HAR'OHUUSE 2:17 - Biblía Axweesantá Hhohho' ar Mungú 2004

¹⁷ Ala inooín har'ohuuseerí nga iiárií qaasi'iiká. Asma Mungú nguna geexayé', nee munguaá hatlá' ngay sluufmisuú aa'ayé'. Inooín nina warqayé' ar gaanslaay, lohdaá baabi'ii'ín naa eehariyé', ngiri mayé'. Baabi'ii'ín AAKOÓ MUNGÚ nguna ilaiwawa/iyé', ala inooín adoorí nga tleehhi'iiká.

HAR'OHUUSE 2:17 Iomraidhean Croise

WARA'AMI 106:39

Gawaá adoorihe nari daba' tlakweemiisiyé' as tlehhmi'ii'ín, inooín naa inkihhimu wasleesiyé' dír Munguhe nari fuquusiyé'.

WARA'AMI 106:43

Mungú mukós guna ba/amís daqtá yaariire, ala inooín gár naa tsawaariyé' a Mungú nguwa si'iya', niri ak hhané' baraá tlakweema.

WARA'AMI 73:27

Asma mukdá' taa paraatl nee kuúng ta qwaar, kudá' sleémeero inkihhimuú kooma'aaká diroge in qwaarés.

TI'INAANGW 32:8

Naa qwaariyé' ar gaanslaay, loohidá' aníng ngay hara'ayiím ngaa mayé'. Inooín taa damár taa kwahhuút i tleehhiyé', ngay sluufmisiyé', nee ilahhooár muruú ta tsu/i ngiri hanmiisiyé', tawa kaahi, ‹Aá Israeli, gaarí an munguiirén, kudá' atén taa baraá yaamaá Misrír wa duuxiye'.› »

YEREMIA 3:6

Qoomár waawuti'iimár waawutmo Yosia AAKOÓ MUNGÚ aníng ina báy, «Xáy aga aándi adoodá' múk Israeli kudá' inkihhimu wásl aa tleéhh? Ina geexayé' niri tsa/ané' gawaá umuúqo ságw tloomaro nee umuúqo dír gamuú xa'anoó loo/o naa/e as tsaatu'uuma ngiwa tleehhiya'.

YEREMIA 6:16

AAKOÓ MUNGÚ i kaahi, «Sihhiité' dír waatsarár loohi, nee ta qaytsitá', nee muruudá' aáng aa tleehharuumiit yaahasaak. Leelehhaak didár loohír ganaa' i diri', ka eehadá', daqaní kuungá' wayda u sleerá' baraá munerhunge. Ala inooín i kaahiya', ‹Atén loohisíng a eeharanaaká.›

HOSEA 2:2

Aayorhúng harhheehhe'eesaak, asma inós a harer'eeneeká nee aníng sleeme a hhawaatuuwoseeká. Harhheehhe'eesaak tsaatu'uumarós ngi meer, aníng mawa ga/aw, nee iseemaawós mingiwa ilatleerí múkár tleemís.

TLAHHOÓ LAÁWI 17:7

Gawaá adoorihe xoorór Israeli munguidaá lama awa slaqás nee slee ilahhooárií tsu/taaro ngi maye', asma gaarí an gár inkihhimu ngusa dakuusiye' dir'eene. Dakwí i hotaatín ay alhhe'eesay wasle, nee oo ta eehari ay qari sleémeero.

AMOS 2:4

AAKOÓ MUNGÚ i kaahi, «Aníng múk Yuda muxtaaro u mawaaká, as tlakweema ngiwa tlehhaahhitiyé'. Asma inooín dabér AAKOÓ MUNGÚ eeharto ngina si'iyé', tam kaahirós sleeme ngaa oohii'iiká. Ala lamtaín tidá' i tlaqaaqatiya' gay dahás baraá qwanaay tidá' aáng taati'ii'ín naa eehariyé'.

Galatia 1:6

Aníng a ló'wa waa/oo/amiím as kuungá'. Asma kuungá' Mungú ugwa geexeeré' ar gaanslaay, kudá' kuungá' naa ateet as gurtleemuú Kristo, nee kuungá' ya/abtór hho' ar hatlá' kari i warqeeré'.

