HAR'OHUUSE 21:19 - Biblía Axweesantá Hhohho' ar Mungú 2004

¹⁹ Niri inslawiné', adór deelodá' ur ar AAKOÓ MUNGÚ tidár Shilór wa tleehharumamiit umuú kurko nira naká/, gixsadá' bihhaá /iya awa Beteli. Gixsadá' i bihhaá da/aáw awa loohidá' ur ar naa Betelír wa tleer ay Shekemu, bihhaá basa awa Lebona.

HAR'OHUUSE 21:19 Iomraidhean Croise

WARA'AMI 81:3

Tarumbeéta ufahhaak qoomár slahhaangw bir ni ti'imiit, qoomár slahhángw hoomoowo, deeloorén tidá' ure.

TLAHHOÓ LAÁWI 23:10

«Xoorór Israeli kabeeto, bara daté' baraá yaamuusingá' naa haniís, bar aga bu'uundé', ufuú balaangw oo bu'úngw geera un hubá' amór kaahamusmoó Mungú.

TLAHHOÓ LAÁWI 23:2

«Xoorór Israeli kabeeto, deeloorí an deelór uren ar AAKOÓ MUNGÚ, tidá' taa qoomeés, dinku'uumár hhoohhoo' an tlehhá'. Deelór ur ar naa qoomeés an tí:

TLAHHOÓ LAÁWI 23:34

«Xoorór Israeli baweek: Iimír bál mibaá nee kooán ar slahhángw faanqw, deelór ur an tlehhá' ar isleeri deelo faanqw as AAKOÓ MUNGÚ.

TLAHHOÓ LAÁWI 23:4

Deelor'eé' ar uren ar hatlá' ar anuú AAKOÓ MUNGÚ ar dinku'uumár hhoohhoo' kawa tlehha', a baraá qom'iiká taa qoomeés.»

TLAHHOÓ LAÁWI 23:6

Bál mibaá nee kooán ar slahhangwduú kilá' deelór ur ar mikaátér taa sluuftisiiká in iimu/uún. Deelo faanqw mikaátér taa sluuftisiiká an /agá'.

FAARO 10:10

Sleeme adoorí tleehhaak qoomár bar baraá qwal/amaaye, adór deelór ur bál slahhaangw birna ti'iít, nee deelór ur ar hatlá' ar ta tleehhamór wa sla'a', tarumbeéta ufahhaak qoomár bar ilahhooár da/aa/ángw hanmisá', nee ilahhooár wayda ar muruú ta tsu/i. Daqaní diirihe anuú Munguúhúng nun insláw. Aníng an AAKOÓ MUNGÚ, Munguúhúng.»

FAARO 28:16

«Slahhángw geera bál bar mibaá nee tsiyáhh an deelór pasaákuú AAKOÓ MUNGÚ kuwa tlehha'.

FAARO 28:26

«Baalár bu'úngw geeraawo qoomár kuungá' AAKOÓ MUNGÚ burngwa ilahhooár balángw /abén i hubé', ar deelór ur ar wiikidu, baalaadae dinku'uumár hhoohhoo' ka tlehhá' nee ma gadiyuusara'.

FAARO 29:12

«Slahhángw faanqw bál bar mibaá nee kooán, dinku'uumár hhoohhoo' ka tlehhá'. Baalaarihe ma gadiyuusara'. Deeloorí ur an AAKOÓ MUNGÚ i tlehhá' ay deelo faanqw.

Yohana 5:1

Aluudae deelór ur ar múk Yahudi nay hardát. Yesu sleeme iri tsa/án ay Yerusalemu.

Yohana 7:2

Qoomaadae deelór ur ar múk Yahudi, deeloodá' ur ar Isleeri aa naká/.

DABE 16:1

«Deelór ur ar Pasaáka tleehhaak qoomár slahhángwdá' ta babay Abibu, as AAKOÓ MUNGÚ, Munguúhúng, asma slahhángw Abibu AAKOÓ MUNGÚ, Munguúhúng kuungá' qoomár xweeraawo nuna baraá yaamaá Misrír wa duúx.

DABE 16:10

Aluuwo deelór ur ar wiikidu ka boo/esá' as AAKOÓ MUNGÚ, Munguúhúng kuwa ilaiwawa/a' ar ilahhooár sla'aari kawa hanisa' ar harqoomoó adoodá' AAKOÓ MUNGÚ, Munguúhúng nura tsuúq.

DABE 16:13

«Alaá balangwhúng sleémeero slahhto bura hhe'esé', nee mamaá sabiíbu tsoo/aro bira hhe'esé', deelór ur ar Isleeri boo/eesaak deelo faanqwe.

YOSHUA 18:1

Alaá xoorór Israeli yaamu ngiwa ót, looár wake nina burumburitiyé' Shilórí ale, heémár Mungú ngiri kiki'iyé'.

HAR'OHUUSE 18:31

Múk tlahhoó Dani murslaaqatuduú Mika aa daákw guri parootuús nguri sihhtisiyé', de'emaadá' sleémeero Doó MUNGÚ iwa baraá Shilórí dirii'i.

HAR'OHUUSE 21:20

Gawaá adoorihe hhawaateedá' Benyamini kiri báy, «Tlawsé' baraá qamaá sabiíbu, dasu baraadá' wa giiraak,

1 SAMUELI 1:3

Elkana umuúqo kurko in waatlatláy ay Shilo, as ilahhooár muruú ta tsu/i ngiwa hanmisuú aa'ay dír AAKOÓ MUNGÚ Aleesleemusmo. Didár Shiloro daaqoó tsár oo Eli i deer, umer'ín a Hofni nee Finehasi, inooín a kaahamuusér AAKOÓ MUNGÚ ar baraá Shilo.