HAR'OHUUSE 20:28 - Biblía Axweesantá Hhohho' ar Mungú 2004

²⁸ Finehasi garmoó Eleasari garmoó Aroni a heé sihhimiít dír geeraá sandakmoodá' wa alé deeloodae. AAKOÓ MUNGÚ kuri yaahaás tari oó', «A malé tlawaána as tawa slaqwaan nee hhaeerén awa Benyamini, laqaá i mawaán.» AAKOÓ MUNGÚ giri báy, «Tlawsé', tsa/amé', asma matlo aníng ngi gawaá dabaahúng i qaás.»

HAR'OHUUSE 20:28 Iomraidhean Croise

2 SAMUELI 6:3

Naagáy sandakmoó Mungú kuri leéhh dír doó Abinadabu, kuduú gawaá tlooma, kuri gagaár gawaá gaárír /aben. Daaqoó Abinadabu, Usa nee Ahio, an múk gaáridá' /aben ga gan'aamiís.

2 QOM'I 20:17

Kuungá' a slaqwa'aaká nee inooín, kuungá' ti amohhe'ese' daqaní ka daandá', kuungá' aqo aandá' adór anuú AAKOÓ MUNGÚ nir kitangwhúng wa slaáqw. Kuungá' múk Yuda nee oo Yerusalemu, ma da'ayuumitaara', laqaá ma amoqwaqwadimara'. Tlawsé', slaqwara awaak matlo, AAKOÓ MUNGÚ a dinkwa nee kuungá'.› »

ESRA 7:5

garmoó Abishua, garmoó Finehasi garmoó Eleasari, garmoó Aroni kaahamusmoó úr oo Mungú.

TI'INAANGW 6:25

Eleasari garmoó Aroni dasír wák ar Putieli gana duúx, nee inós Finehasi guri xwayluúr. Kuká' an múk urén oo gur'ér mari baraá tlahhoó Laáwiwo.

YEREMIA 10:23

Aá AAKOÓ MUNGÚ, aníng a xuú', heé slafiingós baaliro gu aleesláw i kaahh, tam heé hotaawós gi geerahaár i kaahh.

DABE 10:8

Qoomaarihe AAKOÓ MUNGÚ múk tlahhoó Laáwi guri tsawaár as tawa múk sandakmooduú alqadór AAKOÓ MUNGÚ gu loohiís, nee tawa gadiyuusi dír geeraá AAKOÓ MUNGÚ wa ale, nee muu kuwa tsuuqadá' i hanmiisi ar umuuwós tam ay laarí.

DABE 18:5

Baraá tlahhi'iihunge AAKOÓ MUNGÚ, tlahhoó Laáwi guna tsawaár as nguwa sagadiyuusiya' ay alhhe'eesay wasle.

YOSHUA 22:13

Ala xoorór Israeli Finehasi garmoó kaahamusmoó Mungú Eleasari guri ya/áp ay amór tlahh'aá Reubeni nee Gadiwo nee tlaqtá tlahhoó Manase awa yaamaá Gileadi.

YOSHUA 24:33

Aluuwo tam Eleasari garmoó Aroni sleeme iri gwaá'. Kuri foól baraá gixsár Gibea, tidá' taa garmaawós Finehasí haniís. Gixsarí i baraá tlom'aá yaamaá Efraímúrí dirí'.

YOSHUA 7:7

Yoshua iri firín, iri oó', «A tsaxwaarén, xáy Aakoó MUNGÚ, gár atén tisa waarahhás Yordaniro a tin hanísa dír múk Amori as tiwa xooro qwaareesi? Tsiní bar geeraawo aga meetaán gayuú yaaér Yordani.

HAR'OHUUSE 1:2

AAKOÓ MUNGÚ iri oó', «Tlahhoó Yuda i giirin, asma yaamuusíng aníng i gawaá dabaaíní qaás.»

HAR'OHUUSE 19:16

Naxés aakoó aa uray nina hardáh, i gadiyér daahh baraá qaymoorós qoomár tsiindoowo. Aakoowí a heé yaamaá tlom'aá Efraimu. Inós i Gibeár wa hoot, yaamaá dah'iima. Yaamuloouusér yaamuudá' a múk Benyamini.

HAR'OHUUSE 7:9

Xweeradaá kilae AAKOÓ MUNGÚ Gideoni guna báy, «Ti amohhe'es, xafoó múk Midiani kuwa i haratleer, asma aníng arba/ati ngaa dirógí haniís.

1 SAMUELI 14:37

Saulo Mungú guri yaahaás, «Xáy a aweéra múk Filisti nguwa eehar? Xáy ngu dabaá múk Israeli qása?» Ala Mungú tam /aymuú wák gwa mu/aywatsiiká baalaadae.

1 SAMUELI 30:8

Daudi AAKOÓ MUNGÚ guri yaahaás kaangwihe, «Xáy, daqtí a eehára? Nee a oóha?» AAKOÓ MUNGÚ guri mu/aywaáts, «Eehareek, looeemaá kilae i ót slám mukdá' tara tláy ngu tú/.»