HAR'OHUUSE 2:12 - Biblía Axweesantá Hhohho' ar Mungú 2004

¹² AAKOÓ MUNGÚ nguna mayé', Munguú baabi'ii'ín, kudá' ngaa huuw iimír yaamaá Misrír wa ale, munguidaá hatlá' ngiri sluufmisuú ayé', kudaá mukdá' dír iisaapay'ínií dirií', nina xupapu'uuyé' geeraaíní ale AAKOÓ MUNGÚ nguri kwatiitiyé' ar tlehhmuuín kwí, iri qa/iít.

HAR'OHUUSE 2:12 Iomraidhean Croise

WARA'AMI 106:36

Slaqsa'aá mungui ngiri sluufmisuú ayé', tlehhmuuwí iri tsaaxweeli tleehhiít dir'ine.

WARA'AMI 78:58

Nguna buhhtamiisiyé' ar wa/ameedá' taa tleéhh as sluufoó slaqsa'aá mungui. Ngway dá/tár ayé' ar murslaaqatuú munguiidá' naa tleehhiyé'.

TI'INAANGW 13:14

Barnaxes balookaaro na/iihúng naa yaahasiyé', ‹Gaarí gídaabárós a milá?› ki beera', ‹AAKOÓ MUNGÚ atén tina baraá yaamaá Misrír wa tuú/, yaamaá lawaali'iima, ar dákw /uuruú koóm.

TI'INAANGW 13:16

Tlehhmuusíng iri adór mulkír gawaá dakók tleehhiit, laqaá ar gawaá gitsee/a, ar ti inslawtamis adór atén AAKOÓ MUNGÚ tira baraá yaamaá Misrír wa tuú/ ar dákw /uuruú koóm.»

TI'INAANGW 13:3

Mose muu guri báy, «Baalaarí niwa ti'ité' baraá lawaali'iimár yaamaá Misrír wa ale, inslawaak, asma baalaarihe AAKOÓ MUNGÚ kuungá' nuna duúx ar dakós oo /uuruú koóm. Gimsé' baalár adór tihe, mikaátér taa sluuftís ma /ayaara'.

TI'INAANGW 13:9

Baalaasíng kuungá' tunduwa duúx baraá yaamaá Misriro ar /uuruú dakós an inslasleerá' adór mulkír gawaá dákwí dirii', laqaá ar gawaá gitsee/ií dirii', as kahhó' a sagaqwada'aaká hara'ayaarír AAKOÓ MUNGUHE.

TI'INAANGW 20:5

Kuúng slaqsi'iidá' mi i tumbarara'amitaar, laqaá mi sluufmisuú awaar, asma anuú AAKOÓ MUNGÚ, Munguúwók, a Mungú da/tá koóm, kudá' li/oó tlakweemaá xwayliité tidá' aníng i ahhiit gu dír na/ii'ín buú' tam ay nángw sagaáwa tám laqaá ay tsiyáhh.

YEREMIA 16:11

Daqaní kuúng ki beer, AAKOÓ MUNGÚ i kaahi, «Baabi'iihúng aníng ina geexayé', munguaá hatlá' ngiri eehariyé' ngiwa sagadiyuusiyá', nee ngiwa sluufmiisiya'. Aníng ina geexayé' tam daber'eé' ngaa oohi'iiká.

DABE 13:5

Ala aaruuseedá' sleémeero nee mukduú tlata sleémeero un tsu/á', as lameemo nee al/ayma ngiwa axweesiyá' daanduú AAKOÓ MUNGÚ, Munguúhunge, kudá' kuungá' naa baraá yaamaá Misrír wa duux, nee naa baraá lawaali'iimár wa tuu/. Aaruuseedá' kuungá' nun qwaareemís baraá loohidá' AAKOÓ MUNGÚ, Munguúhúng naa kuungií hara'ayín kawa ota'. Adoorí an adoodá' tlakweema kir hingesa' baraá tla/angwhunge.

DABE 29:18

Gimsé' ti harmagahhe' laarí hhawaata laqaá /ameeni, laqaá heé doohúng, laqaá oo tlahhayhúng tumu wák oo diirí wa sihhmiít laarí, oo AAKOÓ MUNGÚ, Munguúrén gu sií', miwa deeruút, iri munguaá xoordaá hatlá' sagadiyér áy. Gár adór tí an adór dee/armoó aa harmaa/, mamaá qarqará' giri laqwaál, kudá' qarkú koomá'.

DABE 29:25

Naagáy muu iri ooi, ‹Asma inooín alqadór AAKOÓ MUNGÚ ngina mayé', Munguú baabi'ii'ín kudá' alqado gaa tleehh qoomár inooín ngiwa baraá yaamaá Misrír wa duúx,

DABE 32:15

Ala Yeshuruni ina wahhaár nee kal/aando gari iimu/ún. Kuungá' ana wahhadité', gur'e kari tlehhité', tari bununuquumité'. Aluuwo Munguúdá' gaa tleehh nguri si'iyé'. Tlaa/adár ba/ama ngari waaqaaiyé'.

DABE 33:17

Xirfuuwós a adór oo awuú baris, xareemiiwós a adór kuqaá yaqaambuú saree/a, xareemidaádae inós xoordu gin tliwii/ ay alhhe'eesoó yaamu, inooín sleémeero gi ku/iyaá yaamií hardahaas. Efraimu xareemi ngi kon kume mibaangw, nee Manase kumér yaariir.»

DABE 4:25

«Barnaxes hota iga iimu/uundé' baraá yaamuudae, na/ii kiri laqwalé', nee nángw naangw, tari dimadiindé', tari hhitirumité', slaqsi'i kiri dakutá' as tawa Munguúhúng, muruú tlákw kuri tlehhitá' dír geeraá AAKOÓ MUNGÚ, Munguúhúng, nee kuri buhhtisé',

DABE 5:9

«Kuúng slaqsi'iidá' mi i tumbarara'amitaar, laqaá mi sluufmisuú awaar, asma anuú AAKOÓ MUNGÚ, Munguúwók, a Munguú da/tá koóm. Kudá' li/oó tlakweemaá xwayliité' tidá' aníng i ahhiit gu dír na/ii'ín i buú' tam ay nángw sagaáwa tám laqaá ay tsiyáhh.

DABE 6:12

Tí ma baloó gunqareesara' adór AAKOÓ MUNGÚ kuungá' nura baraá yaamaá Misrír wa tuú/ qoomár tawa lawaale.

HAR'OHUUSE 10:11

AAKOÓ MUNGÚ múk Israeli guri báy, «Xáy, aníng kuungá' naa tu/iikáhe dír múk Misriro, nee dír múk Amoriro, nee múk Amoniro, nee dír múk Filistiro?

HAR'OHUUSE 5:8

Qoomár munguaá /aben ngiwa tsawaariyé', slaqwara niri ti'ít baraá ayko. Ala hee i deéro oo lawaala gaa taataahh, laqaá gaamboót, baraá tla/ángw slaqwaruusér kume mibeeri tsiyáhh ar Israeliwo?

HAR'OHUUSE 8:33

Alaá gwa'arár Gideoniwo, múk Israeli Mungú sluufmisuuwo nguri malé mayé'. Munguaá Ba'ali ngiri sluufmisiyé'. Munguúdá' ta bay Ba'al-beriti nguna munguúín tleehhiyé'.