HAR'OHUUSE 2:11 - Biblía Axweesantá Hhohho' ar Mungú 2004

¹¹ Múk Israeli tlakweema kina tleéhh dír ilaá AAKOÓ MUNGUHE, inooín Ba'ali ngway sagadiyuusiyé'.

HAR'OHUUSE 2:11 Iomraidhean Croise

IIMU/UUNGW 13:13

Ala múk Sodoma a múk tlákw oo tlakweemaá yaariir gaa tlehhahhiit dír geeraá AAKOÓ MUNGUHE.

IIMU/UUNGW 38:7

Ala Eri, na/ayduú baris oo Yuda, iri tlakúy dír ilaá AAKOÓ MUNGUHE, kway gaás nee AAKOÓ MUNGÚ.

1 WAAWITÁ 11:5

Solomon munguú ta bay Ashtaroti kuduú /ameeni oo múk Sidoni guna sagadiyuús, nee Milkomu kudá' ta waki oo múk Amoni guri eehár

1 WAAWITÁ 18:18

Eliya guri báy, «Múk Israeli heé gwa slahh'amuúr ay a aningeeká, an kuúng nee múk doó baabuúwók, asma kuungá' hara'ayár AAKOÓ MUNGÚ ana sié' nee slaqsi'iidaá munguaá ta bay Ba'ali kiri sluufmisé'.

1 WAAWITÁ 22:53

Inós Ba'ali guna sagadiyuús guri sluufmiís. Nee AAKOÓ MUNGÚ, Mungú múk Israeli, guri buhhtís, adoodár kilá' baabuúwós aa tleéhh baraá umuú gaaro.

2 QOM'I 28:2

Loohír aa eehár a tidár waawituú Israeli aa eehár. Inós munguúdá' ta bay Ba'ali guna tleéhh ar muqslír taa kwahhuút.

2 QOM'I 28:3

Mooyaangw guna da/aa/án baraá xatsta garmoó Hinomu wa ale, sleeme na/iiwós giri ilahhooár da/tá wa haniís dír munguú ta bay Ba'ali, ar adór muruudá' ta waki nee kur tlehhahhiti xoorduudá' Mungú aa guús geeraá xoorór Israeli wa aleeró.

2 QOM'I 33:6

Daaqaywós sleeme guna ilahhooár da/tá wa hanmiís baraá xatstá garmoó Hinomu wa ale. Tlaa/e gina xuú', iigu'utu guna leelehiít, muruuduú taami ohiingw guna tsegiít, sleeme tana aldinku'umiís nee mukdá' giaá duxuúm nee da/aluuse. Inós tlakweemaá yaariir gina tleéhh dír geeraá AAKOÓ MUNGUHE, Mungú guri buhhtís.

ESRA 8:12

Nee oo tlahhoó Asgadi a Yohanani garmoó Hakatani, inós kuna harafaár nee hhawaataá tsiiru nee mibaangw.

NEHEMIA 9:26

«Ala i inkihhimuú kon'aaká diroge, uri si'iyé', dabeerók ngay mayé' nee aaruseedá' gaa gurbu'uun as kuúng uwa iki/iya' ngina tsu/iyé', /ooslislíngw urén ngway ló'wa kaahiyé'.

WARA'AMI 78:56

Ala tam adoorihe Munguú Gáwtí dirií' nguna iiaraa'ariyé', ngway si'iyé', tam kaahirós ngaa iialooeesi'iiká.

YEREMIA 11:10

Inooín tlehhmi'idá' tlakw awa baabi'ii'ín ngina i ki/iyé' tlehhtuuwo, kudá' axweesante'eé' nga si'iye' eeharto. Inooín munguaá hatlá' ngina harahhifiyé' nee ngina sagadiyusiyé'. Múk Israeli nee oo Yuda alqadoodá' aníng naa oó' dír baabi'ii'ín ngaa geexayé'.»

YEREMIA 16:11

Daqaní kuúng ki beer, AAKOÓ MUNGÚ i kaahi, «Baabi'iihúng aníng ina geexayé', munguaá hatlá' ngiri eehariyé' ngiwa sagadiyuusiyá', nee ngiwa sluufmiisiya'. Aníng ina geexayé' tam daber'eé' ngaa oohi'iiká.

YEREMIA 2:20

Iimír aáng kuúng taqwantók aga geeqeér nee piíngu kuri kwáhh amór saaw, tari ó', «Aníng kuúng u sagadiyuusaaká.» Gawaá tlom'aá tlede nee umuú gamuú xa'anoó loo/o naa/e munguaá hatlá' ina ii xupaapú' adór tsaatuso'o.

YEREMIA 2:23

Xáy, adór hám tar o', «Aníng ti slasla/areeká, munguaá Ba'ali iga eehariiká.» Qaytsiít, tlakweemadá' taa tléhh baraá xatstaqá' wa aleeró, ga/aaweek adoodá' taa amorqá' wa tléhh. Kuúng a adór damár ar angamía buka ar /akuutár slaa', tidá' ti'iim amooqá' nee tiqae,

YEREMIA 32:23

Inooín niri dahiyé', yaamu ngiri oohiyé', ala tidá' kuúng kaa beér nga iiárií qaasi'iiká, tam hara'ayarók nga oohi'iiká. Tidá' kuúng kaa beér ngaa tleehhi'iiká. Gawaá adoorihe, kuúng kiri amotlakweérí húp.

