HAR'OHUUSE 2:4 - Biblía Axweesantá Hhohho' ar Mungú 2004

⁴ Alaá malaykamooduú AAKOÓ MUNGÚ /aymi'iiká' ooaro ngiwa hhe'eés dír múk Israeli sleémeero, mukwí afor'ín ngiri tleesiyé' tari /aa/amín.

HAR'OHUUSE 2:4 Iomraidhean Croise

ESRA 10:1

Naagáy qoomár Esra iwa firiirin nee iwa hhu'uu'un, iwa /a/aamin nee giti ngiwa yaamúr óh dír geeraá doó Mungú, kuri i burumburiít nee boo/oó yaariír oo múk Israeli, hhawaate, nee /ameena, nee na/ii, inooín tari ló' wa /aa/amín.

AXWEESANOÓ SAGALOOA 17:10

Dír heé muruú tsatsahhama iigahhaata i gunqarutká, ta muxta tsiiru ar heé daktani i slaya.

YEREMIA 31:9

Muk'eé' ni kii/ ar hhirhheeri, ngi ki/ís as ngiwa gurkwa/as, aníng i geerahaár ay dír duxuú ma'aay, ar baraá loohír dukuutse ngiwa tuu'utká. Asma aníng a baabá dír múk Israeliwo, nee Efraimu a na/ay'eé' oo baris.

Yoeli 2:12

AAKOÓ MUNGÚ i kaahi, «Ala tam hamí, amor'eé' ki/aare' ar munerhúng sleémeero, nee ar gwaawito nee ar /aa/e, nee ar tsuunqumis.

SEKARIA 12:10

«Aníng múk doó Daudi nee yaamuloouusér Yerusalemu i qeeruú i haniís oo firo nee oo gurtleemu, gawaá adoorihe, qoomár kudá' naa mutiyé' burngwa i qaytsitiyé', inooín nguri satsuunqumisiyá', adór hee na/aywós oo kilós ngur santsuunqumisi, inooín nguri sa/a/amná' adór heé na/aywós oo baris ngur alee/aa/amaamin.

Luka 6:21

Múk amohhoó' a kuungaásíng qwariitá' hamí, asma a axá'. Múk amohhoó' a kuungaásíng /aa/amiimá' hamí, asma a qaseendá'.

Luka 7:38

iri alaá Yésú ii sihhít dír ya'aawós, i /aa/amiín. I hhirhheeraá paahhamís gawaá ya'aá Yesu, nee gi se'éngw sagós ar fitsít. I ya'aá Yésú slikiín ar mooyaangw, gi hara ma'amís.

2 korinto 7:10

Asma gurhaamír adoodá' Mungú aa slaá', gár i huwahup a hhu'u'ungwdá' ba/amár huwahuúw. Heé gurhaamír adór tí gaa slay, inós i ooiiká gurhaamirí geera alók ana slawiiká. Ala gurhaamír adoodá' yaamu i slaiya', gár i hup a gwa'ara.

Yakobo 4:9

Gurhaamuuté', nee tsuunqumisé', nee /aa/amiimé'. Qasengwhúng i warqay tawa tsuunqumis, nee qwal/uuhúng i warqay tawa gurhaami.

HAR'OHUUSE 2:3

Gawaá adoorihe hamí aníng an kah, án muksíng u guusaaká dír ilaahunge, ala in adór laqaya' tleehhitiyá' baraá slaqoohunge, nee munguii'ín nuri baraá iiara'adií dahaasiyá' oo kiwa sluufmisuú eera'.»

HAR'OHUUSE 2:5

Inooín umuú didá' kway báy Bokimu, amoodae ilahhooár muruú ta tsu/i ngiri haniisiyé' dír AAKOÓ MUNGÚ.

1 SAMUELI 11:4

Ya/abuusér aáng iri hardát ay Gibeár Saulo, axweesanaywí kuri oó' baraá iaá muu sleémeero, tari tsuunquumiís ar /aa/aá yaariir.

1 SAMUELI 7:6

Xoorór Israeli iri burumburít baraá Mispa, ma'aay kiri hheék, kiri ku'umiís dír geeraá AAKOÓ MUNGÚ. Baalaadae tari gwaawín, nina ooiyé', «Tlakweema iga tleehhaán dír AAKOÓ MUNGUHE.» Samueli qaa/oó múk Israeli guri baraadaá Mispár wa tlaáq.