HAR'OHUUSE 20:18 - Biblía Axweesantá Hhohho' ar Mungú 2004

¹⁸ Xoorór Israeli iri tleér tay tsa/án Beteli, Mungú nguri yaahasiyé' kuri báy, «A heemá oo geerií tláw direne baraá slaqwarár nee múk Benyaminiro?» Aako giri báy, «Yuda i giirin.»

HAR'OHUUSE 20:18 Iomraidhean Croise

Yoeli 1:14

Muu ádbawaak i gwaawin, dinku'uumár saaliingw ateetaak. Bariise nee yaamuloouuse sleémeero ar Yuda buruumburaak, ta tlay amór Doó AAKOÓ MUNGÚ, Munguúhúng, nee AAKOÓ MUNGÚ kuwa baraadá' wa ii/aa/amiinda', tawa kata',

FAARO 27:21

Yoshua, kaahamusmoó Mungú Eleasari guri yaahamiis sla'aarir'eene. Asma Eleasari sla'aarir'eé' ga tsaahh ar loohír tlaa/anoodá' ta bay Urimu. Ar loohír /aymuú Eleasari i slaya, Yoshua nee múk Israeli sleémeero ngin geeraharahaar qoomár bar ta darah, laqaá bar ta ti'imiit.»

FAARO 27:5

Naagáy Mose kangw'ín kwí guri huúw dír geeraá AAKOÓ MUNGÚ.

YOSHUA 18:1

Alaá xoorór Israeli yaamu ngiwa ót, looár wake nina burumburitiyé' Shilórí ale, heémár Mungú ngiri kiki'iyé'.

YOSHUA 9:14

Múk Israeli muruú /aymaadá' ta kon nee mukduú Gibeoni kuri /aáy as kawa laqan ar adór al'axweesantadá' kara ya/án. Ala múk Israeli AAKOÓ MUNGÚ gwaa yaahasiiká gawaá daanduú tihe.

HAR'OHUUSE 18:31

Múk tlahhoó Dani murslaaqatuduú Mika aa daákw guri parootuús nguri sihhtisiyé', de'emaadá' sleémeero Doó MUNGÚ iwa baraá Shilórí dirii'i.

HAR'OHUUSE 19:18

Heedaádá' iri oó', «Atén a dahaaye, amór ta dahhaan a Betilehemúr Yuda, amór ta kawaan ka saaw, a baraá yaamaá tlom'aá Efraimu. Aníng ana Betilehemúr káw, tidár yaamaá Yuda. Ala aníng hamí an waátl amór dooeé'. Taa dahi'isiiká tam nee heé wák.

HAR'OHUUSE 20:17

Múk Israeli kuna dimbé faár dír múk Benyaminiro, a hhawaate kume tsiire tsiyáhh awa paangadaá koomá', sleémeero a miguusér slaqwara.

HAR'OHUUSE 20:19

Múk Israeli matlaatleero tay tláy, heemaduín kay siíhh iisaapoó gixsár Gibea.

HAR'OHUUSE 20:23

Múk Israeli tay gáwtí tsa/án tari /aa/amín dír AAKOÓ MUNGÚ ay tsiindo tawa kaahi, «A tlawaána tawa slaqwaan nee hhaeerén awa Benyamini.» AAKOÓ MUNGÚ giri báy, «Tlawsé' slaqwé' nee inooín.»

HAR'OHUUSE 20:7

Kuungá' xoorór Israeli, daxta axweesé' nee kwasleemarhúng tsataak.»

1 SAMUELI 10:3

Didae bara geerií kumít ay ti'ituú Tabori, nee didae nee múk tám ti dogá' oo amór Mungú káw amdár Beteli, oo wák i deeloó tám kón oo aara, nee oo hatlá' i mikaátér tám kón, nee oo hatlá' i tlakoó kaahartá kón oo difaái.