HAR'OHUUSE 3:5 - Biblía Axweesantá Hhohho' ar Mungú 2004

⁵ Aluuwo xoorór Israeli ina hót baraá tla/ángw múk Kana'anír wá ale nee oo Hiti, nee oo Amori nee oo Perisi, nee oo Hifi nee oo Yebusi.

HAR'OHUUSE 3:5 Iomraidhean Croise

IIMU/UUNGW 13:7

Naagáy gila niri xayé' tla/ángw de'eemuusér hikwaá Abramu nee de'eemuusér hikwaá Loti. Nee de'emadaádae múk xoorór Kana'ani nee múk xoorór Perisi tan yaamuudá' wa hoot.

1 WAAWITÁ 9:20

Gawaá daanduú mukdá' aa meeti oo Amori, nee oo Hiti, nee oo Perisi, nee oo Hifi, nee oo Yebusi inooinaadaá múk Israeliwooká,

NEHEMIA 9:8

Kuri aán adór ir ganaá' dír geeraawoge, tari dirósí alqadiín xwaylarós kawa yaamaá múk Kana'ani i hanis, nee oo Hiti, nee oo Amori, múk Perisi, nee oo Yebusi, nee múk Girgashi. Al'axweesantók kari boo/és, asma kuúng tu inkihhím.

TI'INAANGW 3:17

Aníng adór kuungá' nur duúx baraá slahh'amusuú yaamaá Misriro aga oó', nuri dahaás baraa yaamaá xoorór Kana'ani nee ar Hiti, nee ar Amori, nee ar Perisi, nee ar Hifi nee ar Yebusi, yaamaá diihhooár ilwa nee dane.

TI'INAANGW 3:8

Aníng nina hardáh asma inooín ngiwa tuu/ baraá dabaá múk Misri wa alé, nee in huúw ay baraá yaamaá hhooá', yaamaá iintlaaxw, yaamaá diihooár ilwa nee dane, yaamuudá' ta hooti nee xoorór Kana'ani, nee ar Hiti, nee ar Amori, nee Perisi, nee Hifi, nee ar Yebusi.

TI'INAANGW 34:16

Daaqaywók mu dasuuín ar duuxuutmisaar, aluuwo dasuuín iri munguii'ín sluufmisuú áy, daaqayhúng sleeme kuri ta/eekw, iri munguii'ín sluufmisuú áy.

FAARO 13:29

Múk Amaleki dír Negebu ngi hootiyá'. Múk Hiti, nee oo Yebusi nee oo Amori dír i hootiya' a gawaá tlom'i, nee múk Kana'ani dír i hooti a isaapoó Tlawtá Tla/aangw nee afaá yaaér Yordani.»

DABE 7:1

«AAKOÓ MUNGÚ Munguúhúng nu hardahaas baraá yaamuudá' kuungá' tay hotaá eera', nee xoordaá yaariir awa baraadá' gi guus. Qoomár bara daté' baraá yaamuudá', inós xoorduudá' faanqw /uuruú koomá' ta kuungae gi guus. Inooín an xoorór Hiti, nee xoorór Girgashi, nee xoorór Amori, nee xoorór Kana'ani, nee xoorór Perisi, nee xoorór Hifi nee xoorór Yebusi.

YOSHUA 11:3

Inós sleeme afo gari ya/aáw amór waawituú Kana'ani, kuduú bihhe tsaraawo, da/aáw nee /uwaawo, oo Amori, nee oo amór múk Hiti, nee oo múk Perisi nee oo múk Yebusi kudaá gawaá gongoama', nee amór múk Hifi, kudá' hoót bihhaá baraay awa tloomár Hermoni amór yaamaá Mispa.

YOSHUA 9:1

Baalír xoorór Israeli kawa axaás, waawitá sleémeero oo yaaér Yordaniro gayuú /uwí dirií', nee oo yaamaá gongoama', nee oo baraá xatsoowo, nee kuduú afaá tlawtá Mediteraneárí tseewá' amór yaamaá Lebanoni, oo múk Hiti, nee oo múk Amori nee oo Kana'ani, nee oo Perisi, nee oo Hifi nee oo Yebusiro,

HAR'OHUUSE 1:4

Tlahhoó Yuda iri slaqwarár áy, AAKOÓ MUNGÚ múk Kana'ani nee múk Perisi giri gawaá dabaaíní qaás. Múk kume mibaangw nguri baaliyé' baraá yaamaá Besekír wa ale.

HAR'OHUUSE 1:5

Waawutmo Adoni-beseki kuri baraá gixsár Besekírí áy, niri slaqwiyé' nee inós, múk Kana'áni nee oo Perisiro kuri baál.