HAR'OHUUSE 19:6 - Biblía Axweesantá Hhohho' ar Mungú 2004

⁶ Inooín tsaraawo tay /ayín, tay wahán dinkwár wa ale, baabuú /ameenidá' guri báy, «Na'ás, masók tu amohhoó' xweerakaá laarihe tawa deelaan, ma gurboo/awaar.»

HAR'OHUUSE 19:6 Iomraidhean Croise

2 SAMUELI 13:28

Absalomu sagadiyuuserós gari báy, «Xumamisé' bar Amnoni difaái ngaa wáh, afa gway sláy, án bar aga oó', ‹Amnoni slahhaak,› daqaní ku gasá'. Adoorí an adór aníng naa oó' dirhúngí ale. Pihhé' ar muunuú migi.»

1 WAAWITÁ 21:7

Yesebeli guri beér, «Waawutmoó Israeli a heemá? Ahaá a kuúngeéke? Qwaláng, tlawáng, /ayiím, qwalalaá/ sleeme. Aníngár kilá' qaymór sabiíbu ar Naboti, yaamuloousmoó Yesre'eli, ngi haniís.»

ESTA 1:10

Bál faanqwe waawutmo muunaáwós iwa qwalaá/ as difaái ngiwa xuúf, mukdá' faanqw taa karmuumúy, kudá' gu sagadiyumamiís, guri ateét. Mukwí an ín Mehumani nee Bista nee Harbona nee Bigta nee Abagta nee Setari nee Karkasi.

WARA'AMI 104:15

Nee difaáír muunaáwós gu qwala/aas, di/tá gitsee/awós ngir soohhayesi, nee fa/ár /uuru ngur slay.

Luka 12:19

Daqaní nay kilooeé' oo', ‹Balángw yaariír u koóm oo ni /aay kureeraá yaariire, nee muruú hatlá' sleeme. Aníng daxta an iwiwiít, an /ayiím, an wahaám, an qwalalaá/.›

1 Tesalonike 5:3

Qoomaadá' tawa kaahi, «Wayda i deer nee amohhooa,» qoomaadá' an tidár hhitiru'uuma nuwa hhaawis, adoodá' /ameenír tsiiháy asltá xwayla ngir i hardaraarat. Ala guway ku aleeslayká.

Geehhoeemaá 11:10

Nee múk baraá yaamuú wa hoót i qwalalaa/ nee iri baraa/ as inooín, nee tiri kilooín ilahhooár i hanmisiyá'. Asma aaruuseerí tsár mukdá' baraá yaamuú wa hoót guna ló'wa daawitamís.

Geehhoeemaá 11:13

Qoomaadár kilae kunseeli niri hardát, bartá wák ar gixsa iri hú', baraá baduudá' mibaango awa gixsa. Múk kumér faanqw kuri tsuú/ nee kunseelidá'. Nee múk aa meet iri ló'wa da'ayuút, Munguú doori kuri xirfayeemiís.

HAR'OHUUSE 16:25

Muner'ín iwa ló'wa qwalá/ tana oó', «Samson ateetare' baraá doó tseegamooro, neetoorós a araán, i neeti áx u araán.» Naagáy Samson kuri ateetár áy baraá doó tseegamo iri geeraaín wa neét. Inooín nguna sihhtisiyé' dír tla/eeraá uheemaá tsár.

HAR'OHUUSE 19:7

Heedaádá' iri sihhiít iwa tlay, baabuú /ameenidá' guri malé harhheehhe'eés iwa deeli, iri deél.

HAR'OHUUSE 19:9

Heedaádá' iwa sihhiít as iwa tlay nee /ameenidá' nee sagadiyusmoowós, baabuú /ameenidá' guri báy, «Qaytsiít, looa aa dát, iimi a tsiindo, kuúng diirí i deelang, ma gurboo/awaar, matlaatleero ta tseewa tleér as tawa hardat amór doohúng.»

HAR'OHUUSE 9:27

Nina tlayé' ay baraá qamaá sabiíbu, difaái ngiri tleehhiyé', deelór ur ngiri tleehhiyé'. Nina dahiyé' baraá doó munguúín, niri /ayné' nay wah'né', Abimeleki nguri niqisiyé'.

RUTI 3:7

Boasi /ayma nee wahaango iwa hhe'eés, muunaáwós iri qwalaá/, iri qatuú áy dír bihhaá ufuú angaánoó shayiíri kudá' taa haritleemiís. Ruti iri tseegís ay didá' Boasi i qaát, inqwaari gay waatlés, inós iri qát dír ya'aawós i alé.

1 SAMUELI 25:36

Abigaili iri wátl amór do', iwa hardát dír do'ose Nabali taa amohhe'eés muruú /aymár úr gwaa tleéhh oo hariímár doó waawutmoó wa ale, Nabali a kuqá' yaanda hhoó', asma aa qaroó ooniít. Gawaá adoorihe gár ngwaa beér i káhh tam ar wák, ay matlaatle iimi iwa /awaakuúr.