HAR'OHUUSE 2:5 - Biblía Axweesantá Hhohho' ar Mungú 2004

⁵ Inooín umuú didá' kway báy Bokimu, amoodae ilahhooár muruú ta tsu/i ngiri haniisiyé' dír AAKOÓ MUNGÚ.

HAR'OHUUSE 2:5 Iomraidhean Croise

IIMU/UUNGW 35:8

Debora, alee/isuso'ór Rebeka, iri kahhút, kari foól dír gamuú ti'ita, baraá Beteli. Ti'itudá' kuri báy Alon-bakuti.

YOSHUA 7:26

Inooín ufuú tlaa/e ngway gawaawósií burumburiyé'. Ufuduú tlaa/e i deer tam ay laarí. Aluuwo AAKOÓ MUNGÚ mune gay guú/. Nee didaádá' kari báy xatstá Akori tam ay laarí.

HAR'OHUUSE 13:19

Manoa deelmoduú leei guri amohhe'eés tawa ilahhooa, guri qaás gawaá daanduú tlaa/a as tawa ilahhooár AAKOÓ MUNGÚ, kudá' waa/oo/amór tlehhaahhiít. Qoomár Manoa nee hareerós tawa tsángw asltá ga/ay, Aako gár waa/oo/amo gari tleéhh.

HAR'OHUUSE 2:1

Naagáy malaykamoó AAKOÓ MUNGÚ iri iimír Gilgalír wá waatláy ay Bokimu, múk Israeli guri báy, «Aníng kuungá' nuna waatleés iimír yaamaá Misri wa alé, nuri huúw baraá yaamuudá' naa lo'ór wa /aáy ngiwa haniis dír baabi'iihúng. Aníng ana oó', ‹Alqador'eé' a baloó warqeesaaká,

HAR'OHUUSE 2:4

Alaá malaykamooduú AAKOÓ MUNGÚ /aymi'iiká' ooaro ngiwa hhe'eés dír múk Israeli sleémeero, mukwí afor'ín ngiri tleesiyé' tari /aa/amín.

HAR'OHUUSE 2:6

Naagáy Yoshua iri ya/án xoorór Israeli sleémeero iwa ki/ amór yaamuuín, umuú heewo ina tláy yaamuuwós ngiwa i ki/i, as tawa aalin umuú heewo nee dirós.

HAR'OHUUSE 6:24

Naagáy Gideoni kitangwduú ilahhooár AAKOÓ MUNGÚ guri didií tleéhh, didá' gari umií tsaát iwa kaahi, «AAKOÓ MUNGÚ a wayda.» Tam ay laarí kitangwduú ilahhooa i daadeer didár Ofraro, tidár tlahhoó Abieseri.

1 SAMUELI 7:9

Samueli deelmoó bee/i oo qaá' guri óh, guri haniís dír AAKOÓ MUNGÚ as ilahhooa, kuri daá/ adoodá' al'alé. Samueli iri /aa/amín dír AAKOÓ MUNGÚ as múk Israeli, AAKOÓ MUNGÚ iri axaás.