HAR'OHUUSE 21:5 - Biblía Axweesantá Hhohho' ar Mungú 2004

⁵ Naagáy tiri kilooín yaahamisiyé' tawa kaahi, «Xáy, baraá tlahh'aá Israeliwo tlahhoó aa daqayká dír geeraá AAKOÓ MUNGÚ i deéro?» Asma lo'o ngina /ayiyé' tawa kaahi, bar hee naa daqayká dír geeraá AAKOÓ MUNGÚ baraá Mispa gaasaro i harín.

HAR'OHUUSE 21:5 Iomraidhean Croise

YEREMIA 48:10

Heé gadiyér AAKOÓ MUNGÚ ga tleéhh ar sangareei i tsarere'eeti, heé paángarós ga ila/aám tseere ku'uusaro i tsarere'eeti.

HAR'OHUUSE 21:1

Múk Israeli lo'o kana /aáy dír Mispár wa ale tari oó', «Hee tumu wák miwa ya/án dasiirós kawa duuxi nee heé tlahhoó Benyamini.»

HAR'OHUUSE 21:18

Ala dasuurén kuwa duxuuti i ya/aandaaká. Asma atén lo'o aga /ayaán hee dasiirós mingiwa haniís dír heé tlahhoó Benyamini.»

HAR'OHUUSE 21:6

Kár ala, múk Israeli gur'er'ín iri tleér daanduú tlahhoó Benyaminiwo tari oó', «Laarí tlahhoó wák oo múk Israeli kwaa hhaamiís.

HAR'OHUUSE 5:23

«Malaykamoó AAKOÓ MUNGÚ i kaahi, ‹Merosi lu'usaak, yaamuloouuseerós, lu'usaak sleeme, asma AAKOÓ MUNGÚ ngwaa alee/isár ay'iiká, qoomár iwa slaqwi nee slaqwaruusér /uureemaá koom.›

1 SAMUELI 11:7

Inós awér tsár gana óh, gari tlaáq baraá kaeemo, kaeemoodá' giri huúw baraá yaamaá Israeli sleémeero, ar dabaá mukduú ya/abuuse, tari oó', «Umuúqo heewo oo Saulo nee Samueli gaa eehariiká baraá slaqwaraaro aweerós adór ka laqi a tír kilá'.» Naagáy AAKOÓ MUNGÚ mukdá' guri dae tsaát tindiri ti'iít adór heé wákár ale.

1 SAMUELI 14:24

Múk Israeli tana dawimiít kángw kilá' wa ale, Saulo baalaadae muu guna lo'ór /aymiís, iri oó', «Umuúqo heewo laarí muruú /ayma munguwa gwaá afkwár káy ay tsiindo, ay dír wakuuser'eé' tí ngay li/áy buu'. Heé gwaa qo áfkwár kayi i tsarere'eeti.» Gawaá adoorihe heé muruú /ayma gwa tsaaq i kaahh baraá tla/ángw muko.