HAR'OHUUSE 3:15 - Biblía Axweesantá Hhohho' ar Mungú 2004

¹⁵ Ala qoomár xoorór Israeli AAKOÓ MUNGÚ nguwa i /á/, gina iiárií qaás, heé gi tuú/ guri sláy. Heewí an Ehudi, garmoó Gera, heé dawa bás, oo tlahhoó Benyamini. Looarka wake xoorór Israeli Ehudi guri ya/áp as ohme ngiwa huwi amór waawutmo Egloni oo Moabu.

HAR'OHUUSE 3:15 Iomraidhean Croise

2 SAMUELI 20:10

Ala Amasa paángadá' Yoabu i kon gaa ariiká. Naagáy, Yoabu guruú Amasa guri muút ar paángadá', waqátuuwós niri tsee/áy ti'iít, iri gwaá'. Yoabu muttá tsare a ki/iká. Kár, Yoabu nee hhiyaawós Abishai tana kumiít Sheba garmoó Bikri kuwa ya/ati alkon.

2 SAMUELI 20:9

Yoabu, Amasa guri báy, «Xáy, hhiyaaeé', a saayaaúta?» Yoabu daamór Amasa gari óh ar dakós oo doó /iyáy, baré kúto gun ma'asár wa slaa'.

1 QOM'I 12:2

Kuká' awa tlahhoó Benyamini tlahhayduú Saulo. Inooín maheeri tlaqutuuwo ngi ló'wa baaliyá' nee tlaa/e tlaqutuuwo ar dákw doó /iyáy nee oo doó basayhe.

1 QOM'I 8:3

Bela daaqoó aa laqwaál a kwí: Adari, nee Gera, nee Abihudi,

1 QOM'I 8:5

nee Gera, nee Shefufani nee Huramu.

2 QOM'I 9:24

Umuú waawutmoowo Solomon guna qeemú i haniís umuú kurko, oo xooslár ta tleéhh ar peésa, nee ar sahaábu, nee tlaba', nee xooslár slaqwara, nee mooyángw tsuú', nee faras nee wayshama'.

WARA'AMI 50:15

Án ateetáng deelór slahh'amaayeero. Án kuúng u ba/amís, aníng iri xirfayés.»

WARA'AMI 78:34

Bál bar baraakarka ngaa tsuú/, awa hatlá' nay hhu'uu'uná', Mungú nguri leelehhiitiyé' ar tsáp.

WARA'AMI 90:15

Daxta kureeraá yaariir awa qwala/ huwang, ar adoodá' kureeraá slahh'amu nee waayaaqamu ngira hanís.

AXWEESANOÓ SAGALOOA 18:16

Heé taa aleesleemuú i haniís kwaa loohirí tleéhh. Iri dah ay dír geeraá múk urén.

AXWEESANOÓ SAGALOOA 19:6

Múk yaariír tin kilooín sla'atamamisiyá' dír geeraharuuse, nee umuúqo heewo ga slaa' tawa mulqumo dír heé múk /iimisa.

AXWEESANOÓ SAGALOOA 21:14

Heé aa buuhh bura qawti garkár i hanís in xasliit, Heé xaraásl bura slúk qawti ale in tsaúy.

ISAYA 36:16

Waawutmo Hesekia mu iiárií qamiimara'. Waawutmoó Ashuru i kaahi, ‹Wayda tleehhaak nee aníng, qwalaasé' amor'eé', daqaní umuú heewo sabiíbu qaymoorós gu /aay, nee seituúnirose, nee iri hhekiit baraá hhalaangós oo kilá',

YEREMIA 33:3

«Aníng ateetáng, aníng kuúng un mu/aywaáts, nee muruú urén ngu kuúng báw, kudá' taa luú/ oo kuúng ta baloó xu'uká.

HAR'OHUUSE 2:16

Aluuwo AAKOÓ MUNGÚ har'ohuuse gari ya/aáw as mukwí nguwa tu/ gawaá dabaá hoomaadá' gaa ar tleeri.

HAR'OHUUSE 20:16

Baraá mukwí sleémeero hhawaataá tsiire faanqw i dayá', awa taa tsawaár awa dabe bás. Umuúqo heewo tlaa/ano guna tsaxaár ar kukumaayi, tam se'eemír wák gaa dakusiiká.

HAR'OHUUSE 3:14

Xoorór Israeli waawutmo Egloni, oo Moabu guri sagadiyús ar har afiqoomár kureeri mibaá nee dakaát.

HAR'OHUUSE 3:16

Ehudi paángár afe tsár gana tleéhh, tlenaango a sentimiíta mibeeri kooán, gari tseék baraá afetloowós, bihhaá doó /iyáy, baraá guruú tlabaawós.

HAR'OHUUSE 3:9

Ala qoomár xoorór Israeli iwa /á/ amór AAKOÓ MUNGÚ, AAKOÓ MUNGÚ heé xoorór Israeli ga tuú/ guri sláy, heewí ku bay Otnieli garmoó Kenasi, hhiyoó niiná oo Kalebu.

HAR'OHUUSE 4:3

Yabini gaardaá muqsla ngi kon a tsiire gwaleél. Inós xoorór Israeli gana baramaanuús ar /uuru kureeri mibeeri tsár, xoorór Israeli AAKOÓ MUNGÚ guri i /á/.

1 SAMUELI 10:27

Ala mukko amoowásl tari káh, «Xáy, kwí adór tir ba/amisi?» Inooín kuri waaqaá' tam qeemuú kway huúw i kaahh. Ala inós gaa gaárí xuiiká.