HAR'OHUUSE 20:6 - Biblía Axweesantá Hhohho' ar Mungú 2004

⁶ Aníng /ameenir'eé' ngiri taataáhh, ngiri tlaáq umuúqo diqito'ooro, ngiri huúw baraá yaamu sleémeero awa múk Israeli, as gár tlaakw ar adór tí naa tleehhiyé', nee alsi'imuú adór kwí baraá Israeliwo.

HAR'OHUUSE 20:6 Iomraidhean Croise

IIMU/UUNGW 34:7

Qoomaadár kilae daaqoó Yakobo nina baraá de'éngw wa waátl. Kaangwí nguwa axaasiyé', tana ló'wa gurhamuút, tana buúhh, asma gaarí ka alsi'ím dír múk Israeliwo ar dasír Yakobo kawa /uurúr óh, kari dasu'uuma hhitín. Asma gaarí a gár ta waki ló' wa ale.

TLAHHOÓ LAÁWI 18:24

«Miti slasla/areesaar ar adoosíng kawa tlehh, asma muruusíng an gár xoordu kudá' geeraahúngií diriiá' ngis gusisiim, asma inooín adoosíng ngina tleehhiyé' tari slasla/areesiyé'.

TLAHHOÓ LAÁWI 18:30

«Gawaá adoorihe daber'eé' sleémeero oohaak, muruudá' slasla/arén ta waki mu aleealuusara', kudá' taa geeraahúng wa tleéhh nee mukdá' yaamu gaa geerahúng wa hoot, kuungá' miti slasla/areesara' ar tlehhmi'iidá'. Asma aníng an AAKOÓ MUNGÚ Munguúhúng.»

YOSHUA 7:15

Heé naa harati'iít oo muruudaádá' taa paraátl gu koóm ku daa/ baraá asla, inós nee múk do'ose, nee muruudá' sleémeero i kona. Asma alqador'eé' gaa sií', gár alsi'ím gaa tleéhh baraá múk Israeliwo.»

HAR'OHUUSE 19:22

Qoomár tawa qwalaala/i, múk gixsadá' oo barawaslén doó heedaádá' nguna harweeriyé' bihhe sleémeero, nay ateetiyé' baraá do', tay axweés nee aakoó do' loó', kway báy, «Heedaádá' naa do'ógií qatuú ay, tsee/í duuxang as kahhó' nee atén tawa fuquusaan.»

HAR'OHUUSE 19:23

Heé do' loó' giri harati'iít tsee/í ale, giri báy, «Aasla'áy, a adoosingeeká, hhaee'eé', án kuungá' nu firiím, tlakweemaá adór kwisingá' mi baloó tleehhara', asma heewí a dahaaymoó dooeé', iringeésíng ma tleehhara'.

HAR'OHUUSE 19:29

Iwa dáh baraá do', tsataay guri taataáhh, /ameenidá' gari tlaáq umuú diqiito'ooro, diqay mibaá nee tsár, gari huúw baraá ayeemaá Israeli sleémeero.

HAR'OHUUSE 20:10

Atén múk mibaangw un tsawaaraán baraá umuúqo múk tsiiruú wake, baraá tlahh'aá Israeli sleémeero. Nee múk tsiiruú wák un tsawaaraán baraá umuúqo múk kumuú wake, gadiyér'ín a muu nguwa muruú /aymár i huwiya', kudá' slaqwarár áw amór Gibeár yaamaá Benyamini as li/oó alsi'imuudá' nguwa buiya', nee gadaádá' tlaakw naa tleehhiyé' dír Israeli.»