HAR'OHUUSE 3:7 - Biblía Axweesantá Hhohho' ar Mungú 2004

⁷ Múk Israeli adór slasla/aar gana tleéhh dír ilaá AAKOÓ MUNGUHE, AAKOÓ MUNGÚ, Munguúín nguri gunqareesiyé', inooín munguiidá' ta bay Ba'ali nee Ashera ngiri sagadiyuusiyé'.

HAR'OHUUSE 3:7 Iomraidhean Croise

1 WAAWITÁ 16:33

Mungú /ameeni kudá' ta bay Ashera guna tleéhh. Ahabu tlehhma'aá tlakw awa yaariir gina tleéhh, AAKOÓ MUNGÚ, Munguú múk Israeli guri buhhtís waawituú hatlá' sleémeero aa girin ba/a.

1 WAAWITÁ 18:19

Gawaá adoorihe, ya/abiím múk Israeli sleémeero ni burumburiiti dir'eé' gawaá tloomár Karmeli, nee sleeme dinkwa nee aaruusedá' ar Ba'ali ar tsiire tsiyáhh nee mibeeri kooán nee aaruusér tsiire tsiyáhh ar Ashera, munguúduú /ameeni, aaruuseedá' ta /aymisi nee waawuto'o Yesebeli.»

2 WAAWITÁ 23:14

Uheemi gina giqáy, murslaaqatuú Ashera guri tlaáq, nee didá' ni sihhitiyé' gari fadaá múkwí dalaá/.

2 WAAWITÁ 23:6

Inós Ashera gana hingeés baraá doó AAKOÓ MUNGÚ wa alé, gari kwaáhh tsee/aá Yerusalemu ay Kidroni, gari daá/ baraá xatstá Kidroni, gari naasúy, giri adór teeri tleéhh, teeridá' gari kwaáhh gawaá /aantá muu.

2 QOM'I 15:16

Waawutmo Asa aayoorós Ma'aka gana hiingeés baraá waawuti'iimaro, asma slaqsaydá' ta waki ta bay Ashera guna tléhh. Asa slaqsaywí guna geeqáy, gway daá/, gway kwaáhh baraá xatstá ta bay Kidroni.

2 QOM'I 24:18

Naagáy muu Doó AAKOÓ MUNGÚ, Munguú baabi'ii'ín, guri máy, munguúdá' ta bay Ashera nguri sluufmisuú ayé', nee slaqsa'aá hatlae, Mungú múk Yuda nee oo Yerusalemu giri i qa/iít.

2 QOM'I 33:19

Firoorós nee adoodá' Mungú firoorós ngiwa ya/án, nee tlakweemaawós sleémeero, nee inkihhimu wasleerós, nee wa/aameedár gawaá gongoama' ar munguaá hatlá' kiwa sluufmiisi ar aa tleéhh, nee adoodá' munguúdá' ta bay Ashera ngura tleéhh, nee murslaaqatuudá' taa hhaásl qoomár inós tiwa niinaweesiiká, tí sleémeero ka gooín baraá inslaslángw iigu'utuuse.

2 QOM'I 33:3

Wa/aamedár gawaá gongoama' ar munguaá hatlá' kiwa sluufmaamisi gana male tleéhh, kudá' aáng baabuúwós Hesekia aa feé/, kiteeraá ilahhooa giri tleéhh awa munguaá Ba'ali, nee awa munguúdá' ta bay Ashera. A tí kiloseká, inós sleeme tsatse/uú gawaá doori guna sluufmiís, guri sagadiyuús.

2 QOM'I 34:3

Kurkú dakaát baraá waawuti'iimarose, qoomaadae inós a masoomoó niiná, inós Munguú baabuúwós Daudi guna leeleéhh ar muunaáwós sleémeero. Kurkú mibaá nee tsare wa/aameedár gawaá gongoama' ar munguaá hatlá' kiwa sluufmiisi gana iimu/ún hingeemisuwo, nee slaqsi'iidaá Ashera, nee kudá' taa hhasliít, nee kudá' taa kwahhuuti.

2 QOM'I 34:7

Kiteeridá' awa munguúdá' ta bay Ashera gina naasúy, munguiidaá hatlá' gina teeri tleéhh. Sleeme kiteeridaá mooyángw tsuú' kuy da/aa/an baraá yaamaá Israeliro gina hingeés. Aluuwo iri kií/ Yerusalemu.

WARA'AMI 106:35

ala tina haragwaiyé' nee múk xoordaá hatlá', kiri dawaqaás nee múk xoordaá hatlá' tlehhmi'ii'ine.

WARA'AMI 106:36

Slaqsa'aá mungui ngiri sluufmisuú ayé', tlehhmuuwí iri tsaaxweeli tleehhiít dir'ine.

