HAR'OHUUSE 3:8 - Biblía Axweesantá Hhohho' ar Mungú 2004

⁸ Gawaá adoorihe AAKOÓ MUNGÚ iri buúhh, múk Israeli guri máy kuwa baali, nee waawutmoó Mesopotamia oo ta bay Kushan-rishataimu. Múk Israeli Kushan-rishataimu nguri sagadiyuusiyé' ar har afiqoomár kureeraá dakaate.

HAR'OHUUSE 3:8 Iomraidhean Croise

IIMU/UUNGW 24:10

Sagadiyusmooduú Abrahamu angamía mibaangw giri ar tláy. Iwa tlay muruú hhohhó' oo daa'aweemaá dimbadimbé oo amór aakoowós daáhh gu kón. Iri aa'aá káy ay gixsadá' Nahori i hooti ar baraá yaamaá Mesopotamia.

WARA'AMI 106:41

Giri afaweeriís dír xoordaá hatlá', as kahhó' kiwa sawaawuti'in nee wakuuser'ín.

WARA'AMI 129:1

Hám daxta Israeli i ooi, «Aníng taa ló'wa baramaanuús iimír masoombi'iimar'eene.

WARA'AMI 44:12

Mukók una weerís ar tlaxór niina, tam gár taa sleér i káhh.

WARA'AMI 6:1

AAKOÓ MUNGÚ, án mi iigahhaataar ar buhhtaawók, ar buhhtaawoge án mi muxaar.

WARA'AMI 85:3

Buhhtaawók sleémeero iga ilá/, mune sleémeero aga gú/.

TI'INAANGW 22:24

Aníng niri daa/atúw buhhtaawo, nuri tsuú/ ar paánga, nee tlaawayhúng tari kwaeeli, na/iihúng kiri panáy geexeerá'.

ISAYA 50:1

AAKOÓ MUNGÚ i kaahi, «Slaambare/idá' aayorhúng aníng ngiwa talaákár i haniís i amá? Laqaá aníng kuungá' heé nuy weeriís a heemá oo aníng i iinuús? Ga/aawaak, kuungá' tunduna weeriís as tlakweemaahúng. Aayorhúng kinga guús as dakuúsarhúng.

TLAHHOÓ LAÁWI 26:17

Aníng nun harasihhiít, nee wakuuserhúng nuri múx, tunduri sawaawuti'ín nee kudá' naa aahhiye', tundun dae tlaaq, nee tari ti'i'iindá' tam handá' heé naa guus i kahhi.

HABAKUKI 3:7

Múk Kushani una ár iwa slahhahhai, nee múk yaamaá Midiani iwa daaraaxi.

Rumi 7:14

Atén a xuaán hara'aya loohirós a ar baraá qeeru. Ala aníng a heé slaqwa, tina weeriís adór lawaalmoó tlakweema.

DABE 29:20

AAKOÓ MUNGÚ, heé adór kwí gu baloó gurtlayká, nee buhhtaá AAKOÓ MUNGÚ nee da/itose heewí ngu al'oohiyá', lo'o sleémeero ar taa gooín baraá kitaábuuwí heedaádá' gu /ák, nee AAKOÓ MUNGÚ umuú heedaádá' gun fiits gawaá daanduú yaamuwo.

DABE 32:30

Xáy, heé wák múk kumuú wák adór ngur guusi? Nee múk tsár adór múk kumér mibaangw ngur baali, aqo inooín birka kwaáhh nee tlaa/ar'ín, barnaxes AAKOÓ Munguúín ga geexáy?

HAR'OHUUSE 2:14

AAKOÓ MUNGÚ iri qa/iít buhhtaawo dír múk Isreli. Inós giri qaás gawaá dabaá mukdá' gaa i haraatlay. Inós gina ya/án kiwa arba/i nee wakuuser'ín bihhe sleémeero, tam sihhtanór geeraá wakuuser'ín ngiri harslaaqatiyé'.

HAR'OHUUSE 2:20

Naagáy AAKOÓ MUNGÚ iri ló'wa qa/iít buhhtaawo dír múk Israeli, inós iri oó', «Xooroorí alqaduueé' kudá' naa baabi'ii'íní oó' gina haaliín, asma afor'eé' ngaa iiárií qaasi'iiká.

HAR'OHUUSE 3:10

Qeeruú AAKOÓ MUNGÚ Otnieli guri hatsiís, inós tari har'ohusmoó múk Israeli, iri slaqwarár áy. AAKOÓ MUNGÚ Kushan-rishataimu waawutmoó Mesapotamia guri gawaá dabaawós i qaás, inós Kushan-rishataimu guri baál.

HAR'OHUUSE 3:7

Múk Israeli adór slasla/aar gana tleéhh dír ilaá AAKOÓ MUNGUHE, AAKOÓ MUNGÚ, Munguúín nguri gunqareesiyé', inooín munguiidá' ta bay Ba'ali nee Ashera ngiri sagadiyuusiyé'.

HAR'OHUUSE 3:9

Ala qoomár xoorór Israeli iwa /á/ amór AAKOÓ MUNGÚ, AAKOÓ MUNGÚ heé xoorór Israeli ga tuú/ guri sláy, heewí ku bay Otnieli garmoó Kenasi, hhiyoó niiná oo Kalebu.

HAR'OHUUSE 4:9

Ala Debora iri ó', «Looeemaawo ti alkoomaán. Ala aaiiká' ta keer kuúng ir durbindaaká asma AAKOÓ MUNGÚ Sisera gu haniis kuwa gaasi nee /ameeni.» Debora iri tleér tiri alkoné' nee Baraka ay yaamaá Kedeshi.

1 SAMUELI 12:9

Ala inooín AAKOÓ MUNGÚ Munguúín nguri gunqareesiyé', Mungú inooín giri weeriís baraá dabaá Sisera, geeraharusmoó slaqwaruusér Yabini, waawutmoó yaamaá Hasori, nee baraá dabaá múk Filisti, nee baraá dabaá waawutmoó múk Moabu, inooín nee waawitaáwí tari slaáqw.