HAR'OHUUSE 21:2 - Biblía Axweesantá Hhohho' ar Mungú 2004

² Naagáy múk Israeli tari tláy ay Beteli dír geeraá Mungú, tari didií iwiít iimír matlaatlér wa tleemu ay tsiindo. Inooín tana tseeamín ar afór ur nee tana /aa/amín ar gurhaami.

HAR'OHUUSE 21:2 Iomraidhean Croise

IIMU/UUNGW 27:38

Esau baabuúwós guri báy, «Baabá, tsuuqa ki koon aqo wak kilóse? Aníng sleeme tsuuqáng, baabá.» Esau iri tseé' /aa/eewo.

YOSHUA 18:1

Alaá xoorór Israeli yaamu ngiwa ót, looár wake nina burumburitiyé' Shilórí ale, heémár Mungú ngiri kiki'iyé'.

HAR'OHUUSE 2:4

Alaá malaykamooduú AAKOÓ MUNGÚ /aymi'iiká' ooaro ngiwa hhe'eés dír múk Israeli sleémeero, mukwí afor'ín ngiri tleesiyé' tari /aa/amín.

HAR'OHUUSE 20:18

Xoorór Israeli iri tleér tay tsa/án Beteli, Mungú nguri yaahasiyé' kuri báy, «A heemá oo geerií tláw direne baraá slaqwarár nee múk Benyaminiro?» Aako giri báy, «Yuda i giirin.»

HAR'OHUUSE 20:23

Múk Israeli tay gáwtí tsa/án tari /aa/amín dír AAKOÓ MUNGÚ ay tsiindo tawa kaahi, «A tlawaána tawa slaqwaan nee hhaeerén awa Benyamini.» AAKOÓ MUNGÚ giri báy, «Tlawsé' slaqwé' nee inooín.»

HAR'OHUUSE 20:26

Xoorór Israeli sleémeero nee muu sleémeero tari tsa/án Beteli, tay tsuunqumiís amoodá' wa ale, tay gwaawín ay tsiindo, nee AAKOÓ MUNGÚ nguwa i /aa/amina'. Ilahhooár da/a, nee ilahhooár wayduuwo kari haniís dír AAKOÓ MUNGÚ.

HAR'OHUUSE 21:12

Inooín baraá xooroodae dasuú nee hhawaate taa alqatiiká kway sláy oo tsiire tsiyáhh. Dasuuwí kunguri huúw ay Shilo tidár baraá yaamaá Kana'ani.

HAR'OHUUSE 21:3

Tari oó', «Aá, AAKOÓ MUNGÚ, Munguú múk Israeli, ahaá gaarí mista sleér ar tlahhoó wák iwa kahhi baraá tlahh'aá múk Israeliwo?»

1 SAMUELI 11:4

Ya/abuusér aáng iri hardát ay Gibeár Saulo, axweesanaywí kuri oó' baraá iaá muu sleémeero, tari tsuunquumiís ar /aa/aá yaariir.

1 SAMUELI 30:4

Daudi nee mukose /aa/e kina laaláy, tana kumamiít /aa/eewo, /uremooín nay faakiyé'.