HAR'OHUUSE 21:6 - Biblía Axweesantá Hhohho' ar Mungú 2004

⁶ Kár ala, múk Israeli gur'er'ín iri tleér daanduú tlahhoó Benyaminiwo tari oó', «Laarí tlahhoó wák oo múk Israeli kwaa hhaamiís.

HAR'OHUUSE 21:6 Iomraidhean Croise

2 SAMUELI 2:26

Kár Abneri Yoabu guri ateét, iri oó', «Xáy, paánga in /ayayiínda daqisleém? Xáy, alhhe'eesaaywós u ga/eerakáhe adór kur tlaákw? Xáy, ta xaslamaamit ay xaylá? Mukók kuwa beeraká, ‹Hhaeehúng mawaak eeharahaduwo?› »

HOSEA 11:8

Aá múk Efraimu adór nur geexaw? Án kuungá' múk Israeli adór nur sii'? Adór ngir aslaw nuwa adór gixsár Adma tleehh? Adór ngir aslaw nuwa adór gixsár Seboimu tleehh? Muunaáeé' aa warqáy, guruueé' aa ló'wa tláy.

HAR'OHUUSE 11:35

Yefta ngiwa ár dasiirós nguwa al'eér, tlabaawós gina feehhamiís iwa kaahi, «Dasir'eé', iga gurtlés nee iga slahh'amuú yaariír ar eér, asma aníng lo'o aga /aáy dír AAKOÓ MUNGÚ, slám lo'oorí amohhu'uumaro a aleeslawaaká.»

HAR'OHUUSE 20:23

Múk Israeli tay gáwtí tsa/án tari /aa/amín dír AAKOÓ MUNGÚ ay tsiindo tawa kaahi, «A tlawaána tawa slaqwaan nee hhaeerén awa Benyamini.» AAKOÓ MUNGÚ giri báy, «Tlawsé' slaqwé' nee inooín.»

HAR'OHUUSE 21:15

Múk Israeli múk Benyamini guri gurtláy, asma AAKOÓ MUNGÚ wakaari ngiwa qaás tla/ángw múk Israeli nee oo Benyaminiwo.

HAR'OHUUSE 21:5

Naagáy tiri kilooín yaahamisiyé' tawa kaahi, «Xáy, baraá tlahh'aá Israeliwo tlahhoó aa daqayká dír geeraá AAKOÓ MUNGÚ i deéro?» Asma lo'o ngina /ayiyé' tawa kaahi, bar hee naa daqayká dír geeraá AAKOÓ MUNGÚ baraá Mispa gaasaro i harín.

HAR'OHUUSE 21:7

Hamí daxta adór ta laqaan a adoomá, adór mukwí aa meet tlaawaay ngur slay. Asma lo'o aga qaroó /ayaán dír geeraá MUNGUHE ar dasuurén kuwa duxuutiiká nee inooín.»