HAR'OHUUSE 20:10 - Biblía Axweesantá Hhohho' ar Mungú 2004

¹⁰ Atén múk mibaangw un tsawaaraán baraá umuúqo múk tsiiruú wake, baraá tlahh'aá Israeli sleémeero. Nee múk tsiiruú wák un tsawaaraán baraá umuúqo múk kumuú wake, gadiyér'ín a muu nguwa muruú /aymár i huwiya', kudá' slaqwarár áw amór Gibeár yaamaá Benyamini as li/oó alsi'imuudá' nguwa buiya', nee gadaádá' tlaakw naa tleehhiyé' dír Israeli.»

HAR'OHUUSE 20:10 Iomraidhean Croise

TLAHHOÓ LAÁWI 18:24

«Miti slasla/areesaar ar adoosíng kawa tlehh, asma muruusíng an gár xoordu kudá' geeraahúngií diriiá' ngis gusisiim, asma inooín adoosíng ngina tleehhiyé' tari slasla/areesiyé'.

DABE 22:21

inooín dasiidá' ka huwi ay dír afkú doó baabuúwós nee hhaawaataá baraá gixsadá' ngi tlaqutiye' ar tlaa/e ay dír i gwa', asma gár alsi'ím gaa tléhh baraá Israeliwo qoomár iwa doó baabuúwós i diri'. Adoorí an adoodá' tlakweema kir hingeesa' baraá tla/angwhunge.

YOSHUA 7:15

Heé naa harati'iít oo muruudaádá' taa paraátl gu koóm ku daa/ baraá asla, inós nee múk do'ose, nee muruudá' sleémeero i kona. Asma alqador'eé' gaa sií', gár alsi'ím gaa tleéhh baraá múk Israeliwo.»

HAR'OHUUSE 20:11

Hhawaatedaá Israeli sleémeero tiri doogiyé' tari dabe oohiyé' át heé wákár ale as gixsár Gibea kawa i haraatlay.

HAR'OHUUSE 20:6

Aníng /ameenir'eé' ngiri taataáhh, ngiri tlaáq umuúqo diqito'ooro, ngiri huúw baraá yaamu sleémeero awa múk Israeli, as gár tlaakw ar adór tí naa tleehhiyé', nee alsi'imuú adór kwí baraá Israeliwo.

HAR'OHUUSE 20:9

Ala gár ta tleehhaan dír múk Gibearo a tí, tsawdo an tleehhaán ar adór kir i haratlawaan.

HAR'OHUUSE 21:1

Múk Israeli lo'o kana /aáy dír Mispár wa ale tari oó', «Hee tumu wák miwa ya/án dasiirós kawa duuxi nee heé tlahhoó Benyamini.»