HAR'OHUUSE 2:19 - Biblía Axweesantá Hhohho' ar Mungú 2004

¹⁹ Ala qoomár har'ohusmoodá' bira gwaá', inooín nin alií ki/iyá', tlakweema ngin male tleehhiyá', baabi'ii'ín ba/a, munguaá hatlá' ngin eehariyé' nee ngin sagadiyuusiyá', nee ngin i tumbarara'amiitiyá'. Tlehhmi'ii'ín kudá' tlakw nga mayi'iiká, laqaá tam saga gawdeemaaín nga mayi'iiká sleeme.

HAR'OHUUSE 2:19 Iomraidhean Croise

IIMU/UUNGW 6:11

Múk baraá yaamu aa hhitiruuta hhe'eés dír geeraá Munguhe, yaamu nari hatsiyé' hara/untsawo.

NEHEMIA 9:28

Alaá amohhooa ngiwa slayé', tlakweema ngiri male tleehhiyé', kuúng kiri meér gawaá dabaá wakuuser'ín ngiwa sawaawuti'ina'. Tam adoorihe kuúng uwa i /aa/iyé' kiri iiárií qás iimír gawaá doorí wa alé, daqtá yaariire ina ba/miimís ar har qoomoó gurtleemuuwók.

WARA'AMI 78:8

Eeít, matawa adór baabi'ii'ín tleehhiít, qartá sagegawden nee ar aa dee/aanut, qartá baraá muner'ine Mungú gu gaárí xuaaká, ta inkihhimuú konká amór Munguhe.

TI'INAANGW 32:7

AAKOÓ MUNGÚ, Mose guri báy, «Tláw aweér ar gaanslaay, asma mukók kudá' naa dúx baraá yaamaá Misrír wa ale, taa kilooín qwaareesiyé'.

YEREMIA 16:12

Kuungá' tlakweema ina tlehhé' ta baabi'ihunge, asma ga/aawaak, umuú heewo dirhunge ku saga gawít, nee ku inslaway tlákw, tam aníng i iiárií qamiinda'aaká.

YEREMIA 23:17

AAKOÓ MUNGÚ i kaahi, «Inooín i lakiitiaaká mukdá' axweesante'eé' ga waaqaqaá' nguwa babaya', ‹Gár tlaakw ar nu slaw i káhh.› Nee umuúqo heewo oo sagagawduuwós gu eeharaahár ngun babaya', ‹Gár tlaakw ar u slaw i káhh.› »

YEREMIA 3:17

Nee qoomaadae gixsár Yerusalemu ka bay, ‹Kitángw aleesleemu oo AAKOÓ MUNGÚ.› Nee xoordu sleémeero niri burumburitiyá' dír geeraaeé'. Adoodá' tlaakw muner'ine ta slai ngi eehariaaká.

ESEKIELI 20:30

Gawaá adoorihe múk Israeli kubeeto, ‹Anuú Aakoó MUNGÚ nu yaahamiís, xáy, kuungá' slooír baabi'iihúng ana otí'iíke as tiwa meetagaamisa', nee muruú aníng i buhhtamís kuwa sluufmisa'.›

Matayo 23:32

Gimsé', qoomayduú baabi'iihúng naa iimu/uné' hatsiisaak.

DABE 31:29

Asma aníng a xuú' alaá gwa'arar'eene kuungá' a tsuwa hhitrumitá', nee loohidá' naa hara'ayiím kari geexeerá'. Nee de'emaá hi'iita'a kuungá' amotlakwe nu sleér, asma kuungá' tlakweema i tlehhá' dír geeraá AAKOÓ MUNGUHE, inós kuri mune duxá' ar muruudá' kuungá' dabaahunge ta tlehhita'.»

YOSHUA 24:31

Xoorór Israeli AAKOÓ MUNGÚ guri sagadiyús de'emadá' sleémeero Yoshua iwa slafi, tam alaá iwa gwaá' nari kumiitiyé' nguwa sagadiyuusiya' de'emaá bariise iwa kumit, tidá' tlehhmaá'a AAKOÓ MUNGÚ aa tlehhaahhiít dír xoorór Israeli gaa ar'aa'aan ilaaine.

HAR'OHUUSE 10:13

Ala tam adoorihe aníng kuungá' ina geexeeré', munguaá hatlá' kiri sagadiyusé', gawaá adoorihe aníng kuungá' nu malé tu/aaká.

HAR'OHUUSE 2:18

Nee umuúqo qoomár AAKOÓ MUNGÚ har'ohusmo nguwa ya/aawi, AAKOÓ MUNGÚ a dinkwa nee har'ohusmoodá', AAKOÓ MUNGÚ múk Israeli guna ba/amís baraá dabér wakuuser'ín wa alé, deelo sleémeero ar har'ohusmoodá' iwa slafi. Asma AAKOÓ MUNGÚ kuna gurtleés nee /aa/eeín, as adoodá' kiwa slahh'eemiís nee kiwa baramaanuús nee wakuuser'ín.

HAR'OHUUSE 2:20

Naagáy AAKOÓ MUNGÚ iri ló'wa qa/iít buhhtaawo dír múk Israeli, inós iri oó', «Xooroorí alqaduueé' kudá' naa baabi'ii'íní oó' gina haaliín, asma afor'eé' ngaa iiárií qaasi'iiká.

HAR'OHUUSE 2:7

Múk Israeli AAKOÓ MUNGÚ guri sagadiyuús deelo sleémeero ar Yoshua nee deelór bariiseedá' aa kumit alaá Yoshuawo, nee kudá' gadiyér AAKOÓ MUNGÚ nga ariye', tidá' aa tleéhh as múk Israeli.

HAR'OHUUSE 4:1

Alaá Ehudi iwa gwaá' xoorór Israeli tlakweema gina malé tléhh dír ilaá AAKOÓ MUNGUHE.

HAR'OHUUSE 8:33

Alaá gwa'arár Gideoniwo, múk Israeli Mungú sluufmisuuwo nguri malé mayé'. Munguaá Ba'ali ngiri sluufmisiyé'. Munguúdá' ta bay Ba'al-beriti nguna munguúín tleehhiyé'.

1 SAMUELI 15:23

Asma dee/aana a adór tlakweemaá da/ari, nee saga gawdeema a adór tlakweemaá munguaá hatlá' kiwa haratlintati'i, hám daxta asma axweesantá AAKOÓ MUNGÚ kawa qo si'i, inós kuúng sleeme ugwa sií' tawa waawutmo.»