HAR'OHUUSE 3:10 - Biblía Axweesantá Hhohho' ar Mungú 2004

¹⁰ Qeeruú AAKOÓ MUNGÚ Otnieli guri hatsiís, inós tari har'ohusmoó múk Israeli, iri slaqwarár áy. AAKOÓ MUNGÚ Kushan-rishataimu waawutmoó Mesapotamia guri gawaá dabaawós i qaás, inós Kushan-rishataimu guri baál.

HAR'OHUUSE 3:10 Iomraidhean Croise

1 QOM'I 12:18

Naagáy Qeeruú Mungú Amasai gway hatsiís, kuduú geeraharusmoó úr oo kudaá mibeeraá tám, iri oó', «Aá, Daudi garmoó Yese, atén a kók, atén a bartók, aá garmoó Yese! Wayda, eeít wayda ta amoorók, nee wayda dír kudá' kuúng u alee/imiisá'. Asma Munguúwók an kudá' kuúng u ale/iimiís.» Aluuwo Daudi giri ilaaóh. Giri qaás geeraharuusér slaqwaruusér wa ale.

2 QOM'I 15:1

Qeeruú Mungú ina hardáh dír Asariya garmoó Odedi.

2 QOM'I 20:14

Naagáy Qeeruú AAKOÓ MUNGÚ iri hardáh dír heeko wák oo tlahhoó Laáwi oo didií dirií'. Umuuwós a Yahasieli garmoó Sekaria, garmoó Benaya, garmoó Yeieli, garmoó Matania oo guruú doó Asafu.

WARA'AMI 51:11

Mi kwaahhaar dír geeraawoge, qeeruuwók oo Hhoohhoó' mu hingeesaar dir'eene.

FAARO 11:17

Aníng ni yaamií aweér, aníng nee kuúng nari axweesaán, nee qeeruudá' naa dirók i haniís un bahh ar tláw nguri dir'ín i haniís. Inooín nee kuúng mukwí ku al'amohhe'eemisá', huwaarí ma kilók loohisaar.

FAARO 11:25

Nee AAKOÓ MUNGÚ iri aweér ar gawaá huunki, iri axweés nee Mose. Nee qeeru bahh'ale kudá' aáng aa Mose i haniís guri taataáhh, guri haniís dír bariiseedár mibeeri faanqw, qoomár qeeruuwí iwa gawaaín i iwiít, bariiseedá' tari aariirín, ala aariro taa malé ki/iiká.

FAARO 11:29

Ala Mose guri mu/aywaáts, «Ahaá gár kuúng da/i usa ót a milá as aníng? Hamí geera a tsiní AAKOÓ MUNGÚ mukós sleémeero burngwa qeeruuwós i haniís nee tari aaruuse.»

FAARO 24:2

Bala'amu iwa qaytsiít amór múk Israeli, xafay'ín ngwa tleehhiyé' ar tlahhi'i. Qeeruú Mungú Bala'amu guri hatsiís.

FAARO 27:18

AAKOÓ MUNGÚ Mose guri báy, «Yoshua garmoó Nuni taataahheek, inós i qeeruú kón baraawose, daqaní ku dákwí qás.

Ebrania 6:4

Asma múk aa qaroó alií kii/, adór kungur ki/isi baraá hhu'u'úngw i alé a adoomá? Asma inooín kingina dahaás baraá gwa/aateemaá Mungú, tsuuqaá Mungú kudá' gawaá dooraá dahhá' kiri tsaáq, Qeeruú hhoohhoó' oo Mungú kuri én,

HAR'OHUUSE 11:29

Qeeruú AAKOÓ MUNGÚ Yefta guri hatsiís, Yefta iri tláy, iri waaraáhh yaamaá Gileadi, nee awa Manase, nee iri kumiít ay Mispár Gileadi, ay yaamaá múk Amoni.

HAR'OHUUSE 11:32

Naagáy Yefta iri waaraáhh as tawa slaqwi nee múk Amoni, AAKOÓ MUNGÚ múk Amoni guri qaás gawaá dabaawósií ale.

HAR'OHUUSE 13:25

Qeeruú AAKOÓ MUNGÚ guri /uurií haniís iwa baraá Mahanedanír i dirii'i, tla/ángw Sora nee Eshtaoli.

HAR'OHUUSE 14:19

Qeeruú AAKOÓ MUNGÚ Samson guri hatsiís, Samson iri /eét ay Ashkeloni. Múk mibeeri tám guri tsuú/, tlabaaín giri hayóh giri haniís dír mukdaádá' siníkarós gaa slay. Inós iri waátl ar mune ay amór doó baabuúwós.

HAR'OHUUSE 14:6

Qeeruú AAKOÓ MUNGÚ Samson guri hatsiís, Samson dirangwdá' gway karslamiís adór deelmoó leeír ar alé, slám ar dabaá tawo. Kaangwí Samson gwa ooiiká dír xwayliiteérose.

HAR'OHUUSE 15:14

Qoomár iwa hardáh Lehi, múk Filisti ina amór Samson i haraatláy ar tseeo. Samson Qeeruú AAKOÓ MUNGÚ guri hatsiís him'eedá' kura daba' tseék iri tsatít adór neewór taa daá/ ar asla, iri yaamií hú'.

HAR'OHUUSE 3:11

Yaamu wayda nguri slayé' ar har afiqoomár kureeraá mibeeri tsiyahhe. Aluuwo Otnieli garmoó Kenasi iri gwaá'.

HAR'OHUUSE 3:8

Gawaá adoorihe AAKOÓ MUNGÚ iri buúhh, múk Israeli guri máy kuwa baali, nee waawutmoó Mesopotamia oo ta bay Kushan-rishataimu. Múk Israeli Kushan-rishataimu nguri sagadiyuusiyé' ar har afiqoomár kureeraá dakaate.

HAR'OHUUSE 6:34

Ala Qeeruú AAKOÓ MUNGÚ Gideoni guri i hardáh, Gideoni tarumbeéta gari ufaáhh as múk Abieseri nguwa ateetin as nguwa eehariya'.

1 SAMUELI 10:10

Naagáy tawa hardáh Gibea, qaytsiít inós nee daqtá aaruuse tina doogiyé', naxés Qeeruú Mungú guri hatsiisa hhe'eés, inós iri aariirín baraá tla/ángw aaruuseedá' wa ale.

1 SAMUELI 10:6

Nee Qeeruú AAKOÓ MUNGÚ un hatsiis, kuúng tari aaririín dinkwa nee inooín, kuúng turi warqees tari heé dimbé.

1 SAMUELI 11:6

Qoomár Saulo axweesanaydá' nguwa axmiís, iri buúhh, /uuruú Qeeruú Mungú Saulí guri hatsiís.

1 SAMUELI 16:13

Samueli xarmooduú di/i guri taataáhh, Daudi guri iimbalaáx dír geeraá hhaeewós wa ale, hamtidár kilae /uuruú qeeruú AAKOÓ MUNGÚ Daudi guri hatsiís. Naagáy Samueli iri kií/ Rama.