HAR'OHUUSE 20:23 - Biblía Axweesantá Hhohho' ar Mungú 2004

²³ Múk Israeli tay gáwtí tsa/án tari /aa/amín dír AAKOÓ MUNGÚ ay tsiindo tawa kaahi, «A tlawaána tawa slaqwaan nee hhaeerén awa Benyamini.» AAKOÓ MUNGÚ giri báy, «Tlawsé' slaqwé' nee inooín.»

HAR'OHUUSE 20:23 Iomraidhean Croise

2 SAMUELI 3:35

Aluuwo muu sleémeero tari amór Daudi káy, as kuwa harakeesi mikaáte ngiwa /ayi qoomár iimi ir tlaatla/angwí kahh. Ala Daudi lo'o gari /aáy, iri oó', «Mungú aníng i gaasi bar mukaatmo ugwa tsaáq laqaá tam gár hatlá' ay dír looa i dat.»

HOSEA 5:15

Aníng an kií/ dír kitangw'eé' tin paraátl dir'ine, ay dír tlakweemaaín ngay gwadidina' aníng iri leelehhtuú ayá', slahh'amu giri intsaahhatis aníng iri leelehhiyá' tawa kaahi.

YOSHUA 7:6

Yoshua nee bariisér Israeli tlabaaín ngina feehhamisiyé' as gurhaami, inooín tari gwangwara'amiít dír geeraá sandakmoó alqadór AAKOÓ MUNGÚ. Nina didá' wa iwaawitiyé' ay tsiindo, slám sager'ín ngaa teerírí qamaaminé'.

YOSHUA 7:7

Yoshua iri firín, iri oó', «A tsaxwaarén, xáy Aakoó MUNGÚ, gár atén tisa waarahhás Yordaniro a tin hanísa dír múk Amori as tiwa xooro qwaareesi? Tsiní bar geeraawo aga meetaán gayuú yaaér Yordani.

HAR'OHUUSE 1:1

Alaá Yoshua iwa gwaá', xoorór Israeli AAKOÓ MUNGÚ, Mungú guri yaahasár eér, guri beér, «AAKOÓ MUNGÚ, tlahhoó geerií slaqwarár áw nee múk Kana'ani a gaalá?»

HAR'OHUUSE 20:18

Xoorór Israeli iri tleér tay tsa/án Beteli, Mungú nguri yaahasiyé' kuri báy, «A heemá oo geerií tláw direne baraá slaqwarár nee múk Benyaminiro?» Aako giri báy, «Yuda i giirin.»

HAR'OHUUSE 20:22

Múk Israeli aa mune si'iiká tiri amohhe'eesiye' bál tsare Gibeár wa alé.

HAR'OHUUSE 20:24

Bál tsare múk Israeli iri tseewúy amór múk Benyamini as tawa slaqwi.

HAR'OHUUSE 21:2

Naagáy múk Israeli tari tláy ay Beteli dír geeraá Mungú, tari didií iwiít iimír matlaatlér wa tleemu ay tsiindo. Inooín tana tseeamín ar afór ur nee tana /aa/amín ar gurhaami.

1 SAMUELI 10:3

Didae bara geerií kumít ay ti'ituú Tabori, nee didae nee múk tám ti dogá' oo amór Mungú káw amdár Beteli, oo wák i deeloó tám kón oo aara, nee oo hatlá' i mikaátér tám kón, nee oo hatlá' i tlakoó kaahartá kón oo difaái.

1 SAMUELI 11:4

Ya/abuusér aáng iri hardát ay Gibeár Saulo, axweesanaywí kuri oó' baraá iaá muu sleémeero, tari tsuunquumiís ar /aa/aá yaariir.

1 SAMUELI 7:6

Xoorór Israeli iri burumburít baraá Mispa, ma'aay kiri hheék, kiri ku'umiís dír geeraá AAKOÓ MUNGÚ. Baalaadae tari gwaawín, nina ooiyé', «Tlakweema iga tleehhaán dír AAKOÓ MUNGUHE.» Samueli qaa/oó múk Israeli guri baraadaá Mispár wa tlaáq.