DABE 31:16

AAKOÓ MUNGÚ Mose guri báy, «Kuúng daxta deeloorók ar tawa kahhut naa tseewuúr, nee alaá bara gwá', muu aníng i geexáy, nee munguaá hatlá' kiri eehaar awa baraá yaamuudá' tay hotaá ay. Aníng i geexayá', nee alqador'eé' ngiri geexayá', tidá' nee inooín taa tleehhaán.

DABE 31:18

Baldae looeemaawo aníng inooín in alaá xu'us asma tlakweemaaká yaariir naa tleehhiyé', nee munguaá hatlá' ngiwa i warqayé'.

DABE 9:12

«Naagáy AAKOÓ MUNGÚ aníng iri báy, ‹Tláw, aweér ar gaanslaay gawaá tloomaro, asma mukdaádá' taa baraá yaamaá Misrír wa dúx aa hhitruút. Loohidá' ngaa hara'ayiím eeharto ngaa gaanslár geexayé', slaqsoó taa kwahhuút ngwa tleehhiyé'.›

DABE 9:16

Aníng ana qaytsiít, naxés kuungá' tlakweema iga qaroó tlehhé' dír AAKOÓ MUNGÚ, Munguúhúng. Naxés kuungá' slaqsoó dama oo taa kwahhuút ugwa tlehhé'. Kuungá' loohidá' AAKOÓ MUNGÚ naa kuungií hara'ayín kari geexeeré'.

YOSHUA 24:24

Mukdá' Yoshua nguri bayé', «Atén AAKOÓ MUNGÚ Munguúrén un sagadiyusaán, nee hara'ayaarós an iialooeemisaán.»

YOSHUA 24:31

Xoorór Israeli AAKOÓ MUNGÚ guri sagadiyús de'emadá' sleémeero Yoshua iwa slafi, tam alaá iwa gwaá' nari kumiitiyé' nguwa sagadiyuusiya' de'emaá bariise iwa kumit, tidá' tlehhmaá'a AAKOÓ MUNGÚ aa tlehhaahhiít dír xoorór Israeli gaa ar'aa'aan ilaaine.

HAR'OHUUSE 2:7

Múk Israeli AAKOÓ MUNGÚ guri sagadiyuús deelo sleémeero ar Yoshua nee deelór bariiseedá' aa kumit alaá Yoshuawo, nee kudá' gadiyér AAKOÓ MUNGÚ nga ariye', tidá' aa tleéhh as múk Israeli.

HAR'OHUUSE 8:33

Alaá gwa'arár Gideoniwo, múk Israeli Mungú sluufmisuuwo nguri malé mayé'. Munguaá Ba'ali ngiri sluufmisiyé'. Munguúdá' ta bay Ba'al-beriti nguna munguúín tleehhiyé'.

1 SAMUELI 12:12

Tam Nahashi waawutmoó múk Amoni kuwa aandé' niwa haratláy, kuungá' aníng iri beeré', ‹Atén waawutmoó ti sawaawuti'iím un sla'aán.› Kuungá' AAKOÓ MUNGÚ, Munguúhúng kuri sié'.

1 SAMUELI 12:17

Laarí ahaá a baalaadár bu'úngw angaánoówóke? Án AAKOÓ MUNGÚ un firiím, as kahhó' kwarara/a nee tluwaay ngiwa huwi, daqaní kari tsahhá' adór tlakweemaahúng kudá' ta tlehhé' dír ilaá AAKOÓ MUNGÚ wa alé, nira tlahhiyé' kángw kilá' wa alé as waawutmo kuwa gurií ba/é'.»

1 SAMUELI 12:19

Muu sleémeero Samueli kuri báy, «Ti aleefiriin, ataá lawaaleerók dír AAKOÓ MUNGUHE, Munguúwók, as mawa qatlaán, asma tlakweemaarén iga doogaán, sleémeero ar tlaákwarí waawutmo kuwa gurií ba/aán.»