HAR'OHUUSE 19:22 - Biblía Axweesantá Hhohho' ar Mungú 2004

²² Qoomár tawa qwalaala/i, múk gixsadá' oo barawaslén doó heedaádá' nguna harweeriyé' bihhe sleémeero, nay ateetiyé' baraá do', tay axweés nee aakoó do' loó', kway báy, «Heedaádá' naa do'ógií qatuú ay, tsee/í duuxang as kahhó' nee atén tawa fuquusaan.»

HAR'OHUUSE 19:22 Iomraidhean Croise

1 WAAWITÁ 21:10

Daqaní múk tsár oo gu lamtí tsaát ku sleerá', oo gu báw, ‹Kuúng waawutmo nee Mungú iga /ooslisliín.› Daqaní ku tsee/í duxá', ku tlaa/ér tlaqutá', i gwaai.»

ESEKIELI 16:46

«Hho'oorók ar ur a Samaria, tidár bihhaá /iya, dinkwa nee hhaeewók. Hho'oorók ar niina a Sodoma, tidá' bihhaá basa, dinkwa nee dasuwós.

HOSEA 10:9

Aá múk Israeli, tlakweema ina tlehhé' iimír tawa baraá Gibea, nee tam hamí a kumaamitá', ar ló' tundu hhaamiis ar slaqwara baraadaá kilaá Gibea.

HOSEA 9:9

Kuungá' aga faakamisé' tlakweema tlehhtuuwo, adoodá' aáng aa tleehharut baraá Gibearo. Mungú dakuúsar'ín gan inslasláy nee giri muux as tlakweemaaín.

1 Korinto 6:9

Ahaá kuungá' a xua'akáhe adór /aytuuse waawuti'iimár Mungú ngir baloó alká? Kuungá' miti kiloohúng al/agiimara'. Múk tsaatuuse waawuti'iimár Mungú ga aaliiká, laqaá tam múk munguaá hatlá' haratlintaatií', nee tam fuquuse, laqaá hhawaateedá' nee hhawaataá hatlá' fuquusá', laqaá /ameenadá' nee /ameenár hatlá' fuquus,

2 korinto 6:15

Nee slám Kristo nee Neetlaangw adór tir axweesani slaya' a adoomá? Laqaá heé Krishaanmo nee heé Krishaanmowooká, gár tiwa slaya' a milá?

DABE 13:13

adór múk barawaslén baraá tla/angwhunge, yaamuuloouusér gixsarka ngira qwaareés, tawa kaahi, ‹Gusé', munguaá hatlá' i sluufmisuú awaán.› Kudá' handá' kuungá' iga geerií xui'iiká,

Yuda 1:7

Múk gixsár Sodoma nee Gomora inslawaak sleeme, nee múk gixsadaá hatlá' awa bihheedií tsewen. Inooín sleeme adoodár malaykeedá' kana tleéhh, tsaatu'uuma kana eehár, ilatleerír tlakw baraá slaqooine ina baaliín, tam tsaatu'uumadár tlakw ar iringeé kana tlehhiít. Mukwí kwaa sakwasleemuút baraá aslá alhhe'eesoó koomaaká as tawa slaqsaay tleehhiti dír múk hatlae.

HAR'OHUUSE 16:25

Muner'ín iwa ló'wa qwalá/ tana oó', «Samson ateetare' baraá doó tseegamooro, neetoorós a araán, i neeti áx u araán.» Naagáy Samson kuri ateetár áy baraá doó tseegamo iri geeraaín wa neét. Inooín nguna sihhtisiyé' dír tla/eeraá uheemaá tsár.

HAR'OHUUSE 20:5

Hhawaataá Gibea niri haratlayé' dír do'dá' ni deél, do'dá' ngway harweeriyé' bihhe sleémeero qoomár xweeraawo. Nina tsabiné' aníng iwa gaasiya', /ameenir'eé' ngari gaasiyé' ar tsaatu'uumar'ín.

HAR'OHUUSE 20:6

Aníng /ameenir'eé' ngiri taataáhh, ngiri tlaáq umuúqo diqito'ooro, ngiri huúw baraá yaamu sleémeero awa múk Israeli, as gár tlaakw ar adór tí naa tleehhiyé', nee alsi'imuú adór kwí baraá Israeliwo.

1 SAMUELI 1:16

Sagadiyuso'oorók ma adór /ameenír aa pungahhamút ar tsaahhaar, gár muruuwí sleémeero ngusa axweemaamiís a slahh'amuú naa sláw nee gurhaamiro.»

1 SAMUELI 10:27

Ala mukko amoowásl tari káh, «Xáy, kwí adór tir ba/amisi?» Inooín kuri waaqaá' tam qeemuú kway huúw i kaahh. Ala inós gaa gaárí xuiiká.

1 SAMUELI 2:12

Daaqoó Eli a múk iia waslén, AAKOÓ MUNGÚ ngu gaárií xuiaaká,

1 SAMUELI 25:25

Aakooeé', daktantasír Nabali ma iiárií qaasaar, asma adoosíng umuuwós tar Nabali, an adór inós i dirii'i, asma umuú ta bay Nabali gídaabárós a daktu'uuma. Ala anír sagadiyuso'oorók daaqaywók kudá' naa ya/áp ugwa ariiká.