HAR'OHUUSE 3:9 - Biblía Axweesantá Hhohho' ar Mungú 2004

⁹ Ala qoomár xoorór Israeli iwa /á/ amór AAKOÓ MUNGÚ, AAKOÓ MUNGÚ heé xoorór Israeli ga tuú/ guri sláy, heewí ku bay Otnieli garmoó Kenasi, hhiyoó niiná oo Kalebu.

HAR'OHUUSE 3:9 Iomraidhean Croise

NEHEMIA 9:27

Aluuwo kiri qás gawaá dabaá wakuuser'ín, wakuuser'ín giri slahh'eemís. Ala qoomár tawa baraá slahh'eemisií dirii'i, kuúng una i /aa/iyé', kiri iiárií qás iimír gawaá doorí wa alé. Nee ar gurtleemuuwók kudá' yaariire geeraharuusér inooín gi tuu/ gawaá dabaá wakuuser'ine kari hanís, kingiri tuú/ gawaá dabaá wakuuser'ine.

WARA'AMI 22:5

Tuna i /aa/amín, tari ba/án, tuna harahhiíf kahhó' mikiwa mureekeés.

WARA'AMI 78:34

Bál bar baraakarka ngaa tsuú/, awa hatlá' nay hhu'uu'uná', Mungú nguri leelehhiitiyé' ar tsáp.

YOSHUA 15:17

Ala Otnieli, garmoó hhiyoó Kalebu, kudá' ta bay Kenasi gixsadá' gari hayóh, Kalebu guri iimbalaáx ar dasiirós Aska.

HAR'OHUUSE 1:13

Otnieli garmoó Kenasi, hhiyoó niiná oo Kalebu, gixsadá' gari hayóh, Kalebu guri iimbalaáx ar dasiirós tidá' ta bay Aksa, inós gari duúx.

HAR'OHUUSE 10:10

Múk Israeli tari /aá/ dír AAKOÓ MUNGÚ, tari oó', «Atén kuúng ugwa tlakweemií tleehhaán, asma atén kuúng Munguúrén una geexawaán, Ba'ali kuri sagadiyuusaán.»

HAR'OHUUSE 2:16

Aluuwo AAKOÓ MUNGÚ har'ohuuse gari ya/aáw as mukwí nguwa tu/ gawaá dabaá hoomaadá' gaa ar tleeri.

HAR'OHUUSE 2:18

Nee umuúqo qoomár AAKOÓ MUNGÚ har'ohusmo nguwa ya/aawi, AAKOÓ MUNGÚ a dinkwa nee har'ohusmoodá', AAKOÓ MUNGÚ múk Israeli guna ba/amís baraá dabér wakuuser'ín wa alé, deelo sleémeero ar har'ohusmoodá' iwa slafi. Asma AAKOÓ MUNGÚ kuna gurtleés nee /aa/eeín, as adoodá' kiwa slahh'eemiís nee kiwa baramaanuús nee wakuuser'ín.

HAR'OHUUSE 3:15

Ala qoomár xoorór Israeli AAKOÓ MUNGÚ nguwa i /á/, gina iiárií qaás, heé gi tuú/ guri sláy. Heewí an Ehudi, garmoó Gera, heé dawa bás, oo tlahhoó Benyamini. Looarka wake xoorór Israeli Ehudi guri ya/áp as ohme ngiwa huwi amór waawutmo Egloni oo Moabu.

HAR'OHUUSE 3:8

Gawaá adoorihe AAKOÓ MUNGÚ iri buúhh, múk Israeli guri máy kuwa baali, nee waawutmoó Mesopotamia oo ta bay Kushan-rishataimu. Múk Israeli Kushan-rishataimu nguri sagadiyuusiyé' ar har afiqoomár kureeraá dakaate.

HAR'OHUUSE 4:3

Yabini gaardaá muqsla ngi kon a tsiire gwaleél. Inós xoorór Israeli gana baramaanuús ar /uuru kureeri mibeeri tsár, xoorór Israeli AAKOÓ MUNGÚ guri i /á/.

HAR'OHUUSE 6:7

Qoomár múk Israeli AAKOÓ MUNGÚ nguwa i /aa/aminé' as ngiwa tu/i baraá dabaá múk Midianiwo,

1 SAMUELI 12:10

Inooín AAKOÓ MUNGÚ kway i /aa/amín tari oó', ‹Aga tlakweesaán, asma AAKOÓ MUNGÚ ugwa geexawaán, munguaá ta babay Ba'ali nee Ashtaroti kiri sagadiyusaán, ala hamí ti tu/ baraá dabaá wakuuseerene, daqaní atén kuúng u sagadiyuusaán.›