HAR'OHUUSE 21:4 - Biblía Axweesantá Hhohho' ar Mungú 2004

⁴ Matlaatlér boo/e muu ina tseewa tláy, kitángw ilahhooa kuri tleéhh, ilahhooár da/a nee ar wayda ngiri haniisiyé'.

HAR'OHUUSE 21:4 Iomraidhean Croise

2 SAMUELI 24:18

Baalaarihe Gadi ina daqáy amór Daudi, guri báy, «Gawa i waatlaweek AAKOÓ MUNGÚ kitángw ilahhooa ti tlehh, baraá afeenidár balaangw muxtaa ar Arauna oo Yebusi.»

2 SAMUELI 24:25

Daudi AAKOÓ MUNGÚ guri kitángw ilahhooárií tleéhh didár afeenidár balaangw muxta. Ilahhooár da/a gari haniís, nee ilahhooár wayduwo. Naagáy AAKOÓ MUNGÚ firoorí gari ya/án as yaamu, nee oohaseeyidár tiqtír pu/i ar múk Israeli gwa ot, gari har'óh.

1 WAAWITÁ 8:64

Baalaadár kilae waawutmo matla/angwdú tla/ángw i dirií' amór lak geeraá doó AAKOÓ MUNGÚ guna aldafín, asma diirí an didá' ilahhooadá' ta da/aa/an kawa hanmiisi, nee ilahhooár balaangw nee ar di/i nee ilahhooár wayda ar muruú ta tsu/i, asma kitangwduú ilahhooa oo taa tleéhh ar muqslír sirdaa/aat i bu'utiiká ilahhooa sleémeerowo.

HOSEA 5:15

Aníng an kií/ dír kitangw'eé' tin paraátl dir'ine, ay dír tlakweemaaín ngay gwadidina' aníng iri leelehhtuú ayá', slahh'amu giri intsaahhatis aníng iri leelehhiyá' tawa kaahi.

DABE 12:5

Ala tlawé' ay didá' AAKOÓ MUNGÚ, Munguúhúng i tsawaari baraá tla/ángw tlahhi'i sleémeero, as umuuwós kuwa xirfayeesa', nee dír hotaawós kawa tlehha', amoodá' an amór kuungá' ta keera'.

Ebrania 13:10

Atén kitángw ilahhooa u koomaán. Kaahamuusér Mungú, tidá' gadiyuus baraá heémár wa ale, i harina'aaká muruuduú gawaá daanduú kitangwrén kwí nguwa /ayiya'.

HAR'OHUUSE 20:26

Xoorór Israeli sleémeero nee muu sleémeero tari tsa/án Beteli, tay tsuunqumiís amoodá' wa ale, tay gwaawín ay tsiindo, nee AAKOÓ MUNGÚ nguwa i /aa/amina'. Ilahhooár da/a, nee ilahhooár wayduuwo kari haniís dír AAKOÓ MUNGÚ.

HAR'OHUUSE 21:3

Tari oó', «Aá, AAKOÓ MUNGÚ, Munguú múk Israeli, ahaá gaarí mista sleér ar tlahhoó wák iwa kahhi baraá tlahh'aá múk Israeliwo?»

HAR'OHUUSE 6:24

Naagáy Gideoni kitangwduú ilahhooár AAKOÓ MUNGÚ guri didií tleéhh, didá' gari umií tsaát iwa kaahi, «AAKOÓ MUNGÚ a wayda.» Tam ay laarí kitangwduú ilahhooa i daadeer didár Ofraro, tidár tlahhoó Abieseri.

HAR'OHUUSE 6:26

Kitángw ilahhooa oo AAKOÓ MUNGÚ, Munguúwók ku tlaa/ér tléhh gawaá koo/ír gawit. Daqaní awuduú tsár ku dá/ as tawa ilahhooár da/a, slaqsayduú Ashera taa fé/ migír tiwa hamis.»

1 SAMUELI 7:17

Nee in waawaatl ay Rama, asma do'ós i baraadá', nee didá' an kitángw gadiyeérós ar kwasleemadaá múk Israeli ngiwa tlaaqi. Kitángw ilahhooa oo AAKOÓ MUNGÚ guri tleéhh baraadií ale.