HAR'OHUUSE 20:17 - Biblía Axweesantá Hhohho' ar Mungú 2004

¹⁷ Múk Israeli kuna dimbé faár dír múk Benyaminiro, a hhawaate kume tsiire tsiyáhh awa paangadaá koomá', sleémeero a miguusér slaqwara.

HAR'OHUUSE 20:17 Iomraidhean Croise

1 QOM'I 21:5

Yoabu faarór múk Israeli sleémeero gari huúw dír Daudi. Baraá Israeliwo múk slaqwarár paangadu ga baál a kume kumuú wák nee kume tsiiruú wák, baraá Yudawo múk slaqwarár paángadu ga baál a kume tsiire tsiyáhh nee mibeeri faanqw.

FAARO 1:46

dinkwaaro sleémeero a kume tsiire lahhoó' nee tám, nee tsiire kooán nee mibeeri kooán.

FAARO 26:51

Múk Israeli oo taa faár hhawaate kilooín a kume tsiire lahhoó' nee wak, nee tsiire faanqw nee mibeeri tám.

HAR'OHUUSE 20:16

Baraá mukwí sleémeero hhawaataá tsiire faanqw i dayá', awa taa tsawaár awa dabe bás. Umuúqo heewo tlaa/ano guna tsaxaár ar kukumaayi, tam se'eemír wák gaa dakusiiká.

HAR'OHUUSE 20:18

Xoorór Israeli iri tleér tay tsa/án Beteli, Mungú nguri yaahasiyé' kuri báy, «A heemá oo geerií tláw direne baraá slaqwarár nee múk Benyaminiro?» Aako giri báy, «Yuda i giirin.»

HAR'OHUUSE 20:2

Geeraharuusér uren ar tlahhi'i sleémeero awa múk Israeli iri daqeér baraá dinku'uumár múk Munguhe. Inooín sleémeero a slaqwaruusér kume tsiire tsiyáhh ar ya'ár hi'iimiit ar xoslaá slaqwarár koom.

HAR'OHUUSE 20:22

Múk Israeli aa mune si'iiká tiri amohhe'eesiye' bál tsare Gibeár wa alé.

1 SAMUELI 11:8

Inós amoodár Besekiro muu guri faár, naxés múk Israeli a kume tsiire tám, nee múk tlahhoó Yuda a kume mibeeri tám.

1 SAMUELI 15:4

Saulo muu guri ateét baraá Telaimu, guri faár, hhawaataá slaqwara awa ya'ár hi'iitá' awa Israeli a kume tsiire tsár, nee awa Yuda a kume mibaangw.