HAR'OHUUSE 20:1 - Biblía Axweesantá Hhohho' ar Mungú 2004

¹ Aluuwo xoorór Israeli iri ti'ít sleémeero, Dani ay Be'er-sheba dinkwa nee Gileadi, iri iwít iri qartlamít dír geeraá AAKOÓ MUNGÚ baraá Mispa.

HAR'OHUUSE 20:1 Iomraidhean Croise

2 SAMUELI 19:14

Axweesantá Daudi munér múk Yuda sleémeero gari ya/aán adór heé wák ar ale, afo kari ya/aáw tari oó', «Ki/áng amór do', kuúng nee sagadiyuuseerók sleémeero.»

2 SAMUELI 2:9

Amoodae Abneri Ishbosheti guri waawutmoó yaamaá Gileadír wa qaás nee oo Ashuru, nee oo Yesre'eli, nee oo Efraimu nee oo Benyamini nee oo yaamaá Israeli sleémeero.

2 SAMUELI 24:2

Waawutmo Yoabu dinkwa nee geeraharuusér hatlá' ar slaqwara giri báy, «Tlawsé' amór tlahh'aá Israeli sleémeero iimír Danír wa tleemu ay Be'er-sheba, muu faarare' as aníng masók faaror'ín an xuú'.»

2 SAMUELI 3:10

lo'ór wa /aáy dír Daudi ar waawuti'iima ngiwa warqeesi bartá Saulo wa ale, gari haniis bartá Daudi. Inós múk Israeli guri sawaawuti'ín nee múk Yudawo, iimír Danír wa tleemu ay Be'er-sheba.»

1 WAAWITÁ 5:5

Ga/aaweek, aníng do' u tleehhamór wa slaá' as umuú AAKOÓ MUNGÚ, Munguúeé' adór AAKOÓ MUNGÚ, baabuúeé' Daudi ngwaa báy, iwa kaahi, ‹Garmaawók kwí ni qaas gawaá kitaangók an heé do' gu tleéhh as umuueé'.›

2 WAAWITÁ 25:23

Qoomár geeraharuusér slaqwaruuse dinkwa nee muu sleémeero kaangwí kuwa axaás, adór waawutmoó Babuloni Gedalia ngura ga/aawusmooín wa qaás, inooín sleémeero niri amór Gedaliawí daqayé', baraá Mispa. Mukwí a Ishmaeli garmoó Netania, nee Yohanani garmoó Karea, nee Seraya garmoó Tanhumeti oo xoorór Netofati, nee Yesania garmoó heé Ma'aka.

1 QOM'I 21:2

Daudi Yoabu nee geeraharuuse giri báy, «Tlawsé', múk Israeli faarare' iimír yaamaá Be'er-sheba wa tleemu ay yaamaá Dani, faaror'ín huwaare', asma aníng a xu'utír wa slaá'.»

2 QOM'I 30:5

Gawaá adoorihe afo ngiri ilahaniisiyé' baraá yaamaá Israeli sleémeero, iimír Be'er-shebár wa tleemu ay Dani, as muu iwa burumburiiti baraá Yerusalemu, as deelór ur ar Pasaáka ar AAKOÓ MUNGÚ, Munguú múk Israeli, kawa tleehhi. Asma qoomár yaariir aa waaráhh ar deeloorír Pasaáka kawa tleehhiiká adoodá' dabeerós iwa hariin.

ESRA 3:1

Tam qoomár slahhángw faanqw iwa xáy, nee múk Israeli ta baraá gixsaduuín, muu ina burumburiít baraá Yerusalemu adór heé wák.

NEHEMIA 11:27

nee Hasarshuali nee Be'er-sheba dinkwa nee ayeemoodá' ngaa harweeriye'.

NEHEMIA 8:1

Aluuwo muu sleémeero baraá Yerusalemuro tana burumburiít adór heé wák baraá afeenír geeraá Afkuduú Ma'aay, Esra kuduú goousmo nguna ádbayé' kitaábuú dabér Mose nguwa huwi, tidá' AAKOÓ MUNGÚ aa dír múk Israelírí haniís.

YEREMIA 40:6

Aluuwo Yeremia iri tláy amór Gedalia, garmoó Ahikamu baraá Mispa, inós nee mukdá' aa baraadií meet tari alhoót.

FAARO 32:1

Múk tlahhoó Reubeni nee oo tlahhoó Gadi a daqaarér hikwa. Inooín kana ár adór yaamaá Yaseri nee Gadi tar yaamaá qawtantá hikwa.

FAARO 32:40

Gawaá adoorihe, Mose múk guruú doó Makiri, garmoó Manase, guri yaamuudaá Gileadírí haniís, inooín tari yaamuudá' wa hoót.

