HAR'OHUUSE 3:1 - Biblía Axweesantá Hhohho' ar Mungú 2004

¹ Xoorduuká' an kudá' AAKOÓ MUNGÚ aa máy, as múk Israeli kudá' slaqwarár yaamaá Kana'ani ga xuaaká nguwa iiari.

HAR'OHUUSE 3:1 Iomraidhean Croise

1 WAAWITÁ 9:21

na/ii'ín kudá' naa meetiye' aluuine baraá yaamií alé, kudá' taa hhaamisiiká nee múk Israeli, Solomon gina lawaale tleéhh ar gadiyér tawa nongo'otiiká ay laarí.

2 QOM'I 32:31

Múk Babuloni nguwa yaahaasár áy daanduú muruuduú waa/oo/amo aa tlehhiít baraá yaamuuwose, Mungú waawutmo Hesekia guna tawo máy, adoodá' inós i tleehhamór wa slai gay tleéhh, adoorí ina tleehharút as inós kuwa iiari.

YOBU 23:10

Ala inós hotaaeé' gi ado xuu', inós aníng iiarto bira hhe'eés, nin ti'iít oo hhoohhoó' adór sahaábu.

TI'INAANGW 15:25

Inós iri /aá/ amór AAKOÓ MUNGÚ, AAKOÓ MUNGÚ guri xa'anoó i laqán, inós guri /aytiís baraá ma'aydá', ma'aay niri tsuuiyé'. Didae AAKOÓ MUNGÚ xoorór Israeli gana kaahirós i haniís nee hara'ayaro. Diirihe inós gina iiár.

AXWEESANOÓ SAGALOOA 17:3

Sahaábuú gawít laqaá muqslidár peésa ar gawit aqo kan iiar ar asla. Ala munér muu AAKOÓ MUNGÚ gan iiara'ar.

YEREMIA 6:27

Yeremía, aníng kuúng ugwa qaás as tawa heé muk'eé' ga/áw nee heé muk'eé' gan'aamiís, as lohuduuín kiwa xu' nee kiwa qwats.

SEKARIA 13:9

Aníng daqtadár tám ngiri waarahhaás ar baraá asla, aníng in kwahhuút ngiri hhohhoeés adór peésa kar kwahhuumaamiti, aníng i iiár adór sahaábu kur iiara'ari. Umuueé' nguri ateetiyá', án ngiri axaás, aníng niri oo', ‹Mukwí an kwe'eé'› Inooín niri ooiya' ‹AAKOÓ MUNGÚ an Munguúrén.› Anuú AAKOÓ MUNGÚ tí ngina oó'.»

Yohana 2:24

Ala Yesu taa ak amor'íní hanisiiká, asma inós muner'ín gaa ló'wa tsaáhh.

DABE 7:22

AAKOÓ MUNGÚ, Munguúhúng xoorduuká' gusisiingo gin tseegamiis har qoomár kuungá' tar geerií surkuunda'. Xoorduuká' gi wa'aá wákár hhaamisiiká, as kahhó' aluuwo kuungá' mutunduwa haradáh nee makaá sla/a.

DABE 8:16

Slám inós an kudá' kuungá' naa /aymiis maánaro qoomár tawa baraá xaanxaay, muruú /aymaadá' baabi'iihúng ta baloó xuiiká. Adoorí gana tleéhh as kuungá' nuwa niinaweesi, niwa iiari as nuwa xuxuui, nee alhhe'eesaywo nuwa hhooeemáy tleehhi.

DABE 8:2

Inslawaak adoodá' AAKOÓ MUNGÚ, Munguúhúng, nura geerahaár aaiidá' tleere tawa baraá xaanxár oté', afiqoomár kureeraá mibeeri tsiyahhe, as kuungá' nuwa múk iialoén tleehhi, nee munerhúng ngiwa iiari, as tidá' kuungá' ta aldakuta' baraá munerhunge ngiwa xui, nee axáy hara'ayaarós aga otí'i, laqaá aasla'áy.

1 Petro 1:7

Iiara'aduuwí gídaabárós i deer. A haratlintaaorhúng kan iiara'ar, xáda xáy haratlintaaorhúng tisíng ar lóe? Sahaábu a gár qwaar, tam ku iiari ar baraá asltadár sahaábu kur hhoohhooeemiis. Ala haratlintaaorhúng ka ló'wa afhhamít ta sahaábuwo. Asma haratlintaaorhúng bar kaa iiár, i hariín kawa diidi'iimiisi nee kawa xirfayeemisi nee kan ilaiwawaa/ qoomár Yesu Kristo burkwa geehhooés.

1 Petro 4:12

Sla'aaruuser'eé', kuungá' ma waa/oo/amiimara' as slahh'amuú yaariír kwisíng ta slasleera', oo adór iiara'aduú asla, tawa adór gár xuaawasl.

Geehhoeemaá 2:23

Nee aníng na/iiwós i faák tsu/utaaro. Nee múk kríshaanáy sleémeero gari xuu' adór aníng tar kudá' munér muu ga tsee/ariím nee inslawaywo. Nee aníng umuúqo heewo baraahunge un buú' ar adoodá' inós wa hariím as tlehhemi'iiwós kudá' aa tlehhiít.

HAR'OHUUSE 1:1

Alaá Yoshua iwa gwaá', xoorór Israeli AAKOÓ MUNGÚ, Mungú guri yaahasár eér, guri beér, «AAKOÓ MUNGÚ, tlahhoó geerií slaqwarár áw nee múk Kana'ani a gaalá?»

HAR'OHUUSE 2:10

Slám muu sleémeero oo qartadá' iwa faakiís, qartá hatlá' niri aluuín wa iitleér ar AAKOÓ MUNGÚ gu xuaaká, tam gadiyeédá' aa tleéhh as múk Israeli ngi xuiaaká.

HAR'OHUUSE 2:23

Naagáy AAKO xoorduudá' giri máy, sleeme ga guusiiká ar gaanslaay, sleeme ga hanisiiká gawaá dabaá Yoshua.

HAR'OHUUSE 3:2

Adoorí gana tleéhh as kahhó' umuúqo qartá hi'iita ar múk Israeli slaqwara ngiwa intsahh, ak aleeró kudá' slaqwara ngi geerií xua'aaká.