HAR'OHUUSE 21:21 - Biblía Axweesantá Hhohho' ar Mungú 2004

²¹ daqaní ilakaaharu ku ló'wa tlehhá'. Dasuú Shilo birna tsee/ií ti'iít qoomár deelór ure barta ni/ín, kuungá' ta baraá qamaá sabiíbu wa ti'itá', umuú heewo dasi ngi oohi tawa hareerós. Aluuwo ta ki/á' baraá yaamaá Benyamini.»

HAR'OHUUSE 21:21 Iomraidhean Croise

2 SAMUELI 6:14

Daudi iri faakamiís ni/imaro dír geeraá AAKOÓ MUNGÚ wa ale, tlawuduú kaahamusmoó Mungú oo taa tleéhh ar neewór kitaáni gwa afeetlií siinoót.

2 SAMUELI 6:21

Daudi Mikali gari báy, «Aníng a dír geeraá AAKOÓ MUNGÚ i dirií', kudá' aníng iga tsawaar kitángw baabuúwók wa ale, nee múk do'ose, as iwa qaasi tawa heé úr daanduú múk Israeli wa ale, múk AAKOÓ MUNGÚ. Gawaá adoorihe aníng an ni/iím dír geeraá AAKOÓ MUNGÚ wa ale.

WARA'AMI 149:3

Umuuwós ngu xirfayeesiye' ar ni/ima, nee kuwa i daai ar mitingiri nee gidaandoori.

WARA'AMI 150:4

Xirfayeemisaak ar oowi nee ni/ima. Xirfayeemisaak ar seése nee filiímbi.

TI'INAANGW 15:20

Naagáy aaruso'o Miriamu, hho'ór Aroni, oowi gari taatáhh. /Ameena sleémeero iri aluuwós wa eehariín, i ooway'ín koná', ta hara ni/ín.

DAHARUSMO 3:4

Qoomár /aa/e nee qoomár qaseengw. Qoomár tsuunqumis nee qoomár neeto.

DAA'AANGW 6:13

Ki/áng, ki/áng, kiíng Shulamitó'o, Ki/áng, ki/áng, atén kiíng i qwalaalahhasaán. Ahaá waáy mis qwalalahhaasár wa sla'á' adór múk ni/imár slawaá tsár ga/áw.

YEREMIA 31:13

Daqaní dasuuín i ni/ín nee tari qwalalaa/, masoomba nee múk aa diimaadini ta qwalalaa/. Aníng tsuunqumisuuín un warqeés tawa qwala/, in gurkwa/ás nee in qwal/atís kitángw gurhaamiro.

Matayo 10:17

Ti harmagahhe' dír muko, asma kuungá' tundu huuw baraá maraá kwasleema, nee baraá maray'ín awa saaliingw, tunduri muux.

Luka 17:25

Ala gár geeraawo kuwa hariím a slahh'amuú yaariír gun sláy, nee kway sii' nee qartí.

HAR'OHUUSE 11:34

Qoomár Yefta iwa waátl baraá slaqwararo amór do'ós baraá Mispárí ale, dasiirós guna al'eér ar neeto nee daa'aangw, i hara mitingaroó tsingili'imís. Dasiirí aayorose a wak, na/oó hatlá' i kaahh. Yefta na/oó hatlá' oo garma laqaá oo dasi gu konká.

HAR'OHUUSE 21:20

Gawaá adoorihe hhawaateedá' Benyamini kiri báy, «Tlawsé' baraá qamaá sabiíbu, dasu baraadá' wa giiraak,

1 SAMUELI 18:6

Qoomár hhawaateedaá slaqwara niwa ki/iyé' baraá slaqwarár wa ale, dinkwa nee Daudi alaá migusmooduú Filisti ta bay Goliati nguwa gaás, /ameena nina ti'ít baraá umuúqo gixsár múk Israeliro, as waawutmo Saulo kuwa al'ay. /Ameena qwal/uwo daa'ángw bara/ guna ót, nee xooslár daa'ango.