YOSHUA 15:38

nee Dileani, nee Mispe nee Yokte'eli,

YOSHUA 17:1

Aluuwo tsawdo kari malé tleéhh ar yaamaá ta ka'aasi dír tlahhoó Manase, asma inós a barisuú Yosefu. Aáng Makiri, garmoó baris oo Manase baabuú Gileadi, kwaa qaroó yaamaá Gileadírí haniís, nee Bashaniro, asma inós a heé slaqwara ga baál.

YOSHUA 18:26

Nee Mispe nee Kefira, nee Mosa,

YOSHUA 22:12

Kaangwí kuwa axaás, xoorór Israeli iri burumburít Shílórí ale as tawa slaqwarár ay amór tlahhi'iidaá gayuú da/aáw.

YOSHUA 22:9

Naagáy múk tlahh'aá Reubeni nee oo Gadiwo nee tlaqtadár tlahhoó Manasewo tari paraatliyé' nee tlahh'aá hatlá' awa Israeli dír Shílór wa ale baraá Kana'ani. Tari waátl ay ayaaín kudá' Mose aa dir'íní haniís oo Gileadi, tawa aalir'ín ar adoodá' AAKOÓ MUNGÚ Mose ngura hara'ayín.

YOSHUA 4:13

Mukdaádá' xooslár slaqwarár koóm a kume mibeeri tsiyáhh, niri geeraá AAKOÓ MUNGÚ ar waaraahhiyé' ay baraá xatstá iisaapoó Yeriko, taa amohhe'eesiyé' slaqwaraaro.

HAR'OHUUSE 10:17

Naagáy slaqwaruusér múk Amoni tari amohhe'eesiyé', xafay'ín nguri tleehhiyé' baraá yaamaá Gileadi, nee múk Israeli ina burumburiít, xafay'ín nguri tleehhiyé' baraá Mispa didár yaamaá Gileadi.

HAR'OHUUSE 11:11

Yefta nee bariiseedár Gileadi tiri alkoné', inós kuri waawutmooín wa qaás. Yefta iri axweés dír AAKOÓ MUNGÚ baraá Mispár alé.

HAR'OHUUSE 11:34

Qoomár Yefta iwa waátl baraá slaqwararo amór do'ós baraá Mispárí ale, dasiirós guna al'eér ar neeto nee daa'aangw, i hara mitingaroó tsingili'imís. Dasiirí aayorose a wak, na/oó hatlá' i kaahh. Yefta na/oó hatlá' oo garma laqaá oo dasi gu konká.

HAR'OHUUSE 18:29

Gixsarí umuuwós kway báy Dani, as ooartá umuú baabuúín kudá' taa laqwaál nee Israeli. Umuú gixsarí geeraawo a Laishi.

HAR'OHUUSE 20:11

Hhawaatedaá Israeli sleémeero tiri doogiyé' tari dabe oohiyé' át heé wákár ale as gixsár Gibea kawa i haraatlay.

HAR'OHUUSE 20:18

Xoorór Israeli iri tleér tay tsa/án Beteli, Mungú nguri yaahasiyé' kuri báy, «A heemá oo geerií tláw direne baraá slaqwarár nee múk Benyaminiro?» Aako giri báy, «Yuda i giirin.»

HAR'OHUUSE 20:2

Geeraharuusér uren ar tlahhi'i sleémeero awa múk Israeli iri daqeér baraá dinku'uumár múk Munguhe. Inooín sleémeero a slaqwaruusér kume tsiire tsiyáhh ar ya'ár hi'iimiit ar xoslaá slaqwarár koom.

HAR'OHUUSE 20:26

Xoorór Israeli sleémeero nee muu sleémeero tari tsa/án Beteli, tay tsuunqumiís amoodá' wa ale, tay gwaawín ay tsiindo, nee AAKOÓ MUNGÚ nguwa i /aa/amina'. Ilahhooár da/a, nee ilahhooár wayduuwo kari haniís dír AAKOÓ MUNGÚ.

HAR'OHUUSE 20:8

Mukwí sleémeero iri sihhiít adór heé wák ar ale tawa kaahi, «Tam heé wák oo waátl amór heémarós, laqaá tam amór do'ós i kaahh.

HAR'OHUUSE 21:5

Naagáy tiri kilooín yaahamisiyé' tawa kaahi, «Xáy, baraá tlahh'aá Israeliwo tlahhoó aa daqayká dír geeraá AAKOÓ MUNGÚ i deéro?» Asma lo'o ngina /ayiyé' tawa kaahi, bar hee naa daqayká dír geeraá AAKOÓ MUNGÚ baraá Mispa gaasaro i harín.

1 SAMUELI 10:17

Naagáy Samueli muu guri burumbuúr geeraá AAKOÓ MUNGÚ baraá Misparí ale.

1 SAMUELI 3:20

Xoorór Israeli sleémeero, iimír yaamaá Danír wa tleemu ay Be'er-sheba, kari tsaáhh, adór heewí ta bay Samueli tar aarusmoó AAKOÓ MUNGÚ.