YEREMIA 9:14

Ala inooín muner'ín ngina gawdeesiyé' nee Ba'ali nguri eehariyé' adoodá' kira intsaahhatís nee baabi'ii'ín.› »

FAARO 25:3

Adoorí an adór múk Israeli ira haragwaá' dír Ba'ali oo Peori, AAKOÓ MUNGÚ iri daa/atúy buhhtaawo amór múk Israeli.

DABE 31:16

AAKOÓ MUNGÚ Mose guri báy, «Kuúng daxta deeloorók ar tawa kahhut naa tseewuúr, nee alaá bara gwá', muu aníng i geexáy, nee munguaá hatlá' kiri eehaar awa baraá yaamuudá' tay hotaá ay. Aníng i geexayá', nee alqador'eé' ngiri geexayá', tidá' nee inooín taa tleehhaán.

DABE 4:25

«Barnaxes hota iga iimu/uundé' baraá yaamuudae, na/ii kiri laqwalé', nee nángw naangw, tari dimadiindé', tari hhitirumité', slaqsi'i kiri dakutá' as tawa Munguúhúng, muruú tlákw kuri tlehhitá' dír geeraá AAKOÓ MUNGÚ, Munguúhúng, nee kuri buhhtisé',

HAR'OHUUSE 10:10

Múk Israeli tari /aá/ dír AAKOÓ MUNGÚ, tari oó', «Atén kuúng ugwa tlakweemií tleehhaán, asma atén kuúng Munguúrén una geexawaán, Ba'ali kuri sagadiyuusaán.»

HAR'OHUUSE 10:6

Múk Israeli tlakweema gina malé tleéhh dír geeraá AAKOÓ MUNGUHE. Inooín munguiidá' ta bay Ba'ali nee Ashtaroti ngina sagadiyuusiyé', nee munguaá hatlá' awa Shamu, nee awa Sidoni, nee awa Moabu, nee awa múk Amoni, nee awa múk Filistiro sleeme. Inooín AAKOÓ MUNGÚ nguna mayé', tam sleeme naa kumiiti'iiká nguwa sagadiyuusiya'.

HAR'OHUUSE 13:1

Aluuwo múk Israeli tlakweema gina malé tleéhh dír geeraá AAKOÓ MUNGUHE, AAKOÓ MUNGÚ múk Filisti guri /uurií haniís oo múk Israeli nguwa sawaawuti'in ar afiqoomár kureeri mibeeri tsiyahhe.

HAR'OHUUSE 3:12

Aluuwo xoorór Israeli tlakweema giri malé tléhh dír ilaá AAKOÓ MUNGUHE. Gawaá adoorihe AAKOÓ MUNGÚ waawutmo Egloni oo Moabu guri /uurií haniís xoorór Israeli ngiwa baali, asma tlakweemaadá' naa tleehhiyé' dír ilaá AAKOÓ MUNGUHE.

HAR'OHUUSE 3:7

Múk Israeli adór slasla/aar gana tleéhh dír ilaá AAKOÓ MUNGUHE, AAKOÓ MUNGÚ, Munguúín nguri gunqareesiyé', inooín munguiidá' ta bay Ba'ali nee Ashera ngiri sagadiyuusiyé'.

HAR'OHUUSE 4:1

Alaá Ehudi iwa gwaá' xoorór Israeli tlakweema gina malé tléhh dír ilaá AAKOÓ MUNGUHE.

HAR'OHUUSE 6:1

Xoorór Israeli tlehhma'aá tlakw gina tléhh dír geeraá AAKOÓ MUNGUHE, AAKOÓ MUNGÚ inooín giri haniís gawaá dabaá múk Midiani, har afiqoomár kureeri faanqwe.

HAR'OHUUSE 6:25

Xweeradaá kilae AAKOÓ MUNGÚ Gideoni guri báy, «Awuú baabuúwók taataahhang, nee awuú hatlá' oo kureeraá faanqw, kitangwduú ilahhooa oo baabuúwók aa tleéhh as munguúdá' ta bay Ba'ali fee/eek, dinkwa nee slaqsayduú Ashera taa sihhtís, kuduú bihhiidií dirií'.

HAR'OHUUSE 8:33

Alaá gwa'arár Gideoniwo, múk Israeli Mungú sluufmisuuwo nguri malé mayé'. Munguaá Ba'ali ngiri sluufmisiyé'. Munguúdá' ta bay Ba'al-beriti nguna munguúín tleehhiyé'.

1 SAMUELI 12:10

Inooín AAKOÓ MUNGÚ kway i /aa/amín tari oó', ‹Aga tlakweesaán, asma AAKOÓ MUNGÚ ugwa geexawaán, munguaá ta babay Ba'ali nee Ashtaroti kiri sagadiyusaán, ala hamí ti tu/ baraá dabaá wakuuseerene, daqaní atén kuúng u sagadiyuusaán.›

1 SAMUELI 7:3

Samueli múk Israeli sleémeero guri báy, «Barnaxes aga ki/é' ar munerhúng sleémeero amór AAKOÓ MUNGÚ, gimsé' munguaá dahaaye hingeesaak, nee slaqsi'iidá' ta babay Ashtaroti, dirhunge kwahhaak. Munerhúng amohhe'eesaak dír AAKOÓ MUNGÚ. Inós kilós ku sagadiyusá', daqaní inós kuungá' nu ba/amis baraá dabaá xoorór Filistiro.»

1 SAMUELI 7:4

Xoorór Israeli slaqsi'idaá mungui, awa Ba'ali, nee Ashtaroti giri hingés, AAKOÓ MUNGÚ kilós nguri sagadiyuusiyé'.