, «Gimsé', tlawé' ti paratle' dír múk Amalekiro, aníng kuungá' munduwa dinkwaárí hhaamiís nee inooín, asma kuungá' múk Israeli una hhoeemáy tlehhé' qoomár niwa ti'iitiyé' Misrír wa ale.» Naagáy múk Keni tari tláy, tiri paraatliyé' dír múk Amalekiro.

1 SAMUELI 27:10

Akishi Daudi guri báy, «Laarí nee múk bartá amá aga slaqwe'?» Daudi iri oó', «A yaamaá Negebúr Yuda,» laqaá «Negebúr Yerame'eli,» laqaá «Negebúr múk Keni.»