WARA'AMI 106:7

Taati'iirén qoomár iwa baraá Misri, waa/oo/amoodá' Mungú aa tlehhiít kaa gaárí xuiiká. Yaareemaá sla'aarirók ar warqawaaká ngaa inslay'iiká. Ala Munguúdá' úr ngway aahhiyé' tawa afaá tlawtá Shamu dirii'i.

TI'INAANGW 34:13

Ala kuúng kiteeri'ín kudaá munguaá hatlá' kiwa ilahhooárí hanmiisi fee/eek, nee uheemi'ín kudaá munguiidá' ta bay Ashera ki supiín.

YEREMIA 23:27

Ar tlataaín kukae gár ta tlehhiiti a muk'eé' ngun sage qwaareemisiyá', aníng iwa gunqareesiya', ar adoodá' baabi'ii'ín aníng ira gunqareesiyé', nee Ba'ali nguri haratlinti'iyé'.

DABE 16:21

«Qoomár kitángw ilahhooa bura tlehhé' as AAKOÓ MUNGÚ Munguúhúng, uhmoó ta sluufmiisi oo slaqsoó munguú Ashera mu tleehhara' bihhaá kitangwduú ilahhooa.

DABE 4:9

Ala gimsé' ti ló'wa harmagahhe' muruuwí mu gunqareesara', kwí ilaahunge taa aandé'. Gár adór tí miwa tleehharút baraá hotaahunge ar muruuwí kuwa gunqaaresa'. Na/iihúng nee na/aá nangwhunge ki kaangwí intsaahhatisá',

DABE 8:11

«Ti harmagahhe' AAKOÓ MUNGÚ, Munguúhúng mu gunqareesara' as hara'ayaarós kawa meera' ooharo, nee dabeerose nee kaahirose, tí laarí aníng naa kuungá' i hara'ayiím.

DABE 8:14

ma daara/utara, AAKOÓ MUNGÚ, Munguúhúng kuwa gunqaresa', kudá' kuungá' naa baraá yaamaá Misrír wa duux, qoomaadá' kuungá' tawa lawaale.

DABE 8:18

Inslawaak AAKOÓ MUNGÚ, Munguúhúng an kudá' kuungá' naa daqaari'iimár i haniis. Adoorí gana tleéhh as alqadoorós tidá' ngiwa gawdeesi, tidá' aáng aa tleéhh nee baabi'iihúng tam ay laarí.

HAR'OHUUSE 3:12

Aluuwo xoorór Israeli tlakweema giri malé tléhh dír ilaá AAKOÓ MUNGUHE. Gawaá adoorihe AAKOÓ MUNGÚ waawutmo Egloni oo Moabu guri /uurií haniís xoorór Israeli ngiwa baali, asma tlakweemaadá' naa tleehhiyé' dír ilaá AAKOÓ MUNGUHE.

HAR'OHUUSE 3:8

Gawaá adoorihe AAKOÓ MUNGÚ iri buúhh, múk Israeli guri máy kuwa baali, nee waawutmoó Mesopotamia oo ta bay Kushan-rishataimu. Múk Israeli Kushan-rishataimu nguri sagadiyuusiyé' ar har afiqoomár kureeraá dakaate.

HAR'OHUUSE 6:25

Xweeradaá kilae AAKOÓ MUNGÚ Gideoni guri báy, «Awuú baabuúwók taataahhang, nee awuú hatlá' oo kureeraá faanqw, kitangwduú ilahhooa oo baabuúwók aa tleéhh as munguúdá' ta bay Ba'ali fee/eek, dinkwa nee slaqsayduú Ashera taa sihhtís, kuduú bihhiidií dirií'.

HAR'OHUUSE 8:33

Alaá gwa'arár Gideoniwo, múk Israeli Mungú sluufmisuuwo nguri malé mayé'. Munguaá Ba'ali ngiri sluufmisiyé'. Munguúdá' ta bay Ba'al-beriti nguna munguúín tleehhiyé'.

HAR'OHUUSE 8:34

Múk Israeli AAKOÓ MUNGÚ nguna gunqareesiyé', Munguúín kudá' gaa ba/amis dír wakuuser'ín ar yaariire ar gaa harwet bihhe sleémeero.

1 SAMUELI 12:10

Inooín AAKOÓ MUNGÚ kway i /aa/amín tari oó', ‹Aga tlakweesaán, asma AAKOÓ MUNGÚ ugwa geexawaán, munguaá ta babay Ba'ali nee Ashtaroti kiri sagadiyusaán, ala hamí ti tu/ baraá dabaá wakuuseerene, daqaní atén kuúng u sagadiyuusaán.›

1 SAMUELI 12:9

Ala inooín AAKOÓ MUNGÚ Munguúín nguri gunqareesiyé', Mungú inooín giri weeriís baraá dabaá Sisera, geeraharusmoó slaqwaruusér Yabini, waawutmoó yaamaá Hasori, nee baraá dabaá múk Filisti, nee baraá dabaá waawutmoó múk Moabu, inooín nee waawitaáwí tari slaáqw.