HAR'OHUUSE 2:20 - Biblía Axweesantá Hhohho' ar Mungú 2004

²⁰ Naagáy AAKOÓ MUNGÚ iri ló'wa qa/iít buhhtaawo dír múk Israeli, inós iri oó', «Xooroorí alqaduueé' kudá' naa baabi'ii'íní oó' gina haaliín, asma afor'eé' ngaa iiárií qaasi'iiká.

HAR'OHUUSE 2:20 Iomraidhean Croise

2 SAMUELI 24:1

Ki/imaá hatlae AAKOÓ MUNGÚ iri buúhh as xoorór Israeli. Daudi guna /agís gawaá daanduú múk Israeli, guri báy, «Múk Israeli faareek, nee múk Yudawo.»

WARA'AMI 106:40

AAKOÓ MUNGÚ iri qa/iít buhhtaawo gawaá mukós, kuri ló'wa mune duúx nee mukduú aalirós.

WARA'AMI 78:10

Asma alqadór Mungú ngaa oohi'iiká, ala nina si'iyé' dabeerós kawa eehari.

YEREMIA 31:32

Alqadoorí nee tidá' naa oó' dír baabi'ii'ín qoomár ngiwa duúx baraá yaamaá Misriro ti slay'aaká. Alqadoodá' ngina si'iyé', tam aníng dir'ine a adór aakooine. Anuú AAKOÓ MUNGÚ tí ngina oó'.

ESEKIELI 20:37

«Aníng kuungá' nun ildá/, as tawa ya/aanda' de'engw'eene nee alqador'eé' kawa ilaiwawa/a'.

FAARO 32:13

AAKOÓ MUNGÚ ina daa/atúy buhhtaawo amór múk Israeli, giri baraá xaanxáy wa harweeritamaamís kureeri mibeeri tsiyáhh, qartadá' sleémeero tlakweema gaa tlehh dír geeraawose iri hhaán.

DABE 32:22

Asltá buhhtaaeé' kaa oohiís, asla iri /ayiín ay baraá gi'i. Daanduú yaamu nee umuú gaaro guri /ák ihhafirír tlom'i ga /ák.

YOSHUA 23:16

Kuungá' barnaxes alqadoodá' AAKOÓ MUNGÚ, Munguúhúng naa dirhúngií hara'ayín kawa ota', aga geeqeeré', munguaá hatlá' kiri sagadiyusé', nee kiri i tumbarara'amituú eeré', daqaní AAKOÓ MUNGÚ kuungá' nun i buuhh, kuungá' tari hhaandá' ar wa'aá wák baraá yaamuuká' hhooá' awa naa dirhúngií haniisi.»

HAR'OHUUSE 10:7

Ala AAKOÓ MUNGÚ xoorór Israeli gari i buúhh, giri máy kiwa baali nee múk Filisti nee múk Amoni as kiwa sawaawuti'in.

HAR'OHUUSE 2:14

AAKOÓ MUNGÚ iri qa/iít buhhtaawo dír múk Isreli. Inós giri qaás gawaá dabaá mukdá' gaa i haraatlay. Inós gina ya/án kiwa arba/i nee wakuuser'ín bihhe sleémeero, tam sihhtanór geeraá wakuuser'ín ngiri harslaaqatiyé'.

HAR'OHUUSE 2:19

Ala qoomár har'ohusmoodá' bira gwaá', inooín nin alií ki/iyá', tlakweema ngin male tleehhiyá', baabi'ii'ín ba/a, munguaá hatlá' ngin eehariyé' nee ngin sagadiyuusiyá', nee ngin i tumbarara'amiitiyá'. Tlehhmi'ii'ín kudá' tlakw nga mayi'iiká, laqaá tam saga gawdeemaaín nga mayi'iiká sleeme.

HAR'OHUUSE 3:8

Gawaá adoorihe AAKOÓ MUNGÚ iri buúhh, múk Israeli guri máy kuwa baali, nee waawutmoó Mesopotamia oo ta bay Kushan-rishataimu. Múk Israeli Kushan-rishataimu nguri sagadiyuusiyé' ar har afiqoomár kureeraá dakaate.