HAR'OHUUSE 3:20 - Biblía Axweesantá Hhohho' ar Mungú 2004

²⁰ Ehudi iri tseewúy amór waawutmo gawaá siitsana, didá' tsa' waawutmo iwa fur'ár /ayi, guri báy, «Ya/abtoorók tooka a koóm ar amór Mungú daahh.» Waawutmo nina gawaá kitaangós wa tláy iri sihhiít.

HAR'OHUUSE 3:20 Iomraidhean Croise

2 SAMUELI 24:12

«Tláw, kaangwí ooeek dír Daudi ku beer, ‹AAKOÓ MUNGÚ gár i kaahi a tí, muruú tám ngwa dirógií haniís, kuúng gár wák tsawaareek, daqaní aníng ngi tleéhh.› »

NEHEMIA 8:5

Esra kitaábu guna gweér dír ilaá muu sleémeero wa alé, asma i gáwtí dirii' dír muko, qoomár nguwa gweér muu sleémeero tari sihhiít.

WARA'AMI 29:1

AAKOÓ MUNGÚ xirfayeemisaak, kuungásingá' gawaá doori awa taa tleéhh nee Mungú, AAKOÓ MUNGÚ xirfayeemisaak, xirfuuwós nee aleesleemuuwós alki/iitaak.

YEREMIA 10:7

Aá waawutmoó xoordu, oo kuúng u ilaiwawa/aaká a heemá? Asma kuúng an hariín tuwa ilaiwawa/i, oo sagaloó' adór kuúng i kaahh baraá xoorduuwo, tam baraá waawuti'iima sleémeero.

YEREMIA 36:22

Qoomaadá' a slahhángw gwaleél, qoomaadae waawutmo i asltá axwaanemamiis baraá do'ós wa alé, asma a qoomár tsaaqwa.

AMOS 3:15

Aníng maraydá' taa tlehhiít as tsaaqwa nee kudá' taa tlehhiít as qoomár siiree/i in yaamií intláh sleémeero. Nee maraydá' taa qaalín ar xareemaá daawe in feé/, tam maraydá' uren i meetisaaká. Anuú AAKOÓ MUNGÚ tí ngina oó'.»

MIKA 6:9

Heé sagaloó' a kudá' AAKOÓ MUNGÚ gu ilaiwawaá/. Afór AAKOÓ MUNGÚ múk baraá gixsár Yerusalemu gu i /aa/amiín, i kat, «Iia qaasaak, kuungá' múk baraá gixsár Yerusalemúr wa burumburimitá',

FAARO 23:18

Bala'amu aarirós tí gari oó', iwa kaahi, «Tlawáng Balaki, iia qaaseek! Aá garmoó Sipori, aníng iiárií qaasáng.

HAR'OHUUSE 3:19

Ala inós iwa hardáh dír tlaa/eedá' taa qaalín awa iisaapoó Gilgali, iri kií/ amór waawutmo Egloni guri báy, «Aá waawutámo /aymuuwók kooko oo naaqo u koóm.» Waawutmo sagadiyuseerós gari báy, «Quutlé'.» Inooín niri tsee/ií ti'iitiyé'.

HAR'OHUUSE 3:21

Ehudi ar dakós oo doó basayhe paángarós ngina duúx bihhaá doó /iyáy wa alé, Egloni guri gura